Ịrịka 13:17 - IWE ỌNỊNỊ

¹⁷ Imosiisi mèe tụ́ wa ka e ne re Ikanaani, ô ka yị wa ka ẹ zị oze Ịnẹgẹvị na zị oze ịnị ataba.

Ịrịka 13:17 ပူးပေါင်းရင်းမြစ်များ

Oyinyima 12:9

Dị Abụramị aa yịị na, pooro, dị ọ na ngụ eyi ụvẹtẹ ịnị ẹtẹ Ịnẹgẹvị nị.

Oyinyima 13:1

Abụramị ộ sị ose anị, dị ọ kụ́ avaba ogu ọnị ọ nyị dị ẹnịrị Ịrọọtị hụrẹ Ijipiti dị ẹ nọ eyi ụvẹtẹ ịnị ẹtẹ Ikanaani nị.

Oyinyima 13:17

Dị ọ rẹ ka ọ̀ kwẹẹtẹ dị ọ̀ maanị che ẹtẹ ọnọọ ajaajẹẹ ọnịrị ẹvẹnẹ-ẹvẹnẹ na para hu. Ọ kà ọnị ọnị vaa sịị yị nị.

Oyinyima 13:3

Abụramị ộ hụrẹ ịzọọ dị ọ na pooro na ngụ Ịbẹtẹrị ịzị ọ vịdị jị ajẹngụ tụ́ nị. Ajẹngụ ọnọọ vị ana yà ịnị akakana Ịbẹtẹrị ọnịrị Àyị.

Oyinyima 14:10

Ini ozi ana aā hị́ Isidimi ịzị ẹ yà aa kụ̀ ịrẹkụ aanị, ọ̀dà dụmẹ-dụmẹ vị ana gwẹtẹ ini imisi ene hi ịzọọ. Óhinọyị Anisodọmị ọnịrị ohinọyị Anigomora mèe zwe, dị ẹ na ngụ imisi ẹnẹẹ dị ẹnị ana vọ sị zwe nọ ịnị ataba nị.

Ịrịka 13:18

Ẹnịnị e ne re ịzọọ mẹmẹ ya. Aza ene hi ịzọọ ẹ́ẹ́ nyị ụkataa? Ẹnịnị ẹ́ẹ́ rụrụ?

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ịrịka 14:40

Ẹnẹnẹ eyinẹhẹ anị dị ẹ kwẹẹtẹ ka ẹnị aa nọ ẹkụra ene hi ịnị ataba. Dị ẹ kà a yị vọrọ ka ẹnị ẹ rị uhuhu hi Ẹnẹyịmavara; avọọ, ẹnị a nọ ịnị ẹtẹ ọnị o wo oto anị yị ẹnị.

Iwe Ọhụhị Imosiisi ana aa hị́ Ọyịvatụrọda 1:44

Dị Anamọrị ana ra ịrẹsụ ataba jịnẹ tu wa, dị ẹ dụ wa anka ẹhụ mẹẹ̄ dụ ọza avọọ nị. Dị ẹ dụ wa hụrị ataba Ịsẹyị chi vẹ va ngụ Ịhọma nị.

Ijosuwa 10:40

Avọọ Ijosuwa mẹ vu avaba ẹkụra ene hi ịrẹsụ ataba va chi va ngụ Ịnẹgẹvị ọnịrị ẹkụra ene hi inozi. Ẹ yị nyị ọza ana ha anka Ẹnẹyịmavara mẹ mẹ ọda anị yị wa.

Ijosuwa 15:3

dị ọ jịnẹ tụ́ eyi ụvẹtẹ oze ana aa hị́ Uku na ngụ Izini. Avọọ ẹtẹ ọnọọ mẹ ne tu eyi ụvẹtẹ ẹkụra ana aā hị́ Ịkẹdẹsị Ibaneya nị. Ộ na ngụ Ihezironi hịrẹ ne tụ́ Adari, dị o jesi kara ne tu Ikarika.

Ijosuwa 2:1

Ijosuwa ọ̀ tụ aza ẹnị ẹẹva hụụnị Anisirẹrị ene hi Akasiya ka e were-were ne re ẹtẹ ana ya akẹnẹ irehu Ijodani va ka yị ọnị nị. Dị ọ ka, ẹ zama ẹtẹ ọnọọ re jesi kara Ijeriko. Ịzẹyịza, dị ẹ kwẹẹtẹ dị ẹ na ngụ irehi ọsẹrẹka ọnya aanị ana aa hị́ Ịrahabị zi ẹ ya ịrahụ ọnọọ nị.

Ọdọvịdị 1:15

Dị ọ ka ada anị ọ sị ẹtẹ apasị anị mẹ̀ ọnị ẹyịza vaka ẹtẹ ana ya Ịnẹgẹvị ọnị ọ vịdị sị yị ọnị nị. Ịzẹyịza, dị Ịkarẹbị sị ẹtẹ apasị eyi ẹbẹẹba ọnịrị eyi ụvẹtẹ yọ nị.

Ọdọvịdị 1:19

Ẹnẹyịmavara ộ jẹẹ isoja Anijuda nịnị ịrẹma, dị ẹ dọ ẹtẹ ẹkụra ene hi ịrẹsụ ataba nị. Ama ẹnịnị ẹ yị rẹ va zụ dụ aza ana ra inoze agụvị ka ẹnịnị ẹ nyị ịkẹkẹ ịrẹkụ enyusẹ.

Ọdọvịdị 1:9

Ịrẹma ọnọọ, Anijuda nịnị va chi kụ ịrẹkụ ne tu Anikenaani nịnị ana ra ịnị ẹkụra ene hi ịrẹsụ ataba ọnịrị ẹtẹ Ịnẹgẹvị ne beri inozi.