Ịrịka 12:8 - IWE ỌNỊNỊ

⁸ Ẹnẹyịmavara kà ọnịrị Imosiisi vị eneē re ẹngụ, dị ọnị e pe e ka ịrẹyị. Ọnị ọ mā da ịrẹyị gu yị ọ. Ọnị ọ vị ọza ene re ọnị mẹmẹ ya nị. Sị ẹ vẹ dị ẹnịnị e yị hí angwa anị, dị ẹ yaa du ọ?

Ịrịka 12:8 ပူးပေါင်းရင်းမြစ်များ

Oyinyima 32:30

Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.”

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ahẹ Ụgama 49:4

Mee sì ka me che ụhịrẹyị dị ma rẹ sị àgidibò kà iruvo anị.

Ọyịkụra 19:19

Di ọpanyị aa sịị sụ ịrẹyịị hu avọọ nị. Di Imosiisi aa kà ịrẹyị di Ohomorihi ee tụ́ o ohi nị.

Ọyịkụra 20:4

Wẹ yị nyayịnẹ na bẹ ịsa vene ịsa ọnyọọnyị dị waa hị́ ọ ori. Asị ụ na bẹ ịsa vene ịsa ọnyọọnyị ana yà ẹbẹẹba, àa vị ịsa ana yà iruvo ẹtẹ. Asị ụ rẹ na bẹ ịsa vene ịsa ọnyọọnyị ana yà ini enyi.

Ọyịkụra 33:11

Ẹnẹyịmavara vị anaā kà ịrẹyị yị Imosiisi eyi gẹrị eyi anka ọza ọnịrị ọta anị mẹ̀ẹ kà ịrẹyị avọọ. Di Imosiisi rẹ varẹma nọ udi anị. Ama Ijosuwa ozi Inuni ana vị ozweyi ana aa zị Imosiisi ụtụ ọnị ọ mā hụụnị ajẹngụ ọnọọ.

Ọyịkụra 33:19

Dị Ẹnẹyịmavara kà ọnị vaa zẹẹ ka Imosiisi ò re avaba ịsa ozoza ọnị ọnị mẹ̀ ọnị aa parahu. Dị ọnị rẹ hị́ ịrẹha anị ka Ẹnẹyịmavara éyi Imosiisi. Ọ rẹ ka, “Ọza ọnị màa vaa vayị anị vị ọnị maa vayị anị. Ọza oni mee vee ro o yị vị oni mee ro o yị.”

Ọyịkụra 33:23

Màa sị para hu dị ma sị ụvọ amị, di we re ịrẹma amị. Ama mẹ yị zụ zẹẹ ka we re eyi ịrẹsụ amị.”

Ọyịkụra 34:30

Ịjị Eerọnị ọnịrị Anisirẹrị ana vọ re Imosiisi, ê re ka eyirẹsụ anị aa za ẹtẹ. Angwa ee hi wa, ẹ yị kụkụ nyayịnẹ kà pe Imosiisi.

Ụhịrẹyị 1:6

ọ̀ọ yẹ ụhịrẹyị, dị ọ yara swẹ ụhị, dị ọ rẹ yẹ aa sị ịrẹyị ana hị́ ọsa nị, ọnịrị dị ọ yẹ a mẹẹ che ebira nị.

Ayịsaya 40:18

Ẹnẹ a nyẹngụ sị juwe Ohomorihi kẹ? Sị a zụ sị jiwe anị kẹ?

Ayịsaya 46:5

Ẹ̀nị ụ ve sịị juwe amị nịnị? Áá nyị ọza ana yà anka m mẹ̀ ya?

Ezikẹẹrị 17:2

Ozi-ọza ọnị ọ̀ che ụhịrẹyị ọnọnị yị Anisirẹrị nịnị,

Ezikẹẹrị 20:49

Ama, dị ọnị ka tee! Ẹnẹyịmavara Ananyị ụkata hu, aarịhịnị, asị ọ kà a ka ọnị ọ̀ na ka ẹngụ ịrẹyị ọnọnị de, ka aza vana vịdị aa kà a ka vị ọnịị sị avaba ịrẹyịị che ụhị nị.

Ihoseya 12:13

Ẹnẹyịmavara ộ tụ́ ọnịsẹ ka ọ kụ́ Anisirẹrị hụrị Ijipiti, dị o sere wa.

Ịrịka 14:14

Anijipiti nịnị ẹ̀ yẹ ka waa sị ẹngụ zụ aza awụ chengede ịnị eguhi ana da jẹẹ ku wa ịrẹsụ. Ụ ya ịnị eguhi ọnọọ tụ ọvịdị aa zụ aza awụ oze. Ịrahụ dị eguhi ọnọọ vara ịra yị wa. Ẹnịnị vaa ka yị anẹkụra ọnọnị ana yẹ ka ụ ya pe aza awụ.

Ịrịka 7:89

Ụmẹ ọnị Imosiisi ọ̀ọ ngụ ịnị ajẹngụ ne pe Ẹnẹyịmavara kà ịrẹyị, dị ọ wụ ọngwẹ hụrẹ ẹbẹẹba ene e pe e ka ịrẹyị akẹbẹẹba apoti oto ịnị uyi anggẹẹrị ẹẹva.

Imatiwu 13:35

Ộ maanị mẹ, agụvị ịrẹyị ọnị ọnịsẹ vịdị kà, ọ̀ zụ sẹ ka, “Màa kà ịrẹyị yị wa, ụhịrẹyị mị vaa sị kà a nị. Mị vaa kà a yị wa ịsa ana tẹ yị aza, a mẹ̀ hụrẹ mẹ ẹhẹ.”

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 15:15

Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

1 Anịkọrịntị 13:12

Ịsa oni yee re booro aanị, vị ana sị mẹẹ ọza òo rere aa zị oze ini ore re ẹtẹ wura-wura avọọ. Ama ẹkụhị ọnya, i vee re wa eyi gẹrị eyi. Booro aanị, ẹ yị nyị ịsị mị zẹẹ yẹ; ama ịhị ọnọọ, mị vaa yẹ wa ẹtẹẹtẹrẹ, anka Óhomorihi ọnị mẹ̀ yẹ mị saka-saka.

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.

Iwe Ọhụhị Imosiisi ana aa hị́ Ọyịvatụrọda 34:10

Ẹ yị vana nyị ọnịsẹ ịnị Isirẹrị anka Imosiisi. Ọnịrị Ẹnẹyịmavara vana gẹ ka ịrẹyị eyi-eyi.

Iwe Ọhụhị Imosiisi ana aa hị́ Ọyịvatụrọda 4:15

Ẹnẹyịmavara mẹ̀ beri ẹwụ nịnị ka ịrẹyị hụụnị ịra ịrẹsụ ataba Ịsịnayị ẹ yị nyị ịsọnyịsọnyị ọnị ụ rẹ. Ẹnịnị ee sị ọyịza yị ẹngụ ẹnịnị, ẹ sị eyi pe ẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 5:8

Asị ẹ na bẹ ịsa ene vene ịsa ọnyọọnyị ana yà ẹbẹẹba, a vị ịsa ana ya uruvo ẹtẹ, àa vị ịnị ẹnyị;

Anikorasi 1:15

Ikirisiti ọ vị uhwoto Ohomorihi oni yè yi re nị. Ọnị ọ vị ọọnyị nị, ọnị ọ vị ọzọkụ yị avaba ịsa oni Ohomorihi mẹ nị

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

1 Itimoti 6:16

Ọnị ịnyara chọchọchọ o reè yi mē sú nị. Ini ẹtohweyi ọnị ọ yà, ẹ yị nyị ọza ana zụ kà pee. Ẹ yị nyị ọza ene ree da, ayị rẹ nyị ọza ene zụ ree. Ọnị ọ nyị ụbanyị ọnịrị ụkata pooro zịna-zịna nị. Aamị.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

2Ipita 2:10

Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

Ijudi 1:8

Anka aza edivi ịyẹẹyẹ ẹnẹẹ, aza ẹnẹnị ệ kwẹẹtẹ, dị ẹ ka vị́ ẹnị ee re ẹtẹ, di eyee du ẹngụ ẹnịnịị ha nị. Ẹnịnị ẹ́ yị ma jẹẹ pe ọda ọnyọọnyị ana àa mẹ, dị ẹyaa mẹ anggẹẹrị nịnị isiya.