Ịrịka 12:6 - IWE ỌNỊNỊ

⁶ Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Ịrịka 12:6 ပူးပေါင်းရင်းမြစ်များ

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Oyinyima 28:12

Dị ọ ra ụra di o re ka â nyị ọbụna ọnya ana jẹẹ ọnị ịrẹsụ anị na kà ẹbẹẹba. Di o re anggẹẹrị Ohomorihi ẹ màa hịrẹ di e re yee chi ịnị anị nị.

Oyinyima 28:16

Di Ijekọvụ sị ha nị, dị ọ ka, “Wáá yẹ ka Ẹnẹyịmavara yà ịzẹnị dị ọnị ọ̀ yị yẹ nị!”

Oyinyima 37:5

Ẹkụhị ọnya Ijosẹẹhụ ộ ra ụra ọnya. Ọ mẹ̀ kà a yị ẹnẹbẹnị anị nịnị, dị ọ rẹ mẹ ka ẹ hyakụ kụkụ kụ́ ayị anịị hu avọọ nị.

Oyinyima 37:9

Ịhị ọsa Ijosẹẹhụ ọ rẹ ra ụra ọsa, dị ọ rẹ kà a yị ẹnẹbẹnị anị nịnị nị. Dị ọ ka: Ẹẹ yẹ ka ọnị ọ rẹ ra ụra ọsa. Ọ kà ọnị ô re ka ọyị, ụhwẹ ne beri Ụzọmị ẹwụrọnya aa ká ịrẹsụụ hi yị ọnị.

Oyinyima 46:2

Ijekọvụ mẹ̀ yà ịzọọ, dị ọ ra ụra ịrahụ ẹkụhị ọnya nị. Ịnị ụra ọnọọ di Ohomorihi hị́ ọ dị ọ ka, “Ijekọvụ, Ijekọvụ!” Di Ijekọvụ ka, “Hèé, ụ mẹ̀ kà?”

2 Ịsamụwẹrị 7:4

Ịnị ịrahụ ịhị ọnọọ, Ẹnẹyịmavara o ve pè Inatanị kà ịrẹyị dị ọ ka

1 Ohinọyị 3:15

Di Isoromọnị vana ha giri, dị ọ sị yẹ ka ụra ọnị aa ra nị. Dị ọ kwẹẹtẹ dị ọ vẹ Ijerusarẹmị, dị ọ va jẹẹ ọvịdị apoti Ịzẹzẹ Ananyị yị dị ọ mẹ̀ ịsọvọ ana aā rị ịra ọnịrị ịsọvọ ẹngwọọrọ, dị ọ mẹ̀ ịsọyịrị yị avaba ezi ahụ anị nị.

1 Ohinọyị 3:5

Isoromọnị mẹ̀ yà Igibiya ịzọọ ẹkụhị ọnya, dị Ẹnẹyịmavara sị ẹngụ zụ̀ ọ ịnị ụra ịrahụ nị. Di Ohomorihi ka, “Huse ịsị wee si ka ma sị wụ!”

Ijoovu 33:15

Ịrahụ vị ana ka ịrẹyị ịnị ụra ọnịrị ịnị etore irenyi-irenyi.

Ijoovu 4:13

Ọnị ọ rụra ịrahụ ọnị aza aa sụ ara, dị re ẹtẹ nị,

Ahẹ Ụgama 105:15

asị ẹ sị ụvọ kanyị aza anị. Ọ rẹ ka asị a nyị ịsị ẹ sị mẹ ọnịsẹ anị.

Ahẹ Ụgama 89:19

Wa mẹ ka aza awụ ana nyị ayị ọnya è re ẹtẹ ịnị ụmẹ ọnya da. Dị ụ kà a yị wa ka â nyị ọnịrẹkụ ọnya ọnị ụ raà sị ụkata yị. Ụ ka wa raà si ozwọọmụha ọnya hụụnị aza ẹnẹẹ ka wa kà a hịrẹ.

Ọyịkụra 7:1

Dị Ẹnẹyịmavara va kà a yi Imosiisi dị ọ ka: Ọnị ọ raà mẹ ka Imosiisi ọ̀ yà anka Ohomorihi avọọ ini eyi Ihwarawo. Eerọnị ẹnẹbẹnị Imosiisi ọ vaa kà ịrẹyị Imosiisi yị ohinọyị anka ọnịsẹ avọọ nị.

Ijeremaya 23:25

Ẹnẹyịmavara kà, ọnị ộ wụ ịsị ọnịsẹ nịnị anaa sị ịrẹha anịị cheeche ka vị ẹnị aa kà ịsẹ anị nị aa kà. Ẹnịnị ka ọnị ô tụ́ ẹnị ụtụ ịnị ụra ọnị ẹnị ra.

Ijeremaya 23:28

Ẹnẹyịmavara kà, ọnịsẹ anaa ra ụra ọ̀ ka a ka ọnị ọ ra ụra, ama ọnịsẹ ọnị ọnị ọọ tụ ụtụ ẹ̀ sị ịzẹyịza na ka ụtụ anị. Ọ kà, sị ebe ọnịrị akụ si vị ọnyọọnya kẹ?

Ezikẹẹrị 1:1

 nyị ọnọrụ ọnya aanị, ana aā hị́ Ezikẹẹrị; ozi ọnọrụ na aā hị́ Ibuzi ọ vị̀ nị, dị ọ vị ohirẹsụ irehi Ohomorihi nị. Ezikẹẹrị ka, ịnị ẹkụhị ọhụhị ịnị ụhwẹ ọhụna ọnị ọnị gụ ịrayị ohurẹẹwụ, ọnịrị Aniju ana vọ ana a za ọrịhị ve hi Ịbabịrọnị mẹ ra hi ụtọ irehu ana aā hị́ Icheba, â nyị ẹtẹ ọnị Ohomorihi sị zụ ọnị.

Ịdanịyẹrị 10:8

Dị ahịka ọnị ịnya ộ vọ jẹẹ ene re ẹtẹ ohyozirenu ọnọnị nị, ọnị ẹ ị kụkụ nyị ụkata vụrụ-vụrụ. Angwahi mẹ za ọnị dị ọnị vara ọza òo re ọnị ẹ yị hyakụ a yẹ ọnị.

Ịdanịyẹrị 2:19

Ịrahụ ọnọọ dị Ohomorihi sị ụra ọnị ọza ẹ yị yẹ́ aanị zụ Ịdanịyẹrị nị. Ịdanịyẹrị sị ụga yị Ohomorihi ana nyị ẹbẹẹba,

Ịdanịyẹrị 7:1

Ịnị ịrayị ịpaapa ọnị ọnọrụ anaā hị́ Iberisaza rị ohinọyị ẹtẹ Ịbabịrọnị. Ịdanịyẹrị ka ọnị me hụtẹtẹ dị ọnị aa sụ̀ ara, ọnị ộ rá ụra, dị a nyị ẹtẹ ọnị ọnị re nị. Ọ kà ọnị ộ chẹrẹ ụra ọnọọ ọnịrị avaba ẹtẹ ọnị ọnị ré tịtẹ.

Ịdanịyẹrị 8:2

Ọ kà ọnị ô re ẹngụ anị ẹkụra ana aā hị́ Isusa ana vị aha ọ yị yaatụ ịjọva ẹtẹ Erami. Dị ọnị ré ka ọnị jẹẹ ụtọ irehu ana aā hị́ Urayi nị.

Ihoseya 12:11

Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Ijowẹrị 3:1

Ẹnẹyịmavara kà ọnị vaa mẹ̀ ka ọ varẹma zee yi Anijuda ọnịrị Anijerusarẹmị nịnị.

Ịzakaraya 1:8

ịrahụ ọnị maa sụ ara, ọnị ò re ọnọrụ ọnya aanị ka ọ tụra umaata ovivi jẹẹ ịnị akakana ọchị ana aa hị́ imatiri ini ozi. Aza ene hi ịrẹma anị vị ana tụra umaata ovivi ọnịrị ọndadu neberi ọvwọọvọ.

Ịrịka 24:4

Ịrẹyị ọnọọ vị ana hụ ịda Ohomorihi Ochẹtẹẹngụ vẹ. Ọnị mẹ vaku ẹtẹ yọ ọnị re etore Isirẹrị nị.

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Imatiwu 2:19

Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị,

Imatiwu 23:31

Ẹwụ nịnị ụvọta ọ raà dọ ivenu ka ozi aza ana wụ ọnịsẹ nịnị ụ vị nịnị nị.

Imatiwu 23:34

Dị ma kà a wụ nịnị, mị vaa tụ́ ọnịsẹẹ hi wu nịnị ọnịrị ọyẹrẹyị nịnị beri ọzwọzịsa nịnị, ụ vaa wụ̀ aza ẹnyị ẹnịnị, ẹnyị vị ọnị ụ vaa kanyịị za ọchị apavahị nịnị, ẹnyị vị oni u vee tụ́ ịjapa ini irehi ahẹkẹ Aniju awụ nịnị, dị ụ waa dị waa hụrẹ aha ẹnyị naa ngụ aha ọsa.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Iruuku 1:11

Dị anggẹẹrị Ohomorihi sị ẹngụ zụ̀ ọọ ịzọọ nị. Dị anggẹẹrị ọnọọ jẹẹ eyi ụvọrị ụta ịzị a yàā rị eturare ịra nị.

Iruuku 1:22

Ịjị ọ jịnẹ vẹ, ọ yị zụ kà ịrẹyị yị wa. Dị ẹ sị yẹ ka vi o re ẹtẹ ini irehi Ohomorihi nị, agụvị ka ụvọ ee sii jị uwe yị wa nị, ọ yị zụ há irenu kà ịrẹyị.

Iruuku 20:6

Ama yàa na kà a ka ọza ọ sị yọ nị, vị avaba aza ẹnẹnị ee ne yi ịrẹta nị, agụvị ka ẹnịnị ệ dọ ka Ịjọọnụ vị ọnịsẹ.”

Odeyi 10:11

Ô re ka ihinẹba ộ na, dị ịsa ọnya aanị ana sị mẹẹ anka ịta ọgana avọọ, dị a za a ụtọ ẹyịna, di ee chí ọọ hi ẹtẹ nị.

Odeyi 10:17

Ipita ee ro o ka sị ẹ vị iruvo ẹtẹ oni oni re aanị. Ịjọnọọ ọnụtụ Ịkọnẹrịyọsị ẹnẹẹ ẹ sị irehi Ịsayịmọnị re, dị ẹ jẹẹ enoze nị.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.

Iwe Ọhụhị Imosiisi ana aa hị́ Ọyịvatụrọda 18:18

Mị vaa tụ ọnịsẹ ọnya anka ẹwụ hụụnị ẹngụ ẹnịnị hi wa. Mị vaa kà a yị ọ ịrẹyị ọnị ọ́ vaa kà; dị ọ kà a avaba ịrẹyị ọnị mị kà yọ yị wa.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Ẹtore 11:10

Dị anẹhẹ nịnị aa jẹ agụvị ọnịsẹ ẹẹva ẹnẹẹ. Dị ẹyaa mẹ inohine, dị ẹyaa kụ́ ẹyịza tụ́ụ hi ẹngụ, agụvị ka ọnịsẹ ẹẹva ệ vịdị sị ụyọrị va tù anẹhẹ.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

1 Ịsamụwẹrị 28:6

Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.

1 Ịsamụwẹrị 3:15

Ịjị Ohomorihi sị ịrẹyị anị kà, dị Ịsamụwẹrị na hụtụ pooro di eyi va nị̄ nị. Éyi mẹ sị nị̄, dị ọ kwẹẹtẹ dị ọ na nā oze irehi Ẹnẹyịmavara nị. Ama angwa ee hi Ịsamụwẹrị, ọ yị nyayịnẹ kà a yi Eri ịrẹyị oni o re.

1 Ịsamụwẹrị 3:21

Ẹnẹyịmavara vanaa sịị sị ẹngụụ zụ̀ Isiro. Ịzọọ ọ vịdị yà sị ẹngụ zụ̀ Ịsamụwẹrị di o pè e kà ịrẹyị nị. Ịsamụwẹrị ọ̀ọ́ kà ịrẹyị, ẹ yị nyị Anisirẹrị ana aā kà a ka ọnị ọ yị dọ.