Ịrịka 12:2 - IWE ỌNỊNỊ

² avọọ dị ẹ yaa ka kà a, ẹ yị vị Imosiisi ịnyara Ẹnẹyịmavara ee pe ka ịrẹyị. Ẹnẹyịmavara vi ene re pe ẹnị ka ịrẹyị. Ẹnẹyịmavara ộ wụ̀ avaba ịrẹyị ọnị ẹ ka.

Ịrịka 12:2 ပူးပေါင်းရင်းမြစ်များ

Oyinyima 29:33

Ộ dà kù di Iriya ree zyẹẹ nị. Dị ọ rẹ ma ozi ọnọrụ ọsa nị. Dị ọ ka, “Ẹnẹyịmavara ộ wụ́ ka ọza o yi sì ịrẹyị anị, agụvị avọọ ọ rẹ sị ozi ọnọrụ ọsa yị ọnị aanị nị.” Dị ọ ka ọnị ọọ ọ rị Isimiyọnị nị.

2 Ịsamụwẹrị 11:27

Ịjị ọ sị orere anị jị ta, dị Idevidi tụ́ ka à na sị ọ va tụ́ ini eehi anị nị. Di Idevidi kụkụ nyị ọ, dị ọ ma ozi ọnọrụ ọnya yọ nị. Ama ịsa oni Idevidi mẹ avọọ ộ kụ́ Ẹnẹyịmavara ayị.

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

Ọyịkụra 4:14

Ịjọnọọ di ebira oni Imosiisi aa mẹ sị kụ Ẹnẹyịmavara ayị nị. Dị ọ ka, “Aanị ka Eerọnị ẹnẹbẹnị anị ana vị Anireevi ọ yị yà ịzọọ? Ọ kà ọnị ộ yẹ ka ọnị ọ zụ kà ịrẹyị ẹtẹẹtẹrẹ. Ọ kà ọ hyakụ aa vẹ oze aanị, aa vaa gẹrị ọ. Ka ịnẹ anị vee hine òo re e.

Ọyịkụra 4:30

Di Eerọnị kà avaba ịrẹyị ẹnị Ẹnẹyịmavara kà yi Imosiisi nị dị ọ rẹ mẹ̀ ụkọrọ ịvọpa ẹnẹẹ éyi ẹnịnị nị.

Ọyịkụra 5:1

Ịjị ẹ vavọọ raà kà ịrẹyị zụ̀ azọkụ ẹnẹẹ dị Imosiisi ọnịrị Eerọnị zị ne tù Ihwarawo nị. Dị ẹ ka, “Ẹnẹyịmavara ana vị Ohomorihi ana Anisirẹrị aa hẹkẹ ka ẹnị ẹ̀ kà a yọ ka ọ̀ hụrẹ aza anị ụvọ ka â nyị eche anị ẹnị ẹ yaa naa rị ịnị ụnọmị.”

Ọyịkụra 7:10

Ịzẹyịza di Imosiisi ọnịrị Eerọnị si hu aa nọ ịda Ihwarawo nị. Ịjị e tù ịzọọ, dị ẹ mẹ ịsị Ẹnẹyịmavara kà a ka ẹ̀ mẹ nị. Di Eerọnị ne okutẹ anị tịtẹ ọvịdị Ihwarawo ọnịrị ene pè sị ụvọ za ịjọva nị. Di okutẹ ọnọọ sị vara ẹwụ nị.

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Imika 6:4

Ẹma kụ́ wụ nịnị hụrẹ ẹtẹ Ijipiti vẹ nị, dị mị kụ́ wụ nịnị hụụnị udi ọrịhị nị. Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.

Ịrịka 11:1

Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị.

Ịrịka 11:29

Ama dị Imosiisi tụ ọ ohi ka ọ́ọ́ waa kụ ịhị agụvị anị aanị nị? Dị ọ ka ọnị o si ka avaba aza ẹ nyị ụkata dị ẹ ka ịsẹ.

Ịrịka 12:3

Ama Imosiisi ọnị vị ọza ana ka ẹngụ chi huu kere-kere ịnị ẹhẹ nị. Ọ mā sị ẹngụ tụ ẹba.

Ịrịka 16:3

Dị ẹnịnị vabẹ va eyi ka Imosiisi ọnịrị Eerọnị. Dị ẹ ka Imosiisi ọnịrị Eerọnị è ro ka ẹnị hụụnị aza ana vọ nị. Avaba ẹnịnị Anisirẹrị vị aza Ẹnẹyịmavara, dị ọ rẹ ya pe ẹnị nị. Sị ẹ zụ mẹ ka Imosiisi ọnịrị Eerọnị ẹẹ sị eyi wụ̀ aza ana vọ?

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Aniroomi 12:3

Ohomorihi ộ vayị amị ẹtẹẹtẹrẹ, agụvị avọọ maa kà a yị avaba awụ nịnị ka: Asị a nyị ọza ene ne re ẹngụ anị huna ọpa ọnọọ vị ịnị awụ nịnị! Ama ọzọza ọ̀ sị ụvọ za ẹngụ anị ịnị ẹngụ ịrẹyị oni u wèe ro nịnị! Anka Óhomorihi ọ̀ọ mẹ̀ sị ụkata yị ọzọza ka ọ̀ dọ wụ́, ọzọza ọ̀ vavọọ yẹ ẹngụ anị!

Anihwiripi 2:14

Ịsa tụra ịsa ọnị ụ wàa mẹ, asị ụ rị ihuhu, asị ụ rẹ nyị ahankata tụ́ ọ nịnị.

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.