Ịrịka 12:13 - IWE ỌNỊNỊ

¹³ Ịzẹyịza, dị Imosiisi vee na owu na za Ẹnẹyịmavara Ohomorihi ka ọ mẹ ụkụ anị.

Ịrịka 12:13 ပူးပေါင်းရင်းမြစ်များ

Oyinyima 20:17

Di Abụrahamị va mẹ̀ aduwa hi Ohomorihi dị Ohomorihi va mẹ ka ẹngụ Abimẹrẹkị ọ̀ ta nị. Di Ohomorihi rẹ mẹ ka ose Abimẹrẹkị ọnịrị ezi ahụ anị anẹẹ ẹ̀ zụ ma ozi nị.

1 Ohinọyị 13:6

Di ohinọyị aa dá ịpẹẹ yị ọza Ohomorihi dị ọ ka, “Aarịhịnị da ịpẹ yị Ẹnẹyịmavara Ohomorihi awụ dị wa mẹ̀ aduwa yọ agụvị amị dị ọ̀ và ụvọ amị vẹ mị.” Ịzẹyịza dị ọza Ohomorihi ọnọọ dá ịpẹ yị Ẹnẹyịmavara, dị ọ và ụvọ ohinọyị vavẹ yọ, dị ụvọ ana rẹ yà anka ọ́ mẹ̀ vịdị yà nị.

Ahẹ Ụgama 30:2

Ẹnẹyịmavara ana vị Ohomorihi amị mê nowu va za wụ ka wa ba mi owu ịzẹyịza di u ba mi owu, dị ụ mẹ mị ụkụ nị.

Ahẹ Ụgama 41:4

Mị ka Ẹnẹyịmavara, navọ kwogwo wa vayị amị dị wa mẹ mị ụkụ mâ yẹ ka ma raà mẹ̀ ịsa odivi ka wụ vẹ.

Ọyịkụra 15:26

Dị Ẹnẹyịmavara kà ẹ̀ẹ sị ụtọ pè ịrẹyị ọnị ana vị Ohomorihi ẹnịnị dị ẹ yaa mẹ̀ ịsa ọnị ọnị re ka ộ vọrọ nị, dị ẹ sị eyi pè ọda anị dị ẹ yaa saasa a nị, ọnị ọ yị vaa zẹẹ ka ọnyọọnyị ịnị ụkụ ana za Anijipiti avọọ ọ̀ za wa. Ọ kà ọnị ọ vị Ẹnẹyịmavara anaā mẹ wa ụkụ nị.

Ọyịkụra 4:7

Di Ohomorihi rẹ ka ọ̀ varẹma rẹ sị ụvọ anị chire ịrachị anị. Dị ọ varẹma sị ụvọ anị chire ịrachị nị. Ịjị ọ tụ̀ ọ, ụkụ ịsọọnị ộ ta hụụnị ụvọ anị, dị ụvọ anị ọnọọ kụkụ yà anka ẹngụ anị ana vọ nị.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Ijeremaya 17:14

Ijeremaya ka, Ẹnẹyịmavara ọ̀ mẹ̀ ọnị ụkụ, ka ẹngụ anị vaa nịya saka-saka. Ọ̀ ka Ẹnẹyịmavara ọ̀ dọ ọnị tụ, dị asị á nyị ịsị ẹ mẹ̀ ọnị vụrụ-vụrụ. Ẹnẹyịmavara, ẹwụ ọnị aa sị ụgaa yị nị.

Ịrịka 11:2

Dị aza na owu va za Imosiisi ka ọ gụ ẹnị ụvọ nị. Ịzẹyịza, dị ọ da ịpẹ yị Ẹnẹyịmavara, dị ọ mi ịra ọnọọ nị.

Ịrịka 12:12

Asị ọ zẹ ka ụpẹngụ Imeriyamị ọ vụ anka ozi ene su tụ ịnị ịnẹ ọnya anị, dị a va ma a avọọ.

Ịrịka 14:2

Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ịrịka 16:41

Eyinẹhẹ anị, dị avaba ịragụ Anisirẹrị va eyi ịra ka Imosiisi ọnịrị Eerọnị ka ẹnị wụ̀ aza Ẹnẹyịmavara ha nị.

Iruuku 23:34

Dị Ijeesu ka, “Nda, vagu wa, agụvị ka ẹnịnị ẹ yị yẹ ịsị ẹyaa mẹ!” Dị aza ẹnẹẹ gà ịta Ijeesu nị, dị ẹyaa jị osisii tụ́ ọọ nị.

Iruuku 6:28

Waa mẹ̀ aduwa yị aza ene ee chìi hi wu nịnị, dị ụ wa rẹẹ mẹ̀ aduwa yị aza ana aa mẹ wụ nịnị kẹnẹ-kẹnẹ!

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

Aniroomi 12:21

Asị ụ zẹẹ ka ịsa odivi ọ̀ nyị ẹbẹẹba awụ nịnị; ama ẹwụ nịnị ọ̀ sị ịsa ozoza nyị ehuna ịsa odivi nịnị!

Ijemiisi 5:15

Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.