Ịrịka 11:8 - IWE ỌNỊNỊ

⁸ Aza ẹ̀ẹ kụ ọ hụụnị eteesu, dị aa sị ịrẹta kụ ọ a vị dị aa sị ịnẹ tu ọ. Dị aa hụ ọ, dị aa mẹ Ịbụrẹẹdị patapata aanị. A vavọọ sị ọ mẹ, di o hine anka aa sị angwẹ orivi mẹ̀ ẹ avọọ.

Ịrịka 11:8 ပူးပေါင်းရင်းမြစ်များ

Oyinyima 25:29

Ẹkụhị ọnya Iisọ ộ hụụnị avị vẹ, ụngwẹ aa kụ̀ ọ ẹtẹẹtẹrẹ, dị ahịka vi o ve tù ka Ijekọvụ ee ne ẹpẹ nị.

Ọyịkụra 16:23

Di Imosiisi kà a yị wa dị ọ ka, “Ọda ẹnị Ẹnẹyịmavara mẹ yị. Ọ kà ụhwọọ vị ẹkụhị ụhwọtụ. Ẹnẹyịmavara ọ nyị ẹkụhị ụhwọọ nị. Ọpa oni u weè sì ka waa wara, ụ wara a nịnị, du wa rẹ hụ́ ọpa oni wèe sì ka waa hụ́. Ana àa vọ sị ọ hụrẹ ẹtẹ na tẹ̀ tù ẹnẹnẹ.”

Ọyịkụra 16:31

Di Anisirẹrị ka ịsọyịrị ọnọọ ọ rị imana; imana ô vene ẹkụra Anihiburu oni iruvo anị vị “Sị ọ vị?” Vị ọ sị mẹẹ anka ikoko ọchị ana aā hị́ ikoriyanda avọọ nị. Ọvwọọvụ ọ vị nị, di o hine ne vene Ịbụrẹẹdị ana a sị ẹhụ tụ́ ịnị anị avọọ nị.

Ịrịka 11:7

Imana vị ọvwọọvụ yeere anka uhu ana a hị́ ịkọrịyanda avọọ.

Ịrịka 11:9

Imana ẹnẹnị vị anaā sụ beri eguhi ịrahụ hi ịzị Anisirẹrị nịnị jị ajẹngụ ẹnịnị hi.

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 6:31

Ohiku ayị nịnị ệ rị ịmana ịnị ụnọmị ịyẹẹyẹ. Â vavọọ chẹrẹ ẹ tụ́ ini Iwe Ohomorihi ka: ‘Ộ sị ịsọyịrị hụrẹ ẹbẹẹba va yị wa ka ẹ̀ rị ọọ.’ ”