Ịrịka 11:25 - IWE ỌNỊNỊ

²⁵ Ịjị ẹ sị gụ, dị Ẹnẹyịmavara chi vẹ ịnị eguhi, dị ọ ka ịrẹyị yị Imosiisi nị. Dị Ẹnẹyịmavara sị ụkata Imosiisi dị ọ sị yị ọdọvịdị ẹnị ẹtarẹwụ ẹnẹẹ nị. Ẹnịnị ẹ ka ịsẹ ịzịzọọ ama ẹnịnị ẹ yị vaa vọ mẹ.

Ịrịka 11:25 ပူးပေါင်းရင်းမြစ်များ

2 Ohinọyị 2:15

Ẹnị ọnịsẹ ẹvarẹwụ Anijeriko ẹnẹẹ ê re e, dị ẹ ka: Ụkata Erija ộ vẹ Erisa ịrẹsụ o! Ẹnịnị ệ na gẹrị ọ, dị ẹ và ku ẹtẹ yọ nị.

Inehemaya 9:20

Ohomorihi ộ tụ́ ụhwẹ ọyịza anị ka ọọ kà ịrẹyịị yị wa, dị aa sị ịsọyịrị ana aā hị́ ịmana yị wa, dị ọ raa sị enyi yi wa nị.

Ahẹ Ụgama 99:7

Ohomorihi vị ana yà ini eguhi ana dà jẹẹ anka ọhẹ avọọ di ee pè wa kà ịrẹyị. Avaba ọda oni Ohomorihi mẹ yị aza ẹnẹẹ vị eni e si eyi pè.

Ọyịkụra 32:32

Aarịhịnị kwogwo, navọ wa vagu wa ini ebira odivi ẹnị ẹ maanị mẹ̀ aanị. Wàa ka wẹ yị vagu wa, ẹwa rẹ kụkụ nyee ịrẹha amị hụụnị iwe ọnị ụ chẹrẹ ịrẹha aza awụ hi.”

Ọyịkụra 34:5

Dị Ẹnẹyịmavara ngụ eguhi chi vẹ, dị ọ va jẹẹ pe Imosiisi ịrẹsụ ataba ịzọọ nị. Dị ọ hị́ ẹngụ anị ịrẹha ka Ẹnẹyịmavara nị.

Ọyịkụra 40:38

Ụmẹ ọọdụ di eguhi Ẹnẹyịmavara yà ịrẹsụ ajẹngụ ọnọọ. Ịrahụ dị a nyị ịra ana yà ini eguhi ọnọọ. Avọọ avaba Anisirẹrị nịnị mè re e pooro ẹ màa na nị.

Ayịsaya 63:11

Ama Ẹnịnị ệ tamayị ịsa ana mè ịnị ụmẹ Imosiisi ozi ahụ Ẹnẹyịmavara. Ê họ̀ use ka ịzị Ẹnẹyịmavara ana dọ ọdọvịdị aza anị ha hụụnị Oku Ovivi? Ịzị Ẹnẹyịmavara ana sị ụkata yị Imosiisi ya?

Ezikẹẹrị 8:11

Ezikẹẹrị ka, ọnị ô re ọdọvịdị Anisirẹrị nịnị, ẹnị ẹtarẹwụ ka ẹ jẹẹ va eyi ka ịsa ẹnẹnị ịzọọ ọnọrụ anaā hị́ Ijazanịya ozi Isahwani yà ịnị ẹnịnị bẹẹ. Ọzọza ộ sị ịsị a sịị̄ rị eturare ịraa rị ụvọ, dị areyi eturare ọnọọ aa daa vaa hịrẹ nị.

Ịrịka 11:17

Ọnị vee chi vẹ, dị ọnị ọ ka ịrẹyị yị wa. Ọnị vaa ga ụkata ọnị ọnị sị Imosiisi yị wa agụvị di e pe e za ẹnya aza, dị asị ọ vị ọnị ịnyara.

Ịrịka 12:5

dị Ẹnẹyịmavara chi vee tu wa ịnị eguhi ana da jẹẹ ẹbẹẹba irehi ọnọọ nị. Dị ộ hị́ Imeriyamị ọnịrị Eerọnị tụ́ ọvịdị nị.

Ịrịka 16:25

Avọọ dị Imosiisi ọnịrị ọdọvịdị Anisirẹrị nịnị ne tu Idatanị ọnịrị Abiramị,

Ịrịka 24:2

Ịzọọ ọ yaa re Anisirẹrị nịnị mẹmẹ sị ịrẹsụ-ịrẹsụ jị ajẹngụ ẹnịnị okooro-okooro nị. Dị Ụhwẹ Ohomorihi vana dọ ọ ayị,

Ịrịka 27:18

Dị Ẹnẹyịmavara kà Imosiisi ka ọ sị Ijosuwa ozi Inuni ọnị Ụhwẹ Ohomorihi yà pe, dị ọ sị ụvọ tụra a ịrẹsụ.

Odeyi 11:28

Ọnya ịnị ẹnịnị ana aā hị́ Agabọsị, ộ kwẹẹtẹ, dị Ụhwẹ Ọnịnị sị ụkata yọ, dị ọ kà ịsẹ ka ụngwẹ ọbanyị aa vẹ ịnị avaba ẹhẹ nị. Ụngwẹ ọnọọ ộ vẹ ịnị ụmẹ oni Ịkịrawụdịyọsị sị rị ohinọyị.

1 Anịkọrịntị 14:32

Ọza ana nyị ụkata ọyịkà ịrẹyị Ohomorihi, ọ̀ zụ sị ụvọ za ẹngụ anị!

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

Ọdọvịdị 3:10

Ụhwẹ Ẹnẹyịmavara ộ dọ Ọtịnẹrị ayị, dị ọ kụ Anisirẹrị nọ ịrẹkụ Ikusani-Irisatayimi. Dị Ẹnẹyịmavara sị ọ nyị ẹbẹẹba anị nị.

1 Ịsamụwẹrị 10:10

Ịsọọrụ ọnịrị ozida ọnị ọnịrịị zị mẹ̀ na sị ngụ Igibiya, dị a nyị ọnịsẹ ẹnyị aanị ana wara aa vẹ, dị ẹ va gẹrị wa nị. Ịzẹyịza dị Ụhwẹ Ohomorihi dọ avaba ayị Ịsọọrụ, dị ọ sị ụkata yọ nị. Dị Ịsọọrụ ọnị rẹ na vaka ọnịsẹ ẹnẹẹ di e dudu aa kà ịsẹ nị.