Ịrịka 11:17 - IWE ỌNỊNỊ

¹⁷ Ọnị vee chi vẹ, dị ọnị ọ ka ịrẹyị yị wa. Ọnị vaa ga ụkata ọnị ọnị sị Imosiisi yị wa agụvị di e pe e za ẹnya aza, dị asị ọ vị ọnị ịnyara.

Ịrịka 11:17 ပူးပေါင်းရင်းမြစ်များ

Oyinyima 11:5

Di Ẹnẹyịmavara chi vẹ di o ve re ẹkụra ọnọọ ọnịrị irehi ọgọdọ ana aza ẹnẹẹ dà nị.

Oyinyima 17:22

Ịjị Ohomorihi sị ịrẹyị anị kà yị Abụrahamị ta, dị ọ hụụ ịda Abụrahamị di aa nọ ẹbẹẹba nị.

Oyinyima 17:3

Di Abụramị tana tụra ẹtẹ, di Ohomorihi rẹ kà a yọ ka:

Oyinyima 18:33

Ịjị Ẹnẹyịmavara vavọọ sị Abụrahamị pè kà ịrẹyị, dị ọ si hu nị. Di Abụrahamị và nọ ịzị ọ yà nị.

2 Ohinọyị 2:15

Ẹnị ọnịsẹ ẹvarẹwụ Anijeriko ẹnẹẹ ê re e, dị ẹ ka: Ụkata Erija ộ vẹ Erisa ịrẹsụ o! Ẹnịnị ệ na gẹrị ọ, dị ẹ và ku ẹtẹ yọ nị.

2 Ohinọyị 2:9

Ịjị é tu ịzọọ, Erija ộ họ̀ Erisa ka: Si ee sì ka ọnị ọ̀ mẹ yị ọ, dị à va sị ọnị hụrẹ ẹ ẹngụ? Erisa ô tụ́ ohi ka, aarịhịnị, ọ̀ sị ụkata anị oze ẹẹva yị ọnị, dị ọnị ọ̀ zụ dọ ọ ịrẹsụ.

Inehemaya 9:20

Ohomorihi ộ tụ́ ụhwẹ ọyịza anị ka ọọ kà ịrẹyịị yị wa, dị aa sị ịsọyịrị ana aā hị́ ịmana yị wa, dị ọ raa sị enyi yi wa nị.

Ọyịkụra 18:18

Wáā mẹ ka ọ̀ há ẹwụrị aza ana aa vẹ ịda awụ aanị nị. Ụkọrọ ọnọnị ọ sị banyị, ẹwụnyara ọ yị zụ mẹ̀ ẹ.

Ọyịkụra 18:22

Kà a ka aza ẹnẹẹ ẹ̀ẹ mẹ̀ ọkarẹyị yị aza ẹnẹẹ pooro. Kà a ka ịrẹyị ana àa sị katẹngụ, ẹ̀ kụ́ ọ ve tù wu, dị ẹnị ụvọta èe re tụ́ ịnị ịrẹyị eweyi-eweyi yị ẹngụ ẹnịnị. Ọnọọ vaa mẹ ka ẹnya awụ ọ̀ hẹrẹ agụvị ka aza ẹnẹẹ vaa gụ wụ ụvọ.

Ọyịkụra 19:11

di e tenyi ẹngụ tịtẹ ịhyẹgwẹta anị. Kà a ka ịhị ọnọọ, ẹmị Ẹnẹyịmavara vee chii hi ịrẹsụ ataba Ịsịnayị éyi avaba ẹnịnị.

Ọyịkụra 19:20

Dị Ẹnẹyịmavara chi hi ịrẹsụ ataba Ịsịnayị dị ọ hí Imosiisi nọ ịrẹsụ ataba ọnọọ nị. Di Imosiisi hịrẹ na,

Ọyịkụra 34:5

Dị Ẹnẹyịmavara ngụ eguhi chi vẹ, dị ọ va jẹẹ pe Imosiisi ịrẹsụ ataba ịzọọ nị. Dị ọ hị́ ẹngụ anị ịrẹha ka Ẹnẹyịmavara nị.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 63:11

Ama Ẹnịnị ệ tamayị ịsa ana mè ịnị ụmẹ Imosiisi ozi ahụ Ẹnẹyịmavara. Ê họ̀ use ka ịzị Ẹnẹyịmavara ana dọ ọdọvịdị aza anị ha hụụnị Oku Ovivi? Ịzị Ẹnẹyịmavara ana sị ụkata yị Imosiisi ya?

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Ịrịka 11:25

Ịjị ẹ sị gụ, dị Ẹnẹyịmavara chi vẹ ịnị eguhi, dị ọ ka ịrẹyị yị Imosiisi nị. Dị Ẹnẹyịmavara sị ụkata Imosiisi dị ọ sị yị ọdọvịdị ẹnị ẹtarẹwụ ẹnẹẹ nị. Ẹnịnị ẹ ka ịsẹ ịzịzọọ ama ẹnịnị ẹ yị vaa vọ mẹ.

Ịrịka 12:5

dị Ẹnẹyịmavara chi vee tu wa ịnị eguhi ana da jẹẹ ẹbẹẹba irehi ọnọọ nị. Dị ộ hị́ Imeriyamị ọnịrị Eerọnị tụ́ ọvịdị nị.

Ịrịka 12:8

Ẹnẹyịmavara kà ọnịrị Imosiisi vị eneē re ẹngụ, dị ọnị e pe e ka ịrẹyị. Ọnị ọ mā da ịrẹyị gu yị ọ. Ọnị ọ vị ọza ene re ọnị mẹmẹ ya nị. Sị ẹ vẹ dị ẹnịnị e yị hí angwa anị, dị ẹ yaa du ọ?

Ịrịka 27:18

Dị Ẹnẹyịmavara kà Imosiisi ka ọ sị Ijosuwa ozi Inuni ọnị Ụhwẹ Ohomorihi yà pe, dị ọ sị ụvọ tụra a ịrẹsụ.

Ịrịka 7:89

Ụmẹ ọnị Imosiisi ọ̀ọ ngụ ịnị ajẹngụ ne pe Ẹnẹyịmavara kà ịrẹyị, dị ọ wụ ọngwẹ hụrẹ ẹbẹẹba ene e pe e ka ịrẹyị akẹbẹẹba apoti oto ịnị uyi anggẹẹrị ẹẹva.

Ịjọọnụ 3:13

Ẹẹ̀ yị nyị ọza ana hịrẹ nọ ịdị Ohomorihi da, ẹ̀ yị rẹ vị ẹmị Ozi ọza onigirima kẹnẹ ana hụrẹ ẹbẹẹba ịzọọ chí vẹ.

Ịjọọnụ 7:39

Ịrẹyị ọnọnị oni Ijeesu kà aanị vị ịnị ịpa Ụhwẹ Ọnịnị, oni Ohomorihi vaa sị yị aza ana sị ayị tụra a, agụvị ka Ohomorihi ọọ̀ yị sị Ụhwẹ Ọnịnị yị aza ịnị ụmẹ ọnọọ, agụvị ka Ijeesu ọọ̀ yị dọ ụbanyị.

Aniroomi 8:9

Ama Ụhwẹ Ohomorihi ọ̀ọ yà ịnị ayị ẹwụ nịnị, wẹ yị kụkụ sị ayị tụ́ ịnị ịsa ọnị ọchẹngụ awụ nịnị sì kẹnẹ. Ịsa ene zé Ụhwẹ Ohomorihi eyi, ụ sị ayị tụ́ ịnị anị nịnị nị. Aza ọnị Ụhwẹ Ikirisiti ọ̀ yị yà ịnị ayị anị, ẹ yị vị aza anị ẹ vị.

1 Anịkọrịntị 2:12

Ụ́hwẹ Ọnịnị oni Ohomorihi sị tụ́ ịnị ayị ayị, ayị vị ẹ́ẹhẹ ọnọnị ọ vị. Ọnị ọọ̄ mẹ̀ ka ya yẹ avaba ịsa oni Ohomorihi sị yị ọọhẹ kẹnẹ nị.

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

Ijudi 1:19

Aza ẹnẹnị ẹ sị aza há hi. Ịsị ivehu ẹnịnị ọ̀ọ kà yị wa kẹnẹ ẹẹ̄ mẹ nị, ẹnịnị ẹ́ yị nyị Ụhwẹ Ọnịnị tụ́ ịnị ayị ẹnịnị.

1 Ịsamụwẹrị 10:6

Di Ịsamụwẹrị rẹ ka ịjọnọọ Ẹnẹyịmavara vaa tụ́ Ụhwẹ anị dị ọ na ngụ ịnị Ịsọọrụ, dị ọ mẹ ka Ịsọọrụ ọ̀ nyị ụkata, dị ọnịrị ọnịsẹ ẹnẹẹ kụkụ aa kà ịsẹ. Ịsamụwẹrị ka Ohomorihi vaa mẹ ka Ịsọọrụ ọ̀ vara, dị ọ vị ọza irenyi.