Ịrịka 11:12 - IWE ỌNỊNỊ

¹² Ọnị ọ́ọ́ ma wa nị? Ọnị ọ́ọ́ vị ada ẹnịnị nị? Sị ẹ vẹ dị ọ ka ọnị ọ sị wa rị ụvọ anka ozi anaa ka ịrẹva avọọ na ngụ ịnị ẹtẹ ọnị Ẹnẹyịmavara hị́ eku anị yị ohiku ẹnịnị?

Ịrịka 11:12 ပူးပေါင်းရင်းမြစ်များ

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 24:7

Abụrahamị rẹ ka Ẹnẹyịmavara Ohomorihi ana mẹ ẹbẹẹba ọnị ọ sị ọnị hụụ ịda ada anị ọnịrị hụụnị ẹtẹ ịzị a yà ma ọnị nị. Ọ kà ọnị ọ hị́ eku dị ọ kà a yị ọnị ka ozi anị ịrẹma-ịrẹma ọnị vaa sị ẹtẹ ọnọnịị yị nị. Abụrahamị Ọ vaa tụ́ anggẹẹrị anịị saasa a, dị ọ̀ na nyị ọnẹẹ hụụ ịzọọ va yị ozi anị.

Oyinyima 26:3

Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

2 Ohinọyị 10:1

Ụmẹ ọnọọ, evere ezi Ahabị ẹtarẹwụ hi Ịsamarịya. Ijehu ộ chẹrẹ iwe tu hi wa, ẹnịrị ọdọvịdị Ịsamarịya ọnịrị Ijezirẹẹrị nini beri ẹnị enee sere ezi Ahabị. Ọ kà,

2 Ohinọyị 10:5

Dị ọza ana si eyi pe irehi ohinọyị ọnịrị ohirẹsụ Ịsamarịya bẹrị ẹnị ọzọkụ-ọzọkụ ọnịrị ẹnị ana sị eyi pe ezi ohinọyị tụ́ ne tu Ijehu ka, Ezida anị ẹnị vị nị. Ẹnị vaa mẹ ịsị ọ̀ọ ka kẹnẹ. Ẹ yị nyị ọza ọnị ẹnị aa sịị rị ohinọyị. Ịsị òo ro ka oo zoza kẹnẹ ọ̀ mẹ̀ ẹ.

Ọyịkụra 13:11

Dị ọ rẹ ka ịhị ọ̀ọ raà kụ́ wa na ngụ ịnị ẹtẹ Ikanaani dị ọnị raà sị yị wa nị anka ọnị mẹ̀ vịdị hị́ eku yị Anisirẹrị ọnịrị ohiku ẹnịnị ka avọọ ọnị vaa mẹ nị,

Ọyịkụra 13:5

Dị ọ rẹ ka ịhị ẹẹ na sị ngụ ẹtẹ Ikanaani ọnị ọnị Ẹnẹyịmavara kà a yi ohiku ẹnịnị ka ẹ yị zụ nyị ka ọnị ọ yị sị yị wa, dị ẹ̀ẹ tamayị ẹkụhị ọnọọ. Dị ọ ka aza ana vịdị ra hi ịnị ẹtẹ Ikanaani ẹ vị Anihiti, Anamọrị, Anihivi ọnịrị Anijebusi. Ọ rẹ ka ẹtẹ Ikanaani ô zoza ẹtẹẹtẹrẹ, ka ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị.

Ọyịkụra 33:1

Ẹnẹyịmavara ộ kà a yi Imosiisi dị ọ ka ọ̀ kwẹẹtẹ dị ọ̀ kụ́ aza ọnị ọ kụ́ hụrẹ Ijipiti aa vẹ dị ẹ̀ẹ nọ ịnị ẹtẹ ọnị ọnị kà a ka ọnị hị́ eku ka ọnị vaa sịị yị Abụrahamị, Ayiziiki ọnịrị Ijekọvụ. Ọ kà ọnị ọ sị ọ kà ka ezi anị ịrẹma-ịrẹma ọnị vaa sị ẹtẹ ọnọọ yị nị.

Ọyịkụra 6:8

Dị ọ rẹ ka ẹtẹ ọnị ọnị kà a ka ẹ yị zụ nyị ka ọnị ọ̀ yị sị yị Abụrahamị ọnịrị Ayiziiki ne beri Ijekọvụ avọọ, ịzọọ ọnị aa kụ wa nọ nị. Ọ kà ọnị aa sị ẹtẹ ọnọọ yị wa dị ọ̀ vị ẹtẹ ẹnịnị. Ọ kà ọnị ọ vị Ẹnẹyịmavara nị.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 49:15

Ẹnẹyịmavara ộ họ̀ wa ka, ọnyị ozi wéé hi ayị ozi anị ana ka ịrẹva? Ọ́ọ́ zụ nyị ịhyẹrẹ ozi anyavava ana hụụnị ẹngụ anị tụ ẹhẹ. Ọnyị ozi ọ̀ọ daka hi ayị ozi anị ọnị e yi vee hi ayị ẹnịnị.

Ayịsaya 49:23

Ohinọyị anẹkụra nịnị ịzị a ya pa ezi ẹnẹẹ vaa va ku ẹtẹ yị wụ, dị ẹ tẹsị awụ anka ọrịhị mẹẹ̄ tẹsị adarehi anị avọọ. Isirẹrị vaa yẹ ka ọnị ọ vị Ẹnẹyịmavara nị. Aza ana àa sị ayị tụra a, ọ yị vaa va ịrẹma anị.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Ịjọọnụ 10:11

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

1 Anịkọrịntị 4:15

Òo zee eyi ọza ana aa zụ̀ wụ nịnị oze Ikirisiti ẹ̀ gụ akahị-akahị oze ẹẹwụ (10,000), ama ọza ịnya kẹnẹ ọ vị ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị ini oze Ijeesu Ikirisiti.

Anigaratiya 4:19

Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị.

Iwe Ọhụhị Imosiisi ana aa hị́ Ọyịvatụrọda 1:31

ọnịrị ịnị ụnọmị. Ẹnẹyịmavara Ohomorihi awụ nịnị vị ana sị wa anka ọnyị mẹẹ̄ sị ozi avọọ. Avọọ ọ mẹ sị wa ve tu ụmẹ ọnọọ nị.

1 Anịtẹsaronika 2:7

Vị yaa mẹ hẹẹ-hẹẹ ịdị awụ nịnị anka ọnyị ozi mẹ̀ẹ̄ mẹ ozi anị hẹẹ-hẹẹ avọọ nị.