Ịrịka 11:1 - IWE ỌNỊNỊ

¹ Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị.

Ịrịka 11:1 ပူးပေါင်းရင်းမြစ်များ

Oyinyima 38:10

Ọ mẹ vavọọ aa mẹ o yi zee Ẹnẹyịmavara eyi, agụvị avọọ dị Ẹnẹyịmavara rẹ wụ̀ ọ nị.

2 Ịsamụwẹrị 11:27

Ịjị ọ sị orere anị jị ta, dị Idevidi tụ́ ka à na sị ọ va tụ́ ini eehi anị nị. Di Idevidi kụkụ nyị ọ, dị ọ ma ozi ọnọrụ ọnya yọ nị. Ama ịsa oni Idevidi mẹ avọọ ộ kụ́ Ẹnẹyịmavara ayị.

2 Ohinọyị 1:12

Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra dị hụụ ịdị Ohomorihi chí vẹ, dị ọ wụ̀ wa nị.

Ijoovu 1:16

Ịrẹyị anị ọ yị ta a ka, dị ozi ahụ anị ọsa sị enube vẹ ka yị ọ nị. Ọ kà Ohomorihi ộ tụ ịra hụrẹ ẹbẹẹba va wụ̀ avaba atẹmẹ anị ọnịrị ezi ahụ anị ene hi ịzọọ. Ọnị ịnya kẹnẹ ọ ha ka ọnị ọ va ka enube yị ọ nị.

Ahẹ Ụgama 106:18

Dị ịra hụrẹ ẹbẹẹba vẹ, dị ọ rị ogu odivi ẹnẹẹ ịra va ha nị.

Ahẹ Ụgama 78:21

Ịjị Ẹnẹyịmavara maanị wụ́ ayị ọ sị ọ. Ayị anị aa dà ọva ka ọnị ọ̀ sị ụya rị irima ezi Ijekọvụ ẹnẹnị ama vị Anisirẹrị

Ahẹ Ụgama 78:63

Ịrẹkụ ọ sị ozwọọmụha ẹnịnị rị, ozwoorihi ẹnịnị e yi kuku re ọza ana aa nyị wa.

Ọyịkụra 16:7

U re vee re ụbanyị Ẹnẹyịmavara nịnị agụvị ka ộ wụ́ ụ màa rị ihuhuu hi ọ nịnị. Ẹ yị nyị ịsị ẹyị vị, agụvị avọọ ẹ yị vị ẹyị ụ waa rị ihuhuu hi nịnị.”

Ọyịkụra 16:9

Di Imosiisi kà a yị Eerọnị dị ọ ka, “Kà ẹ yị avaba Anisirẹrị ka ẹ̀ jịnẹ ve tù Ẹnẹyịmavara kà ọ sị wụ ẹ màa rị ihuhuu hi ọ.”

Ayịsaya 10:17

Ohomorihi Anisirẹrị ana vị ọnịnị vaa vara ịra dị aa za giri-giri. Ịnị ẹkụhị ọnya ọ vaa za avaba avị ẹhịmị dị ọ rị wa ịra va ha nị.

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Arụwẹ 3:39

Sị ẹ vẹ dị yaa rị uhuhu agụvị ebira odivi ọnị ị mẹ̀ ana a sị ụya anị rị yị?

Ezikẹẹrị 20:36

Ẹnẹyịmavara kà ọnị vaa mẹ̀ ọkarẹyị yị wụ nịnị anka ọnị mẹ mẹ̀ ọkarẹyị yị ohiku awụ nịnị ịnị ụnọmị ẹtẹ Ịsịnayị ịjị ọnọọ.

Ireevi 10:2

Kẹnẹ, dị ịra vana dà hụrị ọvịdị Ẹnẹyịmavara ve ku wa, dị ọ wụ̀ wa va hi ẹtẹ ọvịdị anị nị.

Ịnahụmị 1:5

Ẹnẹyịmavara òọ kana eyi kẹnẹ, dị ataba nịnị ee ziizi; dị otutu nịnị nā anka ụsụ ana gụrị ịra avọọ. Dị ẹtẹ ziizi, dị ivoovo za avaba aza ene hi ịrẹsụ ẹtẹ.

Ihabaku 3:5

Ộ tụ́ ụkụ irenyi-irenyi tụ́ ọvịdị anị ka ọ za ọnịvị ẹnịnị, dị ọ sị uswọọza tụ́ ịrẹma anị nị.

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ịrịka 11:18

Ẹnẹyịmavara kà Imosiisi ọ̀ ka ẹ yị aza ka e tenyi ẹngụ ẹnịnị tu ụhwọọ ka ẹ vaa rị ịsa. Ộ ka ọnị ọ wụ ẹnịnị maa jị òrèrè dị ẹ yaa va ụva ka ẹnị e yi re ịsa rị. Ẹ ka ọ vana gụ yị ẹnị ka ẹnị ẹ yaa Ijipiti. Agụvị avọọ ọnị vaa sị ịsọyịrị yị wa dị ẹ rị.

Ịrịka 12:2

avọọ dị ẹ yaa ka kà a, ẹ yị vị Imosiisi ịnyara Ẹnẹyịmavara ee pe ka ịrẹyị. Ẹnẹyịmavara vi ene re pe ẹnị ka ịrẹyị. Ẹnẹyịmavara ộ wụ̀ avaba ịrẹyị ọnị ẹ ka.

Ịrịka 14:2

Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ịrịka 14:22

ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị.

Ịrịka 14:27

Ụpẹ ịrịka ya aza edivi ẹnịnị va sị rị uhuhu hi ọnị kẹ? Ụtọ anị o si hi yị ịrẹka ọnị ẹ yaa kụ́ ku ọnị.

Ịrịka 14:28

Dị Ẹnẹyịmavara kà Imosiisi ọ̀ ka yị wa ka ọnị o hị́ eku ka ọnị aa mẹ ịsị e yee họ̀ use anị aanị.

Ịrịka 16:11

Anikora nịnị ẹ raa kụ aza ku ịrẹma va eyi ịraazị ka Ẹnẹyịmavara. Ẹ yị vị ịrẹyị Eerọnị o tu wa.

Ịrịka 16:35

Dị ịra chi hụụ ịdị Ẹnẹyịmavara vẹ vaa rị aza ẹnị ịrẹka tụra ẹvarẹwụ anaa rị eturare ịra.

Ịrịka 17:5

Ẹnẹyịmavara kà ọnị vaa nyị ọza ịnya ana vaa vị ohirẹsụ irehi anị obooro. Ẹnịnị vaa yẹ ọza ọnọọ agụvị ka okutẹ anị vee nyima ee nyị avị ọwọọwa ọsọnị vaa mẹ̀ ka irenu aza anaa rị uhuhu hi ọnịrị Imosiisi ó su.

Ịrịka 21:5

Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ.

1 Anịkọrịntị 10:10

Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị.

Iwe Ọhụhị Imosiisi ana aa hị́ Ọyịvatụrọda 25:18

Ẹnịnị e yi hí angwa Ẹnẹyịmavara, ẹnịnị ệ zị oze ịrẹma kwẹẹtẹ tu wu nịnị. Ịjọnọọ ọ́ sị ngụ wụ nịnị ẹngụ, dị ẹnịnị wụ̀ avaba aza ana jị tụ ịrẹma ịnị awụ nịnị nị.

Iwe Ọhụhị Imosiisi ana aa hị́ Ọyịvatụrọda 32:22

Ọ kà, ọyịkụ anị vaa sị mẹẹ anka ịra ana za giri-giri avọọ nị. Avaba ịsa ene hi ịrẹsụ ẹtẹ vi ana rị ịra na ngụ ini eku. Avọọ avaba iruvo ataba mẹ vaa rị ịra bemi-bemi nị.

Iwe Ọhụhị Imosiisi ana aa hị́ Ọyịvatụrọda 9:22

Avọọ ẹnịnị mẹrẹ du Ẹnẹyịmavara ayị ịzị aā hị́ Itabera ọnịrị Imasa ne beri Ikibiroti Ihataava nị.

Anihiburu 12:29

Ohomorihi ayị vị ana sị mẹẹ anka ịra anaā rị avaba ịsa ịra avọọ.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.