Ịrịka 10:9 - IWE ỌNỊNỊ

⁹ Ẹnẹyịmavara kà ịjị ẹ̀ẹ sị ngụ ịnị ẹtẹ ẹnịnị, dị ẹ ya nọ ịrẹkụ ọnịvị ẹnịnị nị, e hu ọ. Ịkakanchị ọnọọ vaa tama ọnị ayị ka ọnị ọ sị wa nyị ẹbẹẹba ọnịvị ẹnịnị.

Ịrịka 10:9 ပူးပေါင်းရင်းမြစ်များ

Oyinyima 8:1

Ohomorihi ọ tị tamayị ka Inowa ọnịrị avaba úye hi ịnị ẹpa ọnọọ. Di Ohomorihi mẹ ka ahị ọ̀ tụ́, di enyi ọnọọ aa hụ́ nị.

2 Ịtọpa 13:12

Ohomorihi ọnị ụvọta ọ vị ọdọvịdị ayị, dị ohirẹsụ irehi anị nịnị ya ịzẹnị beri ịkakanchị ẹnịnị. Ẹnịnị ee tenyi ẹngụ ka ẹnị ee hú ịkakanchị hị́ yị ka ya va eyi ịrẹkụ ka wụ. Anisirẹrị nịnị asị e va eyi ịrazị ka Ẹnẹyịmavara Ohomorihi ohiku awụ nịnị. Wẹ yị vaa zụ nyị ehuna.

2 Ịtọpa 13:14

Ịjị isoja Anijuda nịnị kana eyi, di e re ka ẹnịnị ẹ raà kara ẹnị hi, dị ẹ da ịpẹ yị Ẹnẹyịmavara kà ọ gụ́ ẹnị ụvọ, dị ohirẹsụ irehi Ohomorihi nịnị hu ọpanyị ịrẹkụ ẹnịnị nị.

Ahẹ Ụgama 106:4

Ẹnẹyịmavara, ịjị wàaa gụ aza awụụ ụvọ, ụ navọ wa tamayị amị. Navọ ịjị wàaa dọ waa tụ́ wa va gụ mị ụvọ.

Ahẹ Ụgama 106:42

Ọnịvị ẹnịnị ẹnẹẹ ệ mẹ ehuna yị wa, dị ahịka ọda ene zee wa eyi kẹnẹ ẹ yaa mẹẹ tụra wa nị.

Ahẹ Ụgama 136:23

Waa kụ́ ọ avọ ka ọnị ọ tamayị ayị ọnịvị mẹ̀ sị yị hu ẹtẹ nị. Vi óō sì ịrẹyị ọza pooro zịna-zịna nị.

Ayịsaya 18:3

Avaba ẹwụ nịnị ene hi ẹhẹ ọ̀ sị ụtọ pè ẹtẹ. Ịjị àa tana uyi tụ́ ẹba ịrẹsụ ataba, dị ọpanyị aa sụ́ ịrẹyị nị, ụ vaa wụ́ nịnị.

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 4:21

Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 4:5

Ẹnẹyịmavara kà, nọ̀ọ ẹtẹ Ijuda ọnịrị Ijerusarẹmị ka, è hú ịkakanchị ngụ avaba ẹkụra zịịzị, è na owu tụ ẹba dị ẹ̀ kà a ka, à kụ ẹngụ gụ dị aa nọ ịnị ẹkụra ana a jị ọvọ kara.

Ijeremaya 49:2

Ọ kà ụmẹ aa vẹ, ọnị ọnị vee nowu ịrẹkụ, dị ọnị mẹ ka aza ana ra ẹtẹ Ịraba ẹ̀ wụ ọ. A vaa jị ọ eburu, dị aa rị ẹkụra eweyi-eweyi ana kara a ịra zẹtẹ. Ịjọnọọ, Anisirẹrị nịnị vaa dọ ẹtẹ ẹnịnị varẹma hụụnị ụvọ aza ana dọ wa ẹtẹ.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Ijeremaya 6:17

Ẹnẹyịmavara ọ va nyị aza ka ò sị eyi pe wa, dị ọ ka, ẹnịnị ẹ̀ sị ụtọ pe e ịjị oo hú ịkakanchị ọ yị ka wa ọnọ nị. Ama ẹnịnị ka ẹnị ẹ yị vaa wụ́.

Ezikẹẹrị 7:14

E ree hú ịkakanchị ka avaba isoja Anisirẹrị è tenyi ẹngụ ịrẹkụ, ama ẹ́ yị nyị ọza ana jịnẹ tụ ẹhẹ ka ọnị aa nọ ịrẹkụ, ka avaba ẹnịnị Ohomorihi aa kụ ayị hi nị.

Ihoseya 5:8

Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ.

Ireevi 23:24

ọ̀ kà a yị Anisirẹrị nịnị ka, ẹkụhị ịpaapa ịnị ụhwẹ ọhụhịmba, vị ẹkụhị ana avaba ẹnịnị vaa sị tụ́ ụhwọ́. E vee hú ọpanyị ịhị ọnọọ dị avaba ẹnịnị wara gụ dị ẹ hẹkẹ ọnị.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Ịzẹhwanaya 1:16

Ịhị ọnọọ ọpanyị ịrẹkụ kẹnẹ ọnịrị owu ịrẹkụ ọkụrẹkụ nịnị ana nọ ịrẹkụ ẹkụra ana aa jị ọvọ kara, dị a da irehi ọgọdọ-ọgọdọ hi, aza vaa wụ́ ịrẹyị nị.

Ịrịka 31:6

Dị Imosiisi tụ́ Ịhwịnẹhasị ozi Eriyaza ka ọ kụ́ aza akahị hụụnị ịrẹsụ ọnyọọnya nọ ịrẹkụ nị. Dị ẹ kụ́ ẹnya hụụnị irehi Ẹnẹyịmavara beri ịkakanchị eneē hụ́ ka ọnọ eyi ịrẹkụ.

1 Anịkọrịntị 14:8

Ọpanyị àaa sụ́, dị ọza ẹ̀ yị yẹ ịsa aa kà nị, ene vee tenyi ẹngụ ịrẹkụ?

Iwe Ọhụhị Imosiisi ana aa hị́ Ọyịvatụrọda 20:1

Imosiisi kà Anisirẹrị àa nọ ịrẹkụ, dị è re ka ọnịvị ẹnịnị ẹ rụrụ hụụnị ẹnị dị umaata ẹnịnị ọnịrị ịkẹkẹ ịrẹkụ ẹnịnị rụrụ huuna ẹnịnị nị, asị e hí angwa. Ẹnẹyịmavara ana dọ wa ha hụụnị ụvọ Anijipiti vaa kụ ịrẹkụ yị wa.

Ijosuwa 6:5

Ịjị ẹnịnị ẹ̀ẹ wụ ka ohirẹsụ irehi Ohomorihi nịnị e hu ọpanyị dị ẹ tụra a ẹtẹ nị, dị avaba aza ẹ na owu, dị ẹtẹ ọ sụ hyụụ ịjọnọọ ọvọ Ijeriko ve wu va hi ẹtẹ, dị avaba aza kụkụ a ngụ eehi tu wa.

Ọdọvịdị 10:12

Dị ọ ka ọnị ọ rẹ dọ wa tụ hụụ ịnị ụvọ Anisidoni beri Anamarẹkị ọnịrị hụụ ịnị ụvọ Animayoni nịnị ẹ maa sị ụya rị wa nị.

Ọdọvịdị 10:8

Ịzẹyịza dị ẹnịnị nyima dị ẹ yaa sị ụya rị Anisirẹrị nịnị nị. Avaba Anisirẹrị ene hị́ akẹnẹ irehu Ijodani eyi ịzị ọyịị̄ hụrẹ ẹ vẹ ịnị ẹtẹ Anamọnị nịnị ana vị ẹtẹ Igiriyadi. Dị ẹ vavọọ rị ụya pooro mẹ ịrayị ẹwụrịhịnta nị.

Ọdọvịdị 2:18

Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa.

Ọdọvịdị 3:27

Ịjị ọ na sị ngụ ịzọọ, dị o hú ọpanyị ịrẹkụ ịnị ẹkụra ana ya ịrẹsụ otutu ịnị ẹtẹ Ehwireemi, dị anọrụ Anisirẹrị kwẹẹtẹ, dị ọ kụ wa chi hi ẹtẹ, aa nọ ịrẹkụ aza Egirọnị nị.

Ọdọvịdị 6:34

Ụhwẹ Ẹnẹyịmavara va ku Igidiyọnị dị ọ hu ọpanyị ịrẹkụ hị́ anọrụ Anabiyeza ka ẹ saasa ọnị nị.

Ọdọvịdị 6:9

Ọ kà ọnị ọ dọ wa hụrị ụvọ Anijipiti nịnị ọnịrị aza ene beri wa kụ́ ịrẹkụ ịnị ẹtẹ ọnọnị nị. Ọnị ộ dụ wa jịnẹ Anisirẹrị maa ngụ ịzọọ, dị ọnị sị ẹtẹ ẹnịnị yị wa nị.

1 Ịsamụwẹrị 10:18

Ịjị e tù ịzọọ dị Ịsamụwẹrị ka ẹ̀ wụ́ ịrẹyị ẹnẹ Ẹnẹyịmavara ana vị Ohomorihi Anisirẹrị kà. Ọ kà Ohomorihi ka ọnị ộ kụ́ Anisirẹrị nịnị hụrẹ Ijipiti, dị ọnị dọ wa hụrẹ ụvọ Anijipiti ọnịrị avaba anẹkụra ana aa chamayịị yị wa nị.