Ịrịka 10:32 - IWE ỌNỊNỊ

³² Dị Imosiisi ka ọ vaa zụ ẹnị oze, dị ẹnị ga avaba ịsa ozoza ọnị Ẹnẹyịmavara vaa sị yị ẹnị.

Ịrịka 10:32 ပူးပေါင်းရင်းမြစ်များ

Ireevi 19:34

Ọ kà anẹkụra ọsa ana va ra pe wa vị ẹnẹ vaa sị eyi ozi ẹtẹẹ re. Ẹnịnị ẹ̀ sì ịrẹyị anẹkụra ọsa ẹnẹẹ anka e me sì ịrẹyị ẹngụ ẹnịnị; agụvị ka azọga ẹnị rẹ vịdị vị tụ ẹtẹ Ijipiti nị. Ọnị ọ vị Ẹnẹyịmavara, Ohomorihi ẹnịnị nị.

Iwe Ọhụhị Imosiisi ana aa hị́ Ọyịvatụrọda 10:18

Ọọ̄ mẹ ịzẹyịza ka ozi oku ọnịrị osoku na, di o sì ịrẹyị azọga ana ra beri aza. Aa sị ịsọyịrị ọnịrị achị yị wa.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

Ọdọvịdị 1:16

 nyị evere Ikeeni ana vị ọyẹ Imosiisi ana vịdị ra Ijeriko. Ẹkụra ọnọọ vị ana aā rẹ hị́ ẹkụra ọsọchị. Aza ẹnẹnị ệ kụ̀rà hụrẹ ịzọọ saasa Anijuda nịnị na ra ịnị ụnọmị eyi ụvẹtẹ Ijuda ana gụrị ẹkụra ana aā hị́ Aradi.

Ọdọvịdị 4:11

Ịnị ụmẹ ọnọọ, Iheberi ana vị Anikeni vị ana jị ajẹngụ anị gụrị Ịkẹdẹsị ọgụrị ọchị ooki Izananimi. Evere Ihobabi ana vị ọyẹ Imosiisi ọ vị nị. Ộ ka hụrẹ ẹngụ ada ẹnịnị Anikeeni nị.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”