Ịrịka 10:29 - IWE ỌNỊNỊ

²⁹ Ẹkụhị ọnya, dị Imosiisi hị́ Ihobabi ọnyara ose anị ọnọrụ ana vị ozi Iruweri ana Imediya dị ọ ka, ẹnị aa kwẹẹtẹ nọ ịzị Ẹnẹyịmavara kà ọnị aa sị yị ẹnị. Imosiisi ka ọ kwẹẹtẹ dị ọ saasa ọnị ka ẹnị vaa mẹ̀ ẹ ebira ẹtẹẹrẹ. Ẹtẹ ọnị Ẹnẹyịmavara wo oto anị yị ẹnị o zoza ẹtẹẹtẹrẹ.

Ịrịka 10:29 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 32:12

Dị ọ ka aarịhịnị ọ̀ tamayị ka ọ sị ọ kà ka ọnị vaa mẹ̀ ọnị ọyịza, dị ọ̀ mẹ ka ezi anị ịrẹma-ịrẹma ẹ̀ rụrụ anka ààrẹ ụtọ ókụ̄ ana ahịka ọza ọ yị zụ za ịrịka.”

Ahẹ Ụgama 100:1

Avaba ẹwụ nịnị anẹhẹ waā sị ịrajẹ nowu kụ́ Ẹnẹyịmavara nịnị.

Ahẹ Ụgama 34:8

Ẹwụ ụvọta ọ̀ va zama a re di we re ka Ẹnẹyịmavara ngụ ayị ọza ẹtẹẹtẹrẹ Ọza ene èe zwe na tẹ̀ ịda anị vaa dàa jẹ.

Ahẹ Ụgama 95:1

Vẹ nịnị yaa jị ahẹ ịrajẹ gono Ẹnẹyịmavara, Vẹ yee nowuu hị́ ọza ana sị yị tẹ dị à yị nyị ịsị ẹ zụ kanyị yị. Ọnị aa dọ yị tụ́ nị.

Ọyịkụra 18:1

Ijetiro vi ohirẹsụ irehi Ohomorihi tụ́ Imidiyani, dị ahịka ọyẹ Imosiisi ọ rẹ vị nị. Ịnị ụmẹ ọnya ộ wụ́ avaba ịsa oni Ohomorihi mẹ yị Imosiisi ọnịrị Anisirẹrị ana vị aza anị. Ộ wụ́ Ẹnẹyịmavara mẹmẹ kụ́ Anisirẹrị hụrẹ Ijipiti.

Ọyịkụra 18:12

Di Ijetiro ana vị ọyẹ Imosiisi sị ịsa vẹ ka à sị mẹ̀ ịsọvọ yị Ohomorihi dị à rị ọ ịra nị. Dị ọ rẹ sị ịsa ịsọvọ ọsa vaka a vẹ nị. Di Eerọnị ọnịrị avaba azọkụ Anisirẹrị vẹ ka ẹnịrị ọyẹ Imosiisi è dudu va rị ịsa ọnọọ ọvịdị Ohomorihi nị.

Ọyịkụra 18:27

Di Imosiisi sị ọyẹ anị na tụ́, di o si hu aa nọ eehi anị nị.

Ọyịkụra 2:18

Ịjị ezi anẹẹ ẹnẹẹ ve si tù ada ẹnịnị Iruweri dị ọ họ̀ wa dị ọ ka, “Ụsẹ ộ hụ wa ịra vẹ ajịnị oo!”

Ọyịkụra 2:21

A mẹ̀ vavọọ na hị́ Imosiisi, ộ dọ ka ọnị ọ̀ yà ịda Iruweri. Di Iruweri sị ozi anị ọnya ana aā hị́ Izipora dị ọ sị gà Imosiisi nị.

Ọyịkụra 3:1

 nyị ụmẹ ọnya dị ahịka Imosiisi ọọ̄ kụ́ atẹmẹ ọnịrị ẹvụ Ijetiro ọyẹ anị na rị. Ijetiro a rẹẹ̄ hị́ Iruweri nị. Ọnị ọ vị ohirẹsụ irehi Ohomorihi tụ́ Imidiyani nị. Ẹkụhị ọnya ộ kụ́ Ịsụpa ẹnẹẹ na ngụ ịnị ụnọmị na huu. Ọ na ngụ ịnị ataba Ịhọrẹbị ana aā hị́ ataba Ohomorihi.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ọyịkụra 6:4

Dị ọ rẹ ka ịsị ọnị dọ ka ọnị vaa mẹẹ yị wa vị ana jị jẹẹ geri-geri. Ọ kà ọnị ka ẹtẹ Ikanaani ẹnị ẹ vị ọzọga tụ́ aanị, vị ọnị ọnị vaa sịị yị wa, dị ahịka ẹnị ẹ kụkụ nyị nị.

Ayịsaya 2:3

dị ẹ kà, vẹ ya nọ ịnị ataba Ẹnẹyịmavara nịnị, dị ya nọ ịnị irehi Ohomorihi Ijekọvụ. Ohomorihi vaa sịị zụ̀ yị ịsị a vọrọ ka ya mẹ yị vaa saasa ịrẹyị ọnị ọọ ka. Íjerusarẹmị Ẹnẹyịmavara vaa yà aa sị ọda anịị zụ̀ nị, Hụrị Ịzayọnị ọ vaa kà ịrẹyị yị aza anị nị.

Ijeremaya 50:5

Ẹnịnị vee họ̀ use ka ịzị ẹ vị oze, dị ẹnịnị và tụra a. Ẹnịnị vaa vẹ vee wo oto yị ọnị, ka ọnị ẹnị vanaa saasa pooro zịna-zịna nị. Ẹnịnị ẹ́ yị vee hi ayị oto ọnọọ paa.

Ịrịka 10:28

Aanị Anisirẹrị nịnị mẹ mẹ eto ụsẹ ẹnịnị ụmẹ tụra ụmẹ ọnị ẹ yaa zị ụsẹ nị.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Odeyi 7:5

Ohomorihi ọ yị sị aha ọnyọọnyịị yọ ka ọ̀ vị áanị, ọ̀ọ hyakụ vị ahụ ọnya kẹnẹ. Ama Ohomorihi ka ẹ yị zụ nyị ka ayị vị avaba ẹtẹ ọnọọ ọnị vaa sịị yị Abụrahamị, ọnịrị ka ezi anị ịrẹma-ịrẹma ẹ vaa nyị nị. Ịnị ụmẹ oni Ohomorihi maanị sị kà, Abụrahamị ọọ̀ yị ma ozi,

Iwe Ọhụhị Imosiisi ana aa hị́ Ọyịvatụrọda 30:5

Ẹnẹyịmavara vaa vavọọ mẹ agụvị dị ụnanka ẹnịnị ẹ dọ ẹtẹ ọnị ohiku ẹnịnị vịdị ra varẹma. Ọ vaa mẹ ka o zee yị wa, dị ẹ rụrụ hụụnị ohiku ẹnịnị mẹ vịdị ya.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!

Ọdọvịdị 1:16

 nyị evere Ikeeni ana vị ọyẹ Imosiisi ana vịdị ra Ijeriko. Ẹkụra ọnọọ vị ana aā rẹ hị́ ẹkụra ọsọchị. Aza ẹnẹnị ệ kụ̀rà hụrẹ ịzọọ saasa Anijuda nịnị na ra ịnị ụnọmị eyi ụvẹtẹ Ijuda ana gụrị ẹkụra ana aā hị́ Aradi.

Ọdọvịdị 4:11

Ịnị ụmẹ ọnọọ, Iheberi ana vị Anikeni vị ana jị ajẹngụ anị gụrị Ịkẹdẹsị ọgụrị ọchị ooki Izananimi. Evere Ihobabi ana vị ọyẹ Imosiisi ọ vị nị. Ộ ka hụrẹ ẹngụ ada ẹnịnị Anikeeni nị.

1 Ịsamụwẹrị 15:6

Dị Ịsọọrụ kà a yị Anikenani nịnị dị ọ ka ẹ̀ hụụ ịda Anamarẹkị nịnị ka à yị vị avọọ ọnị va wụ̀ wa beri wa. Ọ kà Anikenaani ệ mẹ̀ ebira ẹtẹẹrẹ hi Anisirẹrị ẹnịnị mẹ̀ hụrẹ Ijipiti aa vẹ. Ịzẹyịza dị Anikenani nịnị hụụ ịda Anamarẹkị nị.