Ịrịka 10:12 - IWE ỌNỊNỊ

¹² avọọ, dị Anisirẹrị nịnị kụ ẹnya ẹnịnị kwẹẹtẹ hụrẹ ụnọmị Ịsịnayị na ngụ ụnọmị Ịparanị nị.

Ịrịka 10:12 ပူးပေါင်းရင်းမြစ်များ

Oyinyima 14:6

Ẹ rẹ rị Anihori ịnị ataba ịda ẹnịnị ana aā hị́ Ataba Ịsẹyị huu na ngụ Eriparani ana na gụrị ịnị ụnọmị.

Oyinyima 21:21

Ọ mè yà ịnị ụnọmị ịzị aā hị́ Ịparanị, dị ọnyị anị nọ ẹkụra Ijipiti dị ọ na nyị ọnẹẹ hụụ ịzọọ va yọ nị.

1 Ohinọyị 11:18

Ẹnịnị mẹ̀ kwẹẹtẹ hụrẹ Imidiyani, dị ẹ va ngụ Ịparanị nị. Dị ẹ sị aza ẹnyị hụụ ịzọọ saasa ẹngụ, dị ẹ na ngụ Ijipiti nị. Ẹnịnị ệ nọ ịda Ihwarawo ana vị ohinọyị Anijipiti. E mè tù ịzọọ di Ihwarawo si irehi yị Ihadadi, dị ọ rẹ sị ịsọyịrị yọ, dị ọ rẹ sị ẹtẹ yọ nị.

Ọyịkụra 13:20

Anisirẹrị nịnị mẹ̀ hụrẹ Isukoti dị ẹ na kụ́ udi tụ́ ụnọmị ịzị aā hị́ Etami nị.

Ihabaku 3:3

Ohomorihi ọnịnị ô chi vẹ hụrẹ ịrẹsụ ataba Itemani ọnịrị ataba Ịparanị. Dị ụbanyị anị va ku ẹbẹẹba, dị avaba anẹhẹ aa ga a nị.

Ịrịka 1:1

 nyị ụmẹ ọnị Anisirẹrị nịnị sị ka ahụ jẹẹ ịnị ụnọmị Ịsịnayị ẹ̀ mẹ hụrẹ ẹtẹ Ijipiti. Ịhị ẹ tụ ọ ẹkụhị ịpaapa ịnị ụhwẹ ọhụva ịnị ịrayị ọhụva ẹnịnị ịzọọ, Ẹnẹyịmavara pe Imosiisi ka ịrẹyị ịnị ajẹngụ anị nị. Ộ ka

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ịrịka 12:16

Ọ mẹ zị vẹ kwooze, dị avaba ẹnịnị kwẹẹtẹ hụrị Ihazeroti na jị udi tụ inoze Ịparanị nị.

Ịrịka 13:26

Ẹnịnị vị ene ve tu Imosiisi ọnịrị Eerọnị ne beri ịragụ Anisirẹrị Íkadesi ịnị ụnọmị Ịparanị. É kà enube, dị ẹ kụ ẹtụtụ ọchị ẹnẹ ha hụụnị ẹtẹ ịzọọ va zụ wa nị.

Ịrịka 13:3

Dị Imosiisi tụ́ anọrụ ẹnẹẹ hụụ ịnị ụnọmị Ịparanị anka Ẹnẹyịmavara mẹ mẹ̀ ọda yọ nị. Avaba ẹnịnị vị ọdọvịdị Anisirẹrị.

Ịrịka 2:34

Anisirẹrị nịnị vana mẹ anka Ẹnẹyịmavara mẹ ka yị Imosiisi. Ọzọza vị ana ya aha anị a mẹmẹ ga wa hi ịrẹsụ-ịrẹsụ hụụnị ovwoovu ohiku ọzọza.

Ịrịka 9:1

Ịnị ụhwẹ ịpaapa ịnị ịrayị ọhụva ọnị Anisirẹrị nịnị jịnẹ hụrị Ijipiti va ngụ ịnị ụnọmị Ịsịnayị, Ẹnẹyịmavara ô pe Imosiisi kà ịrẹyị.

Ịrịka 9:17

Ụmẹ ọnị eguhi ọ̀ọ va hịrẹ ịrẹsụ ajẹngụ, dị aza aa saasa a ịzị ọ zị pooro ne tu ịzị ọ jẹẹ, dị ẹ ka ahụ jẹẹ ịzọọ.

Ịrịka 9:5

Dị ẹnịnị rị eche ọnọọ oruva ịnị ẹkụhị ẹwụrẹna ịnị ụhwẹ ịpaapa anka Ẹnẹyịmavara mẹ ọda anị tụ Imosiisi hi wa nị.

Iwe Ọhụhị Imosiisi ana aa hị́ Ọyịvatụrọda 1:1

 nyị ụmẹ ọ nya aanị ọnị Anisirẹrị nịnị sị jẹẹ tụ́ ụhwọ́ inozi ụnọmị Araba akẹnẹ irehu Ijodani. Ịzọọ ọ̀ gụrị Isuhwi ana ya ịnị akakana Iparani ọnịrị Ịtọhwẹrị. Ẹkụra ẹsa ana gụrị ịzọọ ẹ vị Ịrabanị, Ihazeroti ọnịrị Idizahabi. Ịzọọ Imosiisi ya pe Anisirẹrị nịnị kà ịrẹyị nị.

Iwe Ọhụhị Imosiisi ana aa hị́ Ọyịvatụrọda 1:19

Ịjị Anisirẹrị nịnị raà mẹ̀ ịsa ọnị Ẹnẹyịmavara Ohomorihi ka yị wa, dị ẹ hụrị ataba Ịhọrẹbị zị oze ịrẹsụ ataba ẹkụra Anamọrị ịnị ẹtẹ vansa ene chire ọza angwa na ngụ Ịkẹdẹsị Ibaneya nị.

Iwe Ọhụhị Imosiisi ana aa hị́ Ọyịvatụrọda 1:7

Dị ọ ka ẹnịnị ẹ kara ajẹngụ ẹnịnị, dị ẹẹ nọ ẹkụra Anamọrị ene hi ịrẹsụ ataba. Ẹ ngụ ẹkụra ene hi inozi, ọnịrị ịrẹsụ ataba ne beri iruvo ataba ne tu Ịnẹgẹvị ọnịrị avaba ẹkụra eni hi utenyi ana vị ẹtẹ Anikenaani. E avọọ va hịrẹ na ngụ Ịrẹbanọnị dị ẹ̀ hi ịzọọ na ngụ irehu Iyuhwuretisi.

Iwe Ọhụhị Imosiisi ana aa hị́ Ọyịvatụrọda 33:2

Imosiisi kà a, Ẹnẹyịmavara ô chi hi ẹtẹ hụụ ịrẹsụ ataba Ịsịnayị va gụ ẹnị ụvọ. Ộ kwẹẹtẹ anka ọyị avọọ, dị ụbanyị anị zẹtẹ ku aza anị hụụnị ataba Ịsẹyị ana ya Edomi nị. Etohweyi anị ộ zẹtẹ hụụnị ataba Ịparanị, dị anggẹẹrị otomiroku ya pe e nị, dị ịra aa da wụụrụ hụụnị ụvọ anị nị.

1 Ịsamụwẹrị 25:1

Ịnị ụmẹ ọnya, dị Ịsamụwẹrị wusu nị, dị avaba Anisirẹrị kụ́ gụ, dị ẹ jị òrèrè anị nị. Dị ẹ sị ọ, di e ne e tụ́ ini eehi anị Iraama nị. Di Idevidi kwẹẹtẹ, di o si hu aa nọ ịnị ụnọmị ịzị aā hị́ Ịparanị nị.