Ịrịka 10:10 - IWE ỌNỊNỊ

¹⁰ Ọ kà e hu ọ ịnị ụmẹ ọnị ẹ yaa jẹ ịrajẹ ọnịrị ịnị ụmẹ avaba eche asụsụ ịrayị ẹnịnị. E hu ọ ụhwẹ ọ sị chị, dị ẹ si hine ayị ịrẹsụ ịsọvọ anaā rị ịra ọnịrị ịsọvọ ẹngwọọrọ. Ịkakanchị ọnọọ vaa tama ọnị ayị oto ọnị wo yị wa. Ọnị ọ vị Ẹnẹyịmavara ana vị Ohomorihi ẹnịnị nị.

Ịrịka 10:10 ပူးပေါင်းရင်းမြစ်များ

2 Ohinọyị 4:23

Dị ọva anị ka: Sị aa naa mẹ ịdị ọza Ohomorihi ajịnị? Ajịnị ẹ yị vị ụhwẹ ọwọọwa, ẹ yị rẹ vị ẹkụhị ụhwọtụ. Dị ọnẹẹ ọnọnị ka, ẹ yị nyị ịrẹyị nị.

1 Ịtọpa 15:24

Dị a ka ẹnị ohirẹsụ irehi Ohomorihi ana aā hị́ Isebaniya, Ijosahwati, Ịnẹtanẹrị, Amazayị, Ịzakaraya, Ịbẹnaya ọnịrị Eriyaza ẹ̀ yà ọvịdị apoti oto ọnọnị dị ee hú ịkakanchị nị. Obẹdị-Edomi ọnịrị Ịjẹhiya vị ana ya ịnị aza ene ee sere apoti oto.

1 Ịtọpa 15:28

Avọọ avaba Anisirẹrị nịnị mẹmẹ na sị apoti oto Ẹnẹyịmavara, dị eyee nowu ẹ maa jẹ ịrajẹ. Ẹnịnị ee hú ọpanyị ịdẹba, ọnịrị ịkakanchị, dị ẹyaa kụ ịchachaa nya ẹngụ, dị é re yee hú igita irenyi-irenyi nị.

1 Ịtọpa 16:42

Ihemani ọnịrị Ijedutuni a ka ẹ̀ rẹ sị eyi pe ịkakanchị ọnịrị ịchacha ana aa kụ́ụ nya ẹngụ, beri ẹnya aahẹ ana vọ ene eē hú àa maanị aa jị ahẹ gono Ẹnẹyịmavara nị. Ẹnị ezi Ijedutuni a ka èe sere oze ọbanyị nịnị nị.

2 Ịtọpa 29:26

Anireevi nini ee tenyi ẹngụ ka ene hu ẹnya isohu Idevidi, dị ohirẹsụ irehi Ohomorihi nịnị e hu ịkakanchị.

2 Ịtọpa 29:28

dị avaba ọza ẹẹ hẹkẹ Ẹnẹyịmavara pooro dị a wụ̀ ịsụpa ọdịrẹma.

2 Ịtọpa 7:6

Ohirẹsụ irehi Ohomorihi nịnị vị ana jẹẹ aha ụkọrọ ẹnịnị, dị Anireevi nịnị aa jị ahẹ, di e yee hu ẹnya isohu ọnị Idevidi mẹ ka aa sị gama Ẹnẹyịmavara agụvị ọyịsị ẹnẹ ẹ yị ma ta nị. Ohirẹsụ irehi Ohomorihi nịnị ene ee hu ịkakanchị vị ana jẹẹ va eyi ka onisohu ẹnẹẹ, dị avaba Anisirẹrị jẹẹ ịzọọ beri wa.

Ẹzịra 3:10

Ịjị ọnị aza ana da irehi ọnọọ raa ka a ẹtẹ, dị avaba ohirẹsụ irehi Ohomorihi nịnị kụ ẹnya ahẹkẹ ẹnịnị hị́ ẹngụ, di e yee hu Ịkakanchị, dị ezi Asahwi ẹnị e hu ịchaacha nị. Dị ẹyaa ga Ẹnẹyịmavara anka Idevidi ohinọyị Anisirẹrị mẹ chẹrẹ ẹ tịtẹ.

Inehemaya 12:35

ne beri ẹnị ene e hu ịkakanchị. Ịzakaraya ozi Ijonatani ozi Isemaya, ozi Imataniya, ozi Imikaya, ozi Izaku, ozi Asahwi vị ana rẹ saasa wa bẹẹ.

Ahẹ Ụgama 150:3

Wee hú ọpanyịị kụ́ ọ nịnị. Wee hú ọkangga ọnịrị àgidibò dị wa sịị kụ́ ọ nịnị.

Ahẹ Ụgama 81:3

Sị ọpanyị ịdẹba di wee hú ọ nịnị ịnị eche ụhwẹ ọwọọwa ọnịrị ini eche ana aā rị ụhwẹ ọ̀ọ sị hụrẹ.

Ahẹ Ụgama 81:4

Ohomorihi oni Ijekọvụ hẹkẹ ọ mẹ ọda ọnọnị yị Anisirẹrị nị. Ọnị ọ kà a ka à vavọọ mẹ̀ ẹ pooro nị.

Ahẹ Ụgama 89:15

Aza ana sị yẹ ka ẹnị aa jị ahẹ kụ́ wụ ẹ̀ nyarị ịrẹsụ ọyịza. Ẹnẹyịmavara, mị ka aza ana ayamva awụ yà ịrẹsụ anị ẹ̀ nyarị ịrẹsụ ọyịza.

Ọyịkụra 28:29

Ụmẹ tụra ụmẹ ọnị Eerọnị àaa ngụ Aha Ọnịnị, dị ọ kụ́ ịrẹha Anisirẹrị ene hi ịnị ọtụrịrachị avọọ tụra ayị anị. Ọtụrịrachị ọnọọ o ve sii si iruvo dị ọ̀ yẹ ịsị mèe sì nị. Ọnị ọ vaa mẹ ka ẹmị Ẹnẹyịmavara maa tamayị ẹnịnị pooro nị.

Ọyịkụra 30:16

Dị ụ dọ ẹkẹhị ọnọọ ẹnị ẹ sị va hị́ ẹngụ ẹnịnị varẹma dị aa sịị mẹ̀ ụkọrọ ịnị ajẹngụ ịzị aā gẹ. Ẹkẹhị ọnọọ vi ene si si ụta ẹngụ ẹnịnị. Ọ vaa mẹ ka ma tamayị di mee sere wa.”

Ayịsaya 27:13

Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.

Ireevi 23:24

ọ̀ kà a yị Anisirẹrị nịnị ka, ẹkụhị ịpaapa ịnị ụhwẹ ọhụhịmba, vị ẹkụhị ana avaba ẹnịnị vaa sị tụ́ ụhwọ́. E vee hú ọpanyị ịhị ọnọọ dị avaba ẹnịnị wara gụ dị ẹ hẹkẹ ọnị.

Ịrịka 10:9

Ẹnẹyịmavara kà ịjị ẹ̀ẹ sị ngụ ịnị ẹtẹ ẹnịnị, dị ẹ ya nọ ịrẹkụ ọnịvị ẹnịnị nị, e hu ọ. Ịkakanchị ọnọọ vaa tama ọnị ayị ka ọnị ọ sị wa nyị ẹbẹẹba ọnịvị ẹnịnị.

Ịrịka 28:11

Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ.

Ịrịka 29:1

Ẹnẹyịmavara kà ịnị ẹkụhị ịpaapa ịnị ụhwẹ ịhịmba Anihiburu ana a hị́ Itisiri, ọzọza ọ tụ́ ụhwọ́, dị ẹẹ kụ ẹngụ gụ dị ẹ mẹ ahẹkẹ ịhị ọnọọ. Ẹnịnị e hu ịkakanchị ẹkụhị ọnọọ.

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Odeyi 10:4

Ô re anggẹẹrị ọnọọ, dị angwa hí ọọ nị. Dị ọ ka, “Sị ẹ vị ọnọọ, Ananyị yị?” Dị anggẹẹrị ọnọọ ka, “Ohomorihi ọ raà tamayị aduwa awụ ọnịrị ẹyịza ọnị ụ waa mẹ.

1 Anịkọrịntị 15:52

ịnị ụmẹ keere aanị, dị ọza ọ̀ naa jị eyi. Ịhị ọpanyị ọdịrẹma ọ̀ọ sụ́, ọ vavọọ vaa yà nị. Ọpanyị ọ̀ọ vavọọ sụ́ kẹnẹ, dị a ha avaba oku nịnị hụụnị isu, dị ẹ nyị ọchẹngụ ene è yi kuku zụ du pooro zịna-zịna. Avọọ Óhomorihi mẹ vaa vara avaba ayị ẹngụ nị.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

1 Anịtẹsaronika 4:18

Agụvị avọọ, waa sị ịrẹyị ẹnẹnịị hunẹnẹ ẹngụ ayị nịnị.

Ijosuwa 4:7

Ịjọnọọ ẹnịnị vaa kà zụ wa Ẹnẹyịmavara mẹmẹ za enyi ịnị irehu Ijodani jẹẹ ọvịdị apoti oto anị. Dị a sị ọ jịnẹ irehu ịrẹsụ ẹtẹ ọyịwụ. Ịrẹta ẹnẹẹ Anisirẹrị nịnị vaa sị tamayị ụmẹ ọnọọ pooro zịna-zịna nị.

Ijosuwa 6:4

Ọ kà a Ijosuwa ọ ka yị ohirẹsụ irehi Ohomorihi ịhịmba ka ọzọza ọ sị ọpanyị ịdẹba rị ụvọ tụ ọvịdị apoti oto; ịhị ẹ tụ ọ ẹkụhị ịhịmba dị ẹnịnị ẹ zị ụsẹ jesi kara Ijeriko ụpẹ ịhịmba, dị ohirẹsụ irehi Ohomorihi nịnị ee hu ọpanyị ẹnịnị.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!

1 Ịsamụwẹrị 20:5

Di Idevidi tụ́ ohi dị ọ ka, “Wáā yẹ ka ụhwọọ ọ vị eche ụhwẹ ọwọọwa nị? Â vọrọ ka ma yaayịtẹ pè ohinọyị dị ẹmịrị ọ ọ̀ rị ịsa. Jẹẹ ma na tẹ̀ ịnị avị pooro ne tù oruva uhurenyi.