Ịrịka 10:1 - IWE ỌNỊNỊ

¹ Ẹnẹyịmavara ộ kà yị Imosiisi ka,

Ịrịka 10:1 ပူးပေါင်းရင်းမြစ်များ

Oyinyima 42:13

Di e re tụ́ ohi dị ẹ ka, “Nda, ẹyị ẹwụrẹva áda ayị ma nị. Ada ayị vị ana ra ịnị ẹtẹ Ikanaani. Ajịmọ ayịị yà pè ada ayị tụ́ eehi. Ọza ịnyara ayị kụkụ yà ịzọọ.”

Oyinyima 46:15

Ẹsẹnị ẹ vi ezi anọrụ ọnị Iriya ma yị Ijekọvụ nị ne beri ezi ọnẹẹ anị Idina. E me hi akẹbẹẹba Imesopotamiya avaba ezi (ọnịrị aazị) Ijekọvụ ana hụrẹ ịpa Iriya vẹ vị ohurẹẹwụ tụra ẹẹta.

2 Ịsamụwẹrị 6:15

Avọọ ọ maà nyị ẹzẹ dị ọnịrị avaba Anisirẹrị ana vọ sị apoti Ẹnẹyịmavara hịrẹ nọ ịda anị nị. Ẹ́ màa vẹ, di eyee nowu, di eyee hu ọpanyị nị.

2 Ohinọyị 11:14

Ộ tù ịzọọ, di o re ka, ohinọyị ọwọọwa jẹẹ gụrị ọhẹ enoze irehi Ohomorihi anka eneē hú ịkakanchị vị ana gụ kara a, dị avaba aza ee hine ayị, dị eyee nowu, di eyee hú ịkakanchị nị. Ayị Atarịya ọ sị vazi, dị ọ na ẹnya hi ẹngụ anị ẹngụ, dị o nowu ka: ịrẹyị odivi ọ́ọ vẹ o!

2 Ịtọpa 23:13

Ô tu ịzọọ, di o re ka ohinọyị ọwọọwa jẹẹ enoze irehi Ohomorihi, ịpa ịzị a sị tịtẹ yị ohinọyị nị. Isoja nịnị ẹnịrị aza eneē hú ịkakanchị nịnị vị ana jẹẹ kara ohinọyị ịzọọ. Avaba aza vị anaa jẹ, di eyee nowu, di eyee hú ịkakanchị. Ẹnịnị anaā mẹ aahẹ ini irehi Ohomorihi vị ana kụ́ ẹnya aahẹ ẹnịnị dị ẹyaa kụ́ azaa mẹ aahẹ. Ịjị Atarịya maanị re, ayị anị o si du, di o nowu zẹtẹ, dị ọ ka ịrẹyị odivi ô vee! Dị ọ há awuru hi ẹngụ anị ẹngụ nị.

2 Ịtọpa 5:12

Avaba Anireevi nịnị ana vị ọjahẹ ệ jẹẹ beri Asa, Ịhẹmanị Ijedutuni ẹnịrị ezi anị ne beri anda ẹnịnị. Ẹnịnị vị ana jẹẹ akaha eyi ịzị ọyịị̄ zịị hụrẹ vẹ, dị ẹ kụ́ ẹnya ọvwọọvụ, di e yee hu isohu nị. Ohirẹsụ ẹchẹhị tụra oohu ee hụ́ ịkakanchị beri wa nị.

2 Ịtọpa 7:6

Ohirẹsụ irehi Ohomorihi nịnị vị ana jẹẹ aha ụkọrọ ẹnịnị, dị Anireevi nịnị aa jị ahẹ, di e yee hu ẹnya isohu ọnị Idevidi mẹ ka aa sị gama Ẹnẹyịmavara agụvị ọyịsị ẹnẹ ẹ yị ma ta nị. Ohirẹsụ irehi Ohomorihi nịnị ene ee hu ịkakanchị vị ana jẹẹ va eyi ka onisohu ẹnẹẹ, dị avaba Anisirẹrị jẹẹ ịzọọ beri wa.

Ẹzịra 3:10

Ịjị ọnị aza ana da irehi ọnọọ raa ka a ẹtẹ, dị avaba ohirẹsụ irehi Ohomorihi nịnị kụ ẹnya ahẹkẹ ẹnịnị hị́ ẹngụ, di e yee hu Ịkakanchị, dị ezi Asahwi ẹnị e hu ịchaacha nị. Dị ẹyaa ga Ẹnẹyịmavara anka Idevidi ohinọyị Anisirẹrị mẹ chẹrẹ ẹ tịtẹ.

Ahẹ Ụgama 47:5

Ohomorihi o si hu aa vàa hịrẹ ọ màa na, dị aza ee nowu, di e yee hú ọpanyị, dị ẹ yaa jẹ ịrajẹ nị.

Ahẹ Ụgama 81:3

Sị ọpanyị ịdẹba di wee hú ọ nịnị ịnị eche ụhwẹ ọwọọwa ọnịrị ini eche ana aā rị ụhwẹ ọ̀ọ sị hụrẹ.

Ahẹ Ụgama 98:6

Si ịkakanchị ọnịrị ọpanyị ịdẹba, dị waa sị ịrajẹ hú ọ hị́ Ẹnẹyịmavara ana vị ohinọyị.

Ịrịka 1:52

Anisirẹrị nịnị ana vọ vị ọnị ovwoovu ọzọza kụ udi anị anka a mẹmẹ ga wa hi ịrẹsụ-ịrẹsụ.

Ịrịka 10:2

ọ sị enyusẹ ana a hị́ isiriva tu ịkakanchị ẹẹva, dị aa sị hị́ aza gụ ọnịrị a sị tama aza ayị ka e ne ajẹngụ ẹnịnị dị ẹ kụ̀rà.

Ịrịka 29:1

Ẹnẹyịmavara kà ịnị ẹkụhị ịpaapa ịnị ụhwẹ ịhịmba Anihiburu ana a hị́ Itisiri, ọzọza ọ tụ́ ụhwọ́, dị ẹẹ kụ ẹngụ gụ dị ẹ mẹ ahẹkẹ ịhị ọnọọ. Ẹnịnị e hu ịkakanchị ẹkụhị ọnọọ.

Ịrịka 7:2

Dị ọdọvịdị Anisirẹrị nịnị ana vị azọkụ ịrẹsụ-ịrẹsụ ẹnịnị ana mẹ̀ eto ọyị za aza ịrịka na mẹ̀ ịsọvọ nị.

Ịrịka 9:23

Ịsị Ẹnẹyịmavara ọ ka yị Imosiisi tụ hi wa kẹnẹ ẹ yaa saasa nị. Ọ̀ọ ka ẹ kwẹẹtẹ, dị ẹ kwẹẹtẹ, ọ̀ọ kà a ẹ jẹẹ dị ẹ jẹẹ.

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Ijosuwa 6:4

Ọ kà a Ijosuwa ọ ka yị ohirẹsụ irehi Ohomorihi ịhịmba ka ọzọza ọ sị ọpanyị ịdẹba rị ụvọ tụ ọvịdị apoti oto; ịhị ẹ tụ ọ ẹkụhị ịhịmba dị ẹnịnị ẹ zị ụsẹ jesi kara Ijeriko ụpẹ ịhịmba, dị ohirẹsụ irehi Ohomorihi nịnị ee hu ọpanyị ẹnịnị.

Ẹtore 8:2

Di mi re anggẹẹrị ịhịmba ana jẹẹ ọvịdị Ohomorihi, dị a sị ọpanyị ịhịmba yị wa nị.

Ọdọvịdị 7:20

Avọọ isoja Igidiyọnị ana vọ ẹnị mẹ rẹ hu ịkakanchị ẹnẹ ẹ sị ụvọrị za, dị chaka ụnọkọ ene si ku ịra ẹnẹ sị rị ụvọha ẹnịnị nị. Di e nowu tụ ẹbẹẹba, dị ẹ ka, sị ụhwọ kụ ịrẹkụ yị Ẹnẹyịmavara ọnịrị Igidiyọnị!