Ịrịka 1:53 - IWE ỌNỊNỊ

⁵³ Ama Anireevi nini vị ana a jị udi ẹnịnị kara ajẹngụ Ẹnẹyịmavara. Ẹnị ee sere e agụvị asị a nyị ọza ana gụrị ọ dị Ẹnẹyịmavara ọ vaa kụ ayị hi Anisirẹrị nịnị nị.

Ịrịka 1:53 ပူးပေါင်းရင်းမြစ်များ

1 Ịtọpa 23:32

Anireevi nịnị a ka ẹẹ si eyi pe ajẹngụ ịzị Ẹnẹyịmavara yà, ọnịrị irehi Ohomorihi, dị ẹ̀ rẹẹ gụ anda ẹnịnị, ohirẹsụ irehi Ohomorihi ana vị evere Eerọnị ụvọ àa maanị aa mẹ ahẹkẹ ini irehi Ohomorihi nị.

2 Ịtọpa 13:10

Ama ẹyị vị ana yịị hẹkẹ Ẹnẹyịmavara Ohomorihi ayị. Yẹ yị va ịrẹma anị. Ezi Eerọnị ana vị ohirẹsụ irehi Ohomorihi vị ana mẹ̀ ụkọrọ ẹnịnị, dị Anireevi nịnị aa gụ wa ụvọ.

2 Ịtọpa 13:11

Ẹnẹnẹ ọnịrị oruva vị ọnị ẹ ya rị eturare ọnịrị uye ịsọvọ ịra. Dị ẹ yaa sị ụbụrẹẹdị vẹ ịrẹsụ iteburu ana nị. Oruva-oruva vị ọnị e yee hu ịra ozotupa ọ nyị irenu ịhịmba ọnị ọchị anị vị igooru. Ẹ ka ẹnị vaa mẹ̀ ịsa ọnị Ẹnẹyịmavara mẹ ọda anị, ama ẹwụ nịnị ọ raà va ịrẹma anị.

Ijeremaya 23:15

Avọọ, Ẹnẹyịmavara Ochẹtẹẹngụ aa kà a yị ọnịsẹ ene hi Ijerusarẹmị ka, ọnị vaa sị avị ọnyịrẹyị yị waa rị, dị ọnị sị enyi ana nyị ẹchịpa yị wa ka e hú ọ. Ka ẹnịnị ẹ raa mẹ ka ebira odivi ọ̀ gara hi ẹtẹ avaba aha.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ireevi 10:6

Dị Imosiisi kà a yị Eerọnị ọnịrị ezi anị ana aa hị́ Eriyaza ọnịrị Ịtama ka, asị ẹ hụ̀ agụvị ka ẹnị aa zị ẹngụ aza ene zụ, dị ẹ̀ navọ ẹyịrẹsụ ẹnịnị dị à si e che e o. À sị̀ hụ̀ agụvị avọọ na awuru hi ẹngụ ẹnịnị ẹngụ bẹẹ. Ọ kà ẹnịnị ẹ̀ẹ vavọọ mẹ, vị eyee su nị, dị Ẹnẹyịmavara kụ ayị hi avaba ẹnị ịragụ nị. Ama anda ẹnịnị Anisirẹrị ana vọ, ẹ́ nyẹngụ aa zị ẹngụ aza ọnị Ẹnẹyịmavara sị ịra wụ aanị.

Ịrịka 1:50

Ọ̀ nyị wa ka ee sị eyi pe ajẹngụ Ẹnẹyịmavara ọnịrị avaba ẹnya ene hi ini anị ana aa sị mẹ ahẹkẹ. Ẹnịnị ẹ ra kara a. Ụmẹ ọnị Anisirẹrị nịnị àa kụ̀rà na ngụ aha ọsa, ẹnị aa kụ ẹnya ẹnẹẹ nee tenyi ọ jị aha ọwọọwa ọnọọ nị.

Ịrịka 1:54

Dị Anisirẹrị nịnị mẹ avaba ịsị Ẹnẹyịmavara kà yị Imosiisi nị.

Ịrịka 16:46

Dị Imosiisi kà yị Eerọnị ka ọ̀ sị ẹnya anaā rị eturare ịra, dị ọ sị ịra tụ ọ, dị ọ sị eturare tụ ọ, dị ọ̀ sị ọ obobooro ọnọọ nọ ịzị aza hi, dị ọ mẹ̀ ịsọvọ ịvị ẹnịnị agụvị Ẹnẹyịmavara ọ vagu wa. Ẹnẹyịmavara du ayị hi wa ẹtẹẹtẹrẹ, dị aza ee su ha nị.

Ịrịka 16:9

Ẹnịnị wéé ro ka ịsa oweyi ọ vị nị ka Ohomorihi Anisirẹrị ộ nyị wa tụ irenyi hụụnị avaba Anisirẹrị nị? Ộ za wa gụrị ẹngụ ka ẹẹ mẹ̀ ụkọrọ ịnị ajẹngụ anị, dị ẹ mẹ ka Anisirẹrị nịnị ẹ̀ hẹkẹ ọnị.

Ịrịka 17:7

Dị Imosiisi kụ́ okutẹ ẹnẹẹ tụ́ ọvịdị Ẹnẹyịmavara ịnị ajẹngụ anị ịzị apoti oto ya nị.

Ịrịka 2:17

Anireevi nịnị ẹ vaa va tụra Irubẹnị nị. Dị ẹ ya ịnị akakana aza ana vọ anka a mẹmẹ to tụ udi ọzọza.

Ịrịka 3:23

Ẹnịnị ẹ̀ jị ajẹngụ ẹnịnị tụ ịrẹma ajẹngụ Ẹnẹyịmavara eyi ịzị ọyịị̄ zịị ngụ ẹtẹ.

Ịrịka 3:29

Avaba abara Anikohati nịnị vị ana a jị ajẹngụ ẹnịnị tụ eyi ụvẹtẹ irehi Ohomorihi.

Ịrịka 3:35

Izureri ana vị ozi Abiheri ọ vị ohirẹsụ ẹnịnị nị. Ẹnịnị vị anaa jị ajẹngụ ẹnịnị tụ oze eyi ẹbẹẹba akaha irehi Ohomorihi

Ịrịka 3:38

Imosiisi ọnịrị Eerọnị ne beri ezi ẹnịnị vị ana da aha ẹnịnị tụ ọvịdị irehi Ohomorihi oze eyi ịzị ọyị hụrẹ vẹ. Ẹnị e si eyi pe a mẹ vọrọ ka Anisirẹrị ẹ mẹ ahẹkẹ ini irehi Ohomorihi nị. Àa nyị ọza ẹnẹsa ana hama wa na mẹ̀ ụkọrọ ọnọọ vị anaa wụ ịzịzọọ.

Ịrịka 31:30

Ama ịnị ogu ana vị aza ene hí inehi, Imosiisi ọ sị ọza ikonya hụụnị ọrịhị ẹvarẹwụ (50). Ọ vavọọ sị ọ hụụnị ịsa irenyi-irenyi ana vọ yị Anireevi nịnị ene si eyi pe ajẹngụ anị.

Ịrịka 31:47

Hụụnị achẹva ịsa ẹnẹnị ana vị Anisirẹrị ana vọ, Imosiisi sị ịsa ikonya hụụnị ịsa ẹvarẹwụ ịnị ịsa irenyi-irenyi anka ezi anẹẹ ọnịrị ịsụpa, dị ọ́ sị yị Anireevi nịnị ana sị eyi pe ajẹngụ Ẹnẹyịmavara anka ọ̀ mẹ ọda anị yị Imosiisi.

Ịrịka 8:19

Ẹnẹyịmavara kà ọnị ọ raa sị wa yị Eerọnị ọnịrị ezi anị. Ẹnịnị vị ana vaa mẹ̀ ụkọrọ ịnị ajẹngụ anị, dị ẹ mẹ̀ ịsọvọ ịvị Anisirẹrị agụvị ẹ gụrị ajẹngụ anị asị Ohomorihi kụ akanya tu wa.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!

1 Ịsamụwẹrị 6:19

Anịbẹtị Isemesi mẹ̀ jịnẹ vẹ di eyee re Apoti Ẹnẹyịmavara ọnọọ goro-goro, dị Ẹnẹyịmavara wụ ẹnị ẹtarẹwụ ịnị aza ẹnẹẹ nị. Ịjị Ẹnẹyịmavara vavọọ tana ụvọ za Anịbẹtị Isemesi, di eyee sụ ùnè ẹtẹẹtẹrẹ nị.