Ịrịka 1:46 - IWE ỌNỊNỊ

⁴⁶ Avaba ẹnịnị vị akawụ-akawụ oze ịrẹkẹchẹhị tụra ọnya tụra akahị tụra akavarẹchẹhị tụra akahị (603,550).

Ịrịka 1:46 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Oyinyima 13:16

Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 17:6

Ezi anị vaa rụrụ ẹnẹmẹhị, anẹkụra ọrụrụ vaa zị oze ịpa awụụ haa hi ẹhẹ. Ezi anị ẹnyị vaa vị ohinọyị.

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Oyinyima 26:3

Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

2 Ịsamụwẹrị 24:9

Ẹ mẹ̀ vẹ, di Ijowabi sị ịrịka aza ọnị ọ za ịrịka yị ohinọyị nị. Avaba Anisirẹrị vị ẹnị akawụ-akawụ oze akana. Ẹnị ẹnẹẹ ẹnị vị isoja ana aā sị ụhwọọ kụ̀ ịrẹkụ. Anijuda ẹnị vị ẹnị akawụ-akawụ oze ịrẹkẹẹchẹhị.

1 Ohinọyị 4:20

Anijuda ọnịrị Anijerusarẹmị ệ rụrụ anka ààrẹ ụtọ ókụ̄. Ẹnịnị vị ana aa rị, di eyee hú, dị ẹ yaa mẹrị.

1 Ịtọpa 21:5

Ộ kà a yị ohinọyị Idevidi ịrịka anọrụ ya ana zụ mẹ̀ ụkọrọ isoja. Ọ kà hụrị ẹtẹ Isirẹrị kẹnẹ vị aza ẹnị imiriyọnị ọnya tụra akawụ-akawụ oze ẹvarẹwụ (1,100,000). Hụrị ẹtẹ Ijuda, dị a nyị aza ẹnị akawụ-akawụ oze ịrẹka tụra ohurẹẹwụ tụra ẹẹhị (470,000).

2 Ịtọpa 13:3

Abija ộ kụ́ isoja akawụ-akawụ oze ịrẹka (400,000) nọ ịrẹkụ isoja Ijerobowami akawụ-akawụ oze akava (800,000).

Ọyịkụra 12:37

Anisirẹrị nịnị vị ana aa na anka isoja anaā sịị ahụ zị. Oze Iramesisi ẹ zi jịnẹ, di e zi oze Isukoti aa na nị. Ẹnị ana na vị akahị-akahị oze akata (600,000). Ẹnị anọrụ ana sị hụ ọmụha kẹnẹ ọ vị ọnọọ nị. Ọza ọ yị za anyẹnẹẹ ọnịrị ezweyi tụ́ ọ.

Ọyịkụra 38:26

Anka ana a dọ ka ộ vị ẹnya ịrẹsụ aanị, àa ka à na kà, enyusẹ ẹkẹhị ọnị ọza ịnya ọza ịnya sị vẹ ộ jẹẹ tụ́ ịrẹsụ ka aza ẹnị akahị-akahị oze ịhịnọnyị (6,000) ẹ và ụvọ bẹ tụ́ ịnị enyusẹ ẹnya ịrẹsụ ọnya nị. Aza ana sị gụ ịrayị oohu dà a vahịrẹ aā kà avọọ nị. Avaba ọpa aza ẹnẹẹ vị ẹnị akahị-akahị oze akata tụra ẹẹta ộ tụra akavarẹchẹhị tụra ẹvarẹwụ (603,550).

Ịrịka 1:45

Avaba Anisirẹrị ana daa hụrị ịrayị ohu va hịrẹ ana sị hụ ọ tu ịrẹkụ vị ana a chẹrẹ ịrẹha ẹnịnị ovwoovu-ovwoovu.

Ịrịka 11:21

Dị Imosiisi ka anọrụ ana ya pe ọnị vị aza ẹnị (600,000). Ẹnẹyịmavara mẹmẹ nyẹngụ ka ka ọnị ọ zụ sị ịsọyịrị ana hụ wa rị ụhwẹ ọnya?

Ịrịka 14:29

Ộ ka avaba ẹnịnị vi ene vee su tụ́ ịnị ụnọmị ọnọnị, dị oku ẹnịnị chata ku ẹtẹ, ka ẹnịnị ẹ̀ kụ̀ mị ụhụ ẹ yị vaa nyị anọrụ ẹnịnị hụrị ẹhụ ịrayị oohu ịnị ụmẹ ana a sị za ọza ịrịka ana a vọ tịtẹ.

Ịrịka 2:32

Aanị a mẹmẹ za ọkụrẹkụ Anisirẹrị nịnị ịrịkaa hụrị ovwoovu ohiku ọzọza nị. Avaba isoja Anisirẹrị ogu ẹẹna vabẹ vị aza ịrịka (603,550).

Ịrịka 23:10

Ẹnịnị ẹ rụrụ anka ezi ịnị eteesu. Ẹnẹ zụ za wa ịrịka? Navọ ọnị o su usu ẹngwọọrọ ọnịrẹyịzẹyịza, dị ẹtaha anị ọ ya anka Anisirẹrị.

Ịrịka 26:51

Avaba anọrụ Anisirẹrị saka-saka vị akahị-akahị oze ẹchẹhị tụra ikonya tụra ẹtarẹwụ tụra ohurẹẹwụ (601,730).

Iwe Ọhụhị Imosiisi ana aa hị́ Ọyịvatụrọda 10:22

Ohiku awụ nịnị ana nọ Ijipiti vị ẹnị ẹtarẹwụ. Ama booro anị, Ẹnẹyịmavara ọ raà mẹ̀ wa rụrụ ẹtẹẹtẹrẹ anka ụzọmị ịnị eguhi.