Ịrịka 1:3 - IWE ỌNỊNỊ

³ Ọnọrụ ana vị ẹhụ ịrayị oohu daa va hịrẹ ana hwọọ nọ ịrẹkụ ọda ọnọnị za nị. Imosiisi ọnịrị Eerọnị ẹ vaa mẹ̀ ụkọrọ ọnọọ nị.

Ịrịka 1:3 ပူးပေါင်းရင်းမြစ်များ

2 Ịsamụwẹrị 24:9

Ẹ mẹ̀ vẹ, di Ijowabi sị ịrịka aza ọnị ọ za ịrịka yị ohinọyị nị. Avaba Anisirẹrị vị ẹnị akawụ-akawụ oze akana. Ẹnị ẹnẹẹ ẹnị vị isoja ana aā sị ụhwọọ kụ̀ ịrẹkụ. Anijuda ẹnị vị ẹnị akawụ-akawụ oze ịrẹkẹẹchẹhị.

1 Ịtọpa 5:18

Ẹnị ezi Irubẹnị, ezi Igadi, ọnịrị achẹva ezi Ịmanasẹ ệ nyị isoja akawụ-akawụ oze ohurẹẹva tụra akatarẹchẹhị tụra ẹbẹẹta, ana zụ a mẹẹ sị ogonto ọnịrị ụhwọ ọnyị eyi ẹẹva beri ọpa kụ̀ ịrẹkụ ẹtẹẹtẹrẹ.

2 Ịtọpa 25:5

Ohinọyị Amaziya ô mẹ̀ eto, dị ộ kụ́ avaba anọrụ Anijuda ọnịrị Anịbẹnjamịnị hi ini isoja, dị ọ nyị ọdọvịdị isoja yị ịrẹsụ ọnyọọnya. Ộ za wa ịrịka dị anọrụ ana vị ẹhụ ịrayị ohu da a vahịrẹ vị akawụ-akawụ oze ẹchẹhị tụra ẹvarẹwụ.

Ọyịkụra 12:17

Dị ọ ka Eche ọnọnị ọnị ọza ọ̀ yị mā yà ịnị anị rị Ịbụrẹẹdị ana nyị òwù aanị vị ẹnị ẹ vaa rị pooro, agụvị ka ịhị ọnọọ gẹdẹ-gẹdẹ ọnị kụ́ wa nini ogu-ogu hụrẹ Ijipiti nị. Ọ kà ẹnịrị ezi ẹnịnị ịrẹma-ịrẹma vị ana vaa rị eche ọnọnị pooro zịna.

Ọyịkụra 30:14

Avaba aza ana sị gụ ịrayị oohu dà a vaa hịrẹ a vaa za ịrịka nị. Ẹnị ẹnẹẹ ẹ vavọọ vaa sị ẹkẹhịị vaa yị mị nị.

Ọyịkụra 38:26

Anka ana a dọ ka ộ vị ẹnya ịrẹsụ aanị, àa ka à na kà, enyusẹ ẹkẹhị ọnị ọza ịnya ọza ịnya sị vẹ ộ jẹẹ tụ́ ịrẹsụ ka aza ẹnị akahị-akahị oze ịhịnọnyị (6,000) ẹ và ụvọ bẹ tụ́ ịnị enyusẹ ẹnya ịrẹsụ ọnya nị. Aza ana sị gụ ịrayị oohu dà a vahịrẹ aā kà avọọ nị. Avaba ọpa aza ẹnẹẹ vị ẹnị akahị-akahị oze akata tụra ẹẹta ộ tụra akavarẹchẹhị tụra ẹvarẹwụ (603,550).

Ịrịka 14:29

Ộ ka avaba ẹnịnị vi ene vee su tụ́ ịnị ụnọmị ọnọnị, dị oku ẹnịnị chata ku ẹtẹ, ka ẹnịnị ẹ̀ kụ̀ mị ụhụ ẹ yị vaa nyị anọrụ ẹnịnị hụrị ẹhụ ịrayị oohu ịnị ụmẹ ana a sị za ọza ịrịka ana a vọ tịtẹ.

Ịrịka 26:2

ẹ za avaba anọrụ Anisirẹrị ịrịka ovwoovu-ovwoovu. Ẹ chẹrẹ aza ana sị gụ ịrayị oohu da va hịrẹ ana zụ nọ ịrẹkụ.

Ịrịka 3:15

Ọ kà Imosiisi ọ za anọrụ ịrẹsụ Ireevi ịrịka hụụnị ovwoovu-ovwoovu na ngụ abara-abara ẹnịnị.

Ịrịka 32:11

ẹ yị vaa nyị ọza ẹhụ ịrayị oohu da a va hịrẹ ịnị ẹngụ ẹnịnị ana hụrị Ijipiti ene vee re ẹtẹ ọnị ọnị wo oto anị yị Abụrahamị, ọnịrị Ayiziiki ne beri Ijekọvụ. Ịrẹyị ọ́ maanị tu wa agụvị ka ẹnịnị ẹ yị sị ayị ọnya saasa ọnị.

Ịrịka 33:1

Ịrẹha ẹnẹnị ẹ vị ịrẹha ẹkụra irenyi-irenyi ịzị Anisirẹrị nịnị yaa jẹẹ tụhwọ dị ẹ́ va hụrị Ijipiti va ngụ Imowabi nị. Imosiisi ọnịrị Eerọnị ana vị ọdọvịdị ẹnịnị vị ene to wa ịrẹsụ-ịrẹsụ.

Ịrịka 4:3

Ẹ za avaba anọrụ ana da hụrẹ ịrayị ohurẹẹwụ na ngụ ịrayị ẹvarẹwụ ana hụụ mẹ̀ ụkọrọ ajẹngụ Ẹnẹyịmavara.

Iwe Ọhụhị Imosiisi ana aa hị́ Ọyịvatụrọda 24:5

Ọnọrụ ọ̀ọ nyị ọnẹẹ ọwọọwa, asị a sị ọ nọ ịrẹkụ, a vị ka a sị ụkata za ka ọ mẹ̀ ụkọrọ yị ịjọva. A navọ ịrayị ọnya dị ọ ya ini eehi pe ose anị, dị ọnịrị ose anị e hine ẹngụ ayị.

Iwe Ọhụhị Imosiisi ana aa hị́ Ọyịvatụrọda 3:18

Imosiisi me re jị uwe ẹtẹ ọnọọ ta, dị ộ ka yị evere Irubẹnị ọnịrị Igadi ne beri achẹva Ịmanasẹ ka: Ẹnẹyịmavara ana vị Ohomorihi ẹnịnị ộ raa sị ẹtẹ ọnọnị yị wa. Avaba Isoja ẹnịnị e tenyi ẹngụ zi ịrẹkụ ẹnịnị ẹ jịnẹ irehu Ijodani, Isoja nịnị e hi ọvịdị.