Ịrẹyị Ọzwọzịsa 9:9 - IWE ỌNỊNỊ

⁹ Ọpa ụmẹ ọnị Ohomorihi ọ̀ọ sị yị wụ ka wa mẹ ịnị ẹhẹ osusu ọnọnị, ẹwụrị ose wu ọnị u sì ịrẹyị anị ọọ mẹ ẹhẹ dị wa mẹrị ẹngụ nịnị, ka ọnị Ohomorihi gà tu wu ịnị ẹhẹ ọnịrị ịnị ụkọrọ ọnị waa mẹ ọ vị ọnọọ nị.

Ịrẹyị Ọzwọzịsa 9:9 ပူးပေါင်းရင်းမြစ်များ

Oyinyima 26:8

Ọ mẹ̀ dà ku oni Ayiziiki ra ịzọọ, ẹkụhị ọnya di aa kụ́ ụvọọ sisi Irebeka ose anị ẹngụ, dị ẹ yaa mẹ aahẹ nị. Di Abimẹrẹkị ohinọyị Anihwirisiti dà eyi gẹ ini ozokete, dị ọ sị wa re nị.

Ahẹ Ụgama 144:4

Ọza vị ana sị mẹẹ anka ahị ana aa tụ́ụ parahu avọọ. Ẹhẹ ọza maanị aa kiiki aanị.

Ahẹ Ụgama 39:5

Wẹ yị mẹ ka ụhwẹ amị ọ̀ gọdọ vụrụ-vụrụ nyị ịsị ẹhẹ amị vị ini eyi awụ Ẹhẹ ọza maanị aa kiiki aanị,

Ụhịrẹyị 18:22

Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ.

Ụhịrẹyị 19:14

Ada ọza ò zụ da irehi, dị ọ mẹ ogu yị ọ ama Ẹnẹyịmavara kẹnẹ ọ zụ sị ọnẹẹ obooro yị ọza nị.

Ịrẹyị Ọzwọzịsa 2:10

Ọ kà ọnị ẹ yị zụ mẹ ka ịsị eyi anị oo re kẹnẹ ọnị ẹ yị nyị ọ. Ẹ yị nyị ụmẹ ọnị ọnị sị yii ka ọnị ẹ ị mẹ ẹngwọmẹ ọnyọọnyị. Avaba ụkọrọ ọnị ọnị raa mẹ vana nyayịnẹ hine ọnị. Ọsọnị ọ vị ọgụ ọnị ọnị rị ịnị avaba ụkọrọ ọnị ọnị sị ẹhị ẹngụ anị mẹ nị.

Ịrẹyị Ọzwọzịsa 2:24

Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị;

Ịrẹyị Ọzwọzịsa 3:13

Ọzwọzịsa ka, ẹyịza Ohomorihi kẹnẹ ọọ mẹ ka ọza ọ̀ zụ re ịsa rị, dị oo hu, dị ọ zụ nyị ayohine tụ ịnị ụkọrọ anaa mẹ dị ẹ yị nyị eyi tụ́ ụhwọ́ nị.

Ịrẹyị Ọzwọzịsa 3:22

Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.

Ịrẹyị Ọzwọzịsa 5:18

Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị.

Ịrẹyị Ọzwọzịsa 6:12

Ẹnẹ ka ọnị ọọ yẹ ịsị e rere ọza hu ịnị ụmẹ chee ọnị ọ nyị ọyị mẹ ịnị ẹhẹ osusu ọnọnị? Ẹhẹ vị anaa para hu anka ụmọmọ́ avọọ. Ẹnẹ nyẹngụ ka a ịsị ẹ vaa mẹ ịrẹma ọza, ọọ sị hụụnị ẹhẹ kẹ?

Ịrẹyị Ọzwọzịsa 7:15

Ọzwọzịsa ka, ịnị ẹhẹ ọnị ọnị vẹ ana ahịka osusu kẹnẹ ọ vị aanị nị, ọnị ọ sị ịsavị-ịsavị re: Ọnịzẹyịza ee su tụ ịnị ịzẹyịza nị, dị aza edivi ee ku orubo tụ ịnị udivi ẹnịnị nị.

Ịmarakayị 2:15

Wéé yi yẹ ka ọnyara Ẹnẹyịmavara mẹ̀ ewuri ese wụ nịnị nị? Ộ vavọọ mẹ̀ agụvị dị ezi ewu nịnị ẹ vị aza Ohomorihi. Sị ụvọ za ẹngụ awụ ịnị ịrẹyị ese ọnị ụ nyị hụụnị ozweyi awụ nịnị nị. Asị a nyị aza awụ nịnị ana mẹ̀ wa rị.