Ịrẹyị Ọzwọzịsa 9:8 - IWE ỌNỊNỊ

⁸ Wee hine ayị nịnị dị waa jẹ ịrajẹ nịnị pooro kẹnẹ.

Ịrẹyị Ọzwọzịsa 9:8 ပူးပေါင်းရင်းမြစ်များ

2 Ịsamụwẹrị 14:2

Di Ijowabi va tụ́ nọ ịzị aā hị́ Itekowa dị ọ na sị ọnẹẹ ọnya aanị ana yẹ ịrẹyị hụụ ịzọọ vẹ nị. Ọ́ mẹ̀ na sị ọ dị ọ kà a yọ ka ọ̀ và ịta kú ẹngụ, dị ọ̀ mẹ anka ọza oni oku sú dị aa jị òrèrè avọọ. Ọ kà asị ọ da ịsa sisi ẹngụ, dị ọ̀ sị mẹ̀ ẹ ka o si kú ọnị ọ hụrẹ aa jị òrèrè oku ene sú ọ.

2 Ịsamụwẹrị 19:24

Imehwibọsẹtị ozi Ịsọọrụ oni o re chi na ka ọnị ọ̀ na gẹrị ohinọyị. Ọ yị nyịna ahụ anị, ọ yị kụ́ ọkara irenu anị, ọ yị rẹ nyịna awuru anị hụrẹ ịhị oni ohinọyị sị jịnẹ hụụnị hụrẹ Ijerusarẹmị pooro ne tù ẹkụhị ọnị ọ sị vavẹ ịnị ẹngwọọrọ.

Ẹsịta 8:15

Dị Imodekaya chire awuru ohinọyị ana a da achẹrẹ onuvuru, ọnịrị ọvwọọvụ beri anangẹrẹ hị́. Di o kù amu ọbanyị ohinọyị ana a si igooru mẹ nị. Dị Imodekaya jịnẹ hụrẹ ọvịdị ohinọyị aa na nị. Dị avaba ẹkụra Isusa aa jẹ, dị ẹ yaa mẹrị sadaa kẹnẹ nị.

Ahẹ Ụgama 23:5

Ohomorihi ộ kụ́ ịsa ozoza hi ẹtẹ ka maa rị ọ eyi ọnịvị amị nịnị. Ô si mi ọzọga anka ọza ọnị ọ́ sị ụbanyị yị, dị ọ sị angwẹ sisi mi ịrẹsụ nị. Dị ọ mẹ ka ako amị òo hi ka wà nị.

Ịdanịyẹrị 10:3

Dị ọsẹ ẹẹta ọnọọ gụ, ọnị ẹ yị rị ịsa ohinẹ ọnyọọnyị ọnị ẹ yị rị uye, ọnị ẹ yị hu eche, a vị ka ọnị ọ hyakụ dị ẹpara sisi ẹngụ bẹẹ.

Emọsị 6:6

Ẹnịnị vị ene hu eche ahaahara, dị ẹ va eturare ọkatarihi hị́ ẹngụ. Ama ịrẹyị ẹkụra ene vú ẹtẹ ẹ yị jị wa areyi.

Imatiwu 6:17

Ama ẹwụ nịnị, wàa sị awẹ, nyịna eyi awụ, dị ụ wa dá ịsa sisi ịrẹsụ awụ,

Iruuku 7:46

Wẹ yị rẹ sị angwẹ sisi mi ibe; ama eturare ọnẹẹ ọnọnị sị, di ee sii sisi mi ahụ nị.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”

Ẹtore 19:14

Di isoja nịnị ẹbẹẹba aa saasa a nị. Ẹnịnị ệ tụra umaata ọvwọọvụ, di e chire awuru ọvụ ana nị sẹnẹ-sẹnẹ nị.

Ẹtore 19:8

 zẹẹ ka à kụ́ ẹnya ọvwọọvụ ana vwẹtẹ sẹnẹ-sẹnẹẹ yọ ka ò chire e. Ẹnya ọvụ ozoza ọnọọ vị ana jẹẹ yị ịzẹyịza ana aza Ohomorihi nyị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

Iruutu 3:3

Na hụ enyi dị wa dá ịsa sisi ẹngụ di we chire awuru awụ, di wa nọ ịzị eē tụ́ ịsa. Ama asị ụ zẹẹ ka Ibowazị ọ̀ yẹ ka wụ yà ịzọọ pooro dị ọ rị, dị ò hú.