Ịrẹyị Ọzwọzịsa 9:7 - IWE ỌNỊNỊ

⁷ Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.

Ịrẹyị Ọzwọzịsa 9:7 ပူးပေါင်းရင်းမြစ်များ

Oyinyima 12:19

Sị ẹ vẹ dị ọ kà a ka ọyịnyara anị yọ? Di ọnị na sị ọ ka ọnị a nyị ọ. Ọ kà ose ewu yị, sị ọ wa na.”

1 Ohinọyị 8:66

Ịrẹma ẹkụhị ịhịmba ụpẹ ọhụva, ịhị ẹ tụ́ ọ ẹkụhị ịhịnta di ohinọyị mẹ̀ aduwa yị aza ẹnẹẹ dị ọ ka ẹ̀ẹ na nị. Ịzẹyịza dị aza ẹnẹẹ si hu aa naa ịnị ajẹngụ ẹnịnị nị. Ẹnịnị aa jẹ, ayị ẹnịnị ee hine agụvị avaba ịsa ozoza ẹnị Ẹnẹyịmavara mẹ yi Idevidi ozi ahụ anị ọnịrị Anisirẹrị ana vị aza anị.

Ịrẹyị Ọzwọzịsa 10:19

Ịsa ọyịrị vị ana ka ọza ọọ rị jẹ ịrajẹ; eche vị ana ka ọza oo hu dị ịnẹ anị ò hine, ama ẹkẹhị a sịị mẹ avaba ẹsẹnị nị.

Ịrẹyị Ọzwọzịsa 11:8

Navọ ọpa ẹkụhị ọnị ọza ọ̀ọ nyị ọ̀ yị mẹ ịnị ẹhẹ oo hine ẹngụ anị ayị, ọ̀ọ daka ku orubo pooro. Ama ọ̀ tamayị ka ẹkụhị iswọọza aa vẹ, ọ vaa gọdọ. Avaba ịsị aa vẹ vị osusu kẹnẹ.

Ịrẹyị Ọzwọzịsa 5:18

Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị.

Ịrẹyị Ọzwọzịsa 7:14

Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ?

Ịrẹyị Ọzwọzịsa 8:15

Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị.

Ịrịka 6:20

Dị ọ kụ̀rà ẹyịza ẹnẹẹ tụ ẹba hi Ẹnẹyịmavara anka ịsa ịsọvọ. Avaba ịsa ẹnẹẹ ẹnịrị uye ịrẹva ọnịrị usi ẹ sị vị Ẹnẹyịmavara yị ohirẹsụ irehi Ohomorihi. Àa maanị sị ọ mẹ, dị aza ana a nyị tụ irenyi aanị nẹngụ hu eche.

Ịmaakị 7:29

Dị Ijeesu kà a yọ ka, “Agụvị ohi ọnị ụ tụ́ aanị, wa nọ eehi, ka ụhwẹ echu ọnọọ ọ sị hụụnị ẹngụ ozi ewu.”

Iruuku 11:41

Sị ịsa ana yà ịnị ako ọnịrị ịsa ana yà ịnị ịchacha awụ nịnị mẹ onosiye nịnị ẹyịza, ịjọnọọ avaba ịsa vaa nịị yị wụ nịnị.

Ịjọọnụ 4:50

Dị Ijeesu kà a yọ ka, “Waa na, ka ozi ewu vaa daahi.” Ọnọrụ ọnọọ ộ dọ ịrẹyị oni Ijeesu kà yọ wụ́, dị aa na nị.

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Iwe Ọhụhị Imosiisi ana aa hị́ Ọyịvatụrọda 12:12

Ụ vaa yà ọvịdị Ẹnẹyịmavara Ohomorihi awụ nịnị, dị ụ waa jẹ ịrajẹ. Ẹwụrị ezi ọnọrụ awụ nịnị ọnịrị anẹẹ. Ẹwụrị ọrịhị awụ nịnị anọrụ ọnịrị anẹẹ, beri Anireevi ana ra ẹkụra awụ nịnị; tamayị nịnị ka Anireevi nịnị ẹ yị nyị ẹtẹ yị ẹngụ ẹnịnị ụvọta.

Iwe Ọhụhị Imosiisi ana aa hị́ Ọyịvatụrọda 12:7

Agada Ẹnẹyịmavara Ohomorihi awụ nịnị ịzọọ, ẹwụrị ovwoovu awụ vaa rị ịsa ọnị ụ sị ụvọta awụ nịnị mẹ, dị ụ waa jị ịrajẹ

Iruutu 3:7

Ịjị Ibowazị sị ịsa rị, dị ọ sị eche hú, dị ayị anị ee hine, dị ọ na sụ pè ịzị a kụ́ ibaari anị gụ tụ́ nị. Dị Iruutu were-were na hụ ịta ahụtara anị, dị ọ hụtẹtẹ tụ́ ahụtara anị nị.