Ịrẹyị Ọzwọzịsa 9:5 - IWE ỌNỊNỊ

⁵ Ịzẹyịza ọza ana yara ọọ yẹ ka ọnị vee su, ama ẹ yị nyị ịsị oku ene wu usu kụkụ yẹ. Ẹ yị nyị ọgụ sẹ kụkụ zụ rị; aza ẹ ma vana kụkụ tamayị ẹnịnị.

Ịrẹyị Ọzwọzịsa 9:5 ပူးပေါင်းရင်းမြစ်များ

2 Ịsamụwẹrị 14:14

Yèe wusu vị ị sị mẹẹ anka enyi ana à và hi ẹtẹ avọọ nị. Ọza ọ yị kụkụ kụ́ ọ varẹma. Ohomorihi ọ mà sị ọza kwooze, ama ọọ̄ mẹ ariro ka aza ana a dụ kwooze, asị ọnị dụ ọ ọza ọnọọ hụrẹ ẹngụ.”

Ijoovu 14:21

Ọza ọnị anị ta ọ́ mā yẹ ịsị enee tu ezi anị, ọ̀ọ vị ụga a vị ụhị.

Ijoovu 30:23

Ọ kà ọnị ọ yẹ ka Ohomorihi aa sị ọnị na yị usu ịzị avaba ọza vaa nọ.

Ahẹ Ụgama 109:15

Ẹnẹyịmavara, waa tamayị ịvị ẹnị ẹ mẹ, dị wa mẹ ka è hi ayị ẹnịnị ịnị ẹhẹ.

Ahẹ Ụgama 6:5

Ọza òo wusu ọ yị kụkụ zụ tamayị awụ. Vị ọza wáá zụ hụụnị ikuta va sị ụgaa wụ nị?

Ahẹ Ụgama 88:13

Ẹnẹyịmavara, ẹwụ m mee nowu hị́ ka ọ̀ gụ mị ụvọ nọ, ẹnẹnẹ vị ọnị maa dá ịpẹẹ wụ.

Ịrẹyị Ọzwọzịsa 1:11

Ọza ẹ ma zụ tamayị avaba ịsị ana mẹ ịyẹẹyẹ, avọọ aza anaa tụra ayịị vẹ ẹnị ẹ̀ yị mẹ rẹ va zụụ tamayị avaba ịsị ọnị yaa mẹ ụhwọọ nị.

Ịrẹyị Ọzwọzịsa 2:16

Ka isu ana sị ọyẹrẹyị ọnị ọọ̄ sị ọnụra nị òo nee kù chee dị ayị ẹnịnị hi.

Ịrẹyị Ọzwọzịsa 7:2

Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su.

Ịrẹyị Ọzwọzịsa 8:10

Ọ kà dị ọnị re ree bẹẹ ka ọza odivi oo su dị e ne e nị. Ọza odivi ọnọnị vị ana nọ ịnị irehi Ohomorihi ụmẹ tụra ụmẹ. Ịjị e sị ọ ne dị ẹ yaa vàa vẹ dị aza e gono o ịnị ẹkụra ọnị ọ ya mẹ̀ ebira odivi anị nị. Dị ọnị ka ọsọnị rẹ vị osusu bẹẹ.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ịrẹyị Ọzwọzịsa 9:4

Ọza ana yara ọọ nyị ọyịtura eyi nị, agụvị ka irezi ana yara ọ dahi huni idu ene wu usu nị.

Ayịsaya 26:14

Ama booro aanị ẹnịnị ê wusu. Ẹẹnịnị ộ ta, ẹ mā vana kwẹẹtẹ. Wa raà sị ụya rị wa, dị ụ và wa nẹtẹ nị. Wa raà mẹ ka asị a kụkụ tamayị ẹnịnị

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Iruuku 20:32

Ọdịrẹma anị, dị ọnẹẹ ọnọọ oni re sú nị.

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.