Ịrẹyị Ọzwọzịsa 9:2 - IWE ỌNỊNỊ

² Ịsị ọnyọọnya ọ vaa za ẹhẹ avaba ọza ẹtẹ nị. Ẹ yị nyị ọba irenyi yị ọnịrẹyịzẹyịza ọnịrị ọza odivi, ọza ọyịza ọnịrị ọza ọhịmị, ọza ọnịnị ọnịrị ọnịdọtị, ọza anaa mẹ ahẹkẹ ọnịrị ọza ẹnẹ ẹ yị mẹ ahẹkẹ. Ọ mẹ ya yị ọza ọyịza, avọọ ọ mẹ ya ọza odivi nị. Ọ mẹ ya yị aza ana hị́ eku, avọọ ọ mẹ ya yị aza ẹnẹ ẹ yị nyayịnẹ hị́ eku nị.

Ịrẹyị Ọzwọzịsa 9:2 ပူးပေါင်းရင်းမြစ်များ

Oyinyima 24:3

dị ò sị Ẹnẹyịmavara Ohomorihi ana mẹ ẹbẹẹba ọnịrị ẹhẹ hị́ eku yị ọnị. Ọ kà ọ̀ hị́ eku ka ọnị ẹ yị vaa nyị ezi Anikenaani ịzị ọnị yà aanị yi ozi anị, ka ọ̀ vi ose anị.

Ijoovu 9:22

Ịngọ ọnyọọnya ọ sị ọza ana rị ịhị ọnịrị ọza ana rị ịvị nị. Ohomorihi vene vu avaba ẹnịnị ẹtẹ.

Ahẹ Ụgama 73:3

Ịjị mi re ẹhẹ aza ana aa mẹ̀ ebira odivi mee zoza, dị ẹ yaa mẹ eyi tụ ọ ộ va mị; ẹmị rẹ ka àa yẹ ahịka ẹma vavọọ yà nị.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ịrẹyị Ọzwọzịsa 3:19

Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu.

Ịrẹyị Ọzwọzịsa 6:6

Ọza ọnọọ ọ zụ ku orubo ẹtẹẹrẹ ama dị ẹ yị rẹ va sị ogu ọnị ọ nyị mẹ ayohine ịnị ẹhẹ. Aanị ka ẹ yị vị aha ọnyọọnya ọnịrị ozi ene su dị a vaa ma a aa nọ?

Ịrẹyị Ọzwọzịsa 7:18

Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị.

Ịrẹyị Ọzwọzịsa 7:2

Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su.

Ịrẹyị Ọzwọzịsa 9:11

Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ.

Ịrẹyị Ọzwọzịsa 9:3

Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su.

Ijeremaya 43:6

Ijeremaya ka, ệ kụ́ anọrụ nịnị, anyẹnẹẹ nịnị, ọnịrị ezi anẹẹ ohinọyị. Avaba aza ọnị Inebuzaradani, ọdọvịdị isoja enee sere ohinọyị hụrị ụvọ hi ẹtẹ beri Igidarịya vị ẹnị ẹ́ kụ. Ọ kà, ọnị nyẹmba vị ẹnị ẹ sị beri Ibaruki ozi Ineraya bẹẹ.

Ịmarakayị 3:15

Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.

Ịmarakayị 3:18

Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

1 Ịsamụwẹrị 14:26

Aza ẹnẹẹ mẹ̀ vavọọ ngụ iriku, di e ne tù ka ẹhụ ee sì, ama ẹ yị nyị ọza ana nyayịnẹ sị igege da a re agụvị ka ê hí angwa ịrẹyị ọnị Ịsọọrụ kà.