Ịrẹyị Ọzwọzịsa 9:12 - IWE ỌNỊNỊ

¹² Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.

Ịrẹyị Ọzwọzịsa 9:12 ပူးပေါင်းရင်းမြစ်များ

Ahẹ Ụgama 11:6

Ẹnẹyịmavara vị ana vaa zụ̀ orihi ịrịịra hi aza edivi ịrẹsụ Ịra ana a sị ohuru kà ọnịrị ahị ịrịịra ọ vaa vẹ ịrẹsụ aza edivi nị.

Ụhịrẹyị 24:22

Asigiri ọ zụ tu wa obonobono. Ẹnẹ yẹ ẹngụ asigiri ọnị Ohomorihi a vị ohinọyị vaa kụ́ tu wa.

Ụhịrẹyị 29:6

Ụvọ vee ku ọza odivi anaa mẹ̀ ịrẹyị ọhịmị anka ịrẹpa mẹẹ̄ za uye avọọ, ama ọza anaa mẹ̀ ịzẹyịza vị ana va ha, dị a jẹ ịrajẹ.

Ụhịrẹyị 6:15

avọọ, odivi vị ana sụ wa avaavo, dị ẹ yị zụ ha.

Ịrẹyị Ọzwọzịsa 3:19

Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu.

Ịrẹyị Ọzwọzịsa 8:11

Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị.

Ịrẹyị Ọzwọzịsa 8:8

Ẹ yị nyị ọza ana zụ za ụhwẹ anị jẹẹ isu ọọ vẹ, dị ẹ̀ yị rẹ nyị ọza ana zụ vara ẹkụhị isu anị nị. Ịrẹkụ ọnị ọza ọnyọọnyị ẹ yị zụ ha hụụnị anị ọ vị ọnọọ nị. Ebira odivi ọnị ọza aa mẹ̀ ẹ yị zụ dọ ọ ha isu ọọ vẹ.

Ịrẹyị Ọzwọzịsa 9:13

Ọzwọzịsa ka ọnị ô re ịrẹyọyẹ ọsa ịnị ẹhẹ ọnọnị ana wụ rị ọza kọsẹ. Oo zee ọnị eyi ẹtẹẹtẹrẹ.

Ayịsaya 24:18

Ọza ana àa ka ọnị ò zwe hụụnị ịrẹyị, di o ne na ngụ ụsị. Ọza ana àa tụ̀ hụụnị ụsị, dị ọ na ngụ ịrẹpa. Orihi ọbanyị vaa zụ̀ dị avaba ẹhẹ henyi.

Ayịsaya 30:13

Ebira odivi ọnọọ vị ana vaa mẹ wụ nịnị anka ọvọ ana nẹba di o si chaka gẹnẹ avọọ. Ịsọnị-ịsọnị di o wu và hi ẹtẹ wuuru kẹnẹ nị.

Ezikẹẹrị 32:3

Ịjị anẹkụra-ẹkụra ẹ̀ẹ kụ gụ, ọnị vaa za a tụ ịnị ọha anị, dị ọnị mẹ ka è tura ọha ọnọọ tụ ẹhẹ.

Ihoseya 7:12

Ẹnẹyịmavara kà ọnị vaa za wa anka ịrẹpa mẹẹ za inomi ịnị ahị avọọ. Ọnị vaa sị ụya rị wa anka enube ẹnịnị ana kà ịnị ịragụ.

Ihoseya 9:8

Ihoseya kà ọnịsẹ ọnị Ohomorihi tụ ka o sere Anisirẹrị ọnị vị nị. Ama aha tụra aha ọnị ọọ nọ vị ẹnẹ ẹ va ịrẹpa zi ọnị anka inomi avọọ. Ẹnịnị vị ana nyẹngụrẹyị hi ọnị huu na ngụ ịnị irehi Ohomorihi.

Iruuku 12:20

Ama di Ohomorihi va kà a yọ ka: ‘Ẹwụ ọnụra ọnọnị, ịrahụ ajịnị aa dọ wụ ụhwẹ nọ! Avaba ịsa ọnị ụ kụ́ gụ yị ẹngụ aanị, ẹnẹ kụkụ vaa nyị?’

Iruuku 12:39

Dị ụ wa yẹ nịnị ka adarehi ọ̀ọ yẹ ụmẹ oni oyi vaa sị vẹ, vị ọ yaanị ee sere ẹtẹ nị, dị ọ yị zẹẹ ka oyi ọ̀ chaka ọnị irehi.

2 Anịkọrịntị 6:2

agụvị ka Ohomorihi ộ kà a ka: Ọnị ộ wụ́ ịpẹ awụ nịnị ịnị ụmẹ ene zé oni eyi; Ọnị ọ́ rẹ gụ wụ nịnị ụvọ ịnị ẹkụhị ẹdọha. Re, ọyaanị ọ vị ụmẹ ene zé Ohomorihi eyi nị; ọyaanị ọ vị ẹkụhị ọ vị ẹkụhị ọnị ọ zụ sị dọ wụ nịnị há nị.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

2 Itimoti 2:26

Ịjọnọọ dị eyi ẹnịnị si hweyi, dị ẹ sị tụ̀ hụụnị ịrẹpa Echu ana sị wa za ka ẹ̀ẹ mẹ̀ ịsa oni oni sì.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

2Ipita 2:12

Aza ẹnẹnị vị ana ya anka ịsụpa obooro avọọ ana a mẹ ka àa wụ. Ịsị ẹnịnị ẹ yị yẹ ini oze anị, dị ẹyaa kà odivii hi ọ. Vị ẹnịnị vee vú ẹtẹ kẹnẹẹ tụ́ ini ebira odivi ẹnịnị nị.