Ịrẹyị Ọzwọzịsa 9:1 - IWE ỌNỊNỊ

¹ Ọzwọzịsa ka ọnị ô ro avaba ịrẹyị ọnọnị, dị ọnị zama wa re nị. Ọnị ô re ka ọza ọyịza ọnịrị ọyẹrẹyị beri avaba ụkọrọ ẹnịnị vị ana ya ịnị ụvọ Ohomorihi. Ẹ yị nyị ọza ana yẹ ịsa ana vẹ ụhwọọ. À vị e vee sì ịrẹyị anị nị o, a vị ka vị a vaa nyị ịhyẹrẹ anị nị. Avaba ịsa vị osusu eyi ẹyị ọza.

Ịrẹyị Ọzwọzịsa 9:1 ပူးပေါင်းရင်းမြစ်များ

Ijoovu 12:10

Ẹhẹ ọzọza vana ya ịnị ụvọ Ohomorihi.

Ijoovu 27:12

Avaba awụ nịnị ụvọta ọ sị o re: Sị ẹ vẹ dị ụ kụkụ maanị vaa yịị kà kẹnẹ-kẹnẹ nịnịị?

Ijoovu 5:8

Erihwazi ka ọnị ọ̀ọ vị Ijoovu, ọnị aa ka Ohomorihi na, dị ọnị sị ịrẹyị anị chire Ohomorihi ụvọ nị.

Ahẹ Ụgama 10:14

Ohomorihi, wee re aza ana aa rị ụya di e hi ịnị ẹngụkata Mâ yẹ ka ụ vaa gụ wa ụvọ Ọnụyọrị nịnị vị ana sị ẹngụ ẹnịnị chire wụ ụvọ Ẹwụ a gụ ezi-oku nịnị ụvọ nị.

Ahẹ Ụgama 119:109

Ụmẹ tụra ụmẹ mịị sịị sị ịrẹsụụ tụ isu nị, ama me yi ree hí ayị ọda ọnị ụ mẹ.

Ahẹ Ụgama 31:5

Mâ sị ẹngụ amị ve chire wụ ụvọ, ẹwụ Ẹnẹyịmavara Ohomorihi mâ yẹ ka ịzẹyịza ụụ̄ mẹ nị.

Ahẹ Ụgama 73:3

Ịjị mi re ẹhẹ aza ana aa mẹ̀ ebira odivi mee zoza, dị ẹ yaa mẹ eyi tụ ọ ộ va mị; ẹmị rẹ ka àa yẹ ahịka ẹma vavọọ yà nị.

Ụhịrẹyị 16:3

Sị ịsị wàa mẹ̀ chire Ẹnẹyịmavara ụvọ, dị ọ zụ vị mẹ̀.

Ịrẹyị Ọzwọzịsa 1:17

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.

Ịrẹyị Ọzwọzịsa 10:14

Ọnụra vị anaā kụ ịrẹka tuturutu kẹnẹ. Ẹ yị nyị ọza ana yẹ ịsị aa vẹ ẹnẹ zụ ka yọ ịsị ẹ vaa mẹ ịrẹma anị kẹ?

Ịrẹyị Ọzwọzịsa 7:15

Ọzwọzịsa ka, ịnị ẹhẹ ọnị ọnị vẹ ana ahịka osusu kẹnẹ ọ vị aanị nị, ọnị ọ sị ịsavị-ịsavị re: Ọnịzẹyịza ee su tụ ịnị ịzẹyịza nị, dị aza edivi ee ku orubo tụ ịnị udivi ẹnịnị nị.

Ịrẹyị Ọzwọzịsa 7:25

Ọzwọzịsa ka ọnị ộ sị avaba ẹhẹ anị sị iruvo ka ọnị ọ̀ yẹ iruvo ịsa ọrụrụ-ọrụrụ nị. Ọnị ọ sị yẹ ka ọza anaa chamayị dị aa mẹ̀ ebira kẹnẹ-kẹnẹ vị ọnụra.

Ịrẹyị Ọzwọzịsa 8:14

Ịsị ọsa ana raa mẹ ịnị ẹhẹ ana mẹ ka ẹhẹ ọnọnị ọ vị osusu ọ vị ka: ọza ọyịza ọnị ịrẹyị ee tù anka ọza odivi avọọ, ọnịrị ọza odivi ana rị aha anka ọza ọyịza avọọ. Dị ọnị ka, ọnọnị bẹẹ rẹ vị osusu.

Ịrẹyị Ọzwọzịsa 8:16

Ọzwọzịsa ka, ịjị ọnị ee si ka ọnị ọ̀ yẹ ịrẹyị, dị ọnị tangwa ee re avaba ịsị aa na ịnị ẹhẹ nị. Ọnị oo re ka ọza ọ zụ jị areyi ọọdụ ọnịrị ịrahụ,

Ịrẹyị Ọzwọzịsa 8:7

Ẹ yị nyị ọza ayị ana ka ọnị ọọ yẹ ịsị aa vẹ ụhwọọ, dị ẹ yị rẹ nyị ọza ana zụ ka ẹ yị nị.

Ịrẹyị Ọzwọzịsa 9:6

Aza ene wu usu ẹnịrị ịrẹyị ọza oyisì ẹnịnị, ọyị nyị ịhyẹrẹ ọza ẹnịnị beri ụhị ọyị kụ ẹnịnị e su nị. Ẹnịnị ẹ ma vana bẹ ụvọ tụ ịnị ịsị anaa na ịnị ẹhẹ pàá.

Ayịsaya 26:12

Ẹnẹyịmavara, ẹwụ vaa sị ẹngwọọrọ yị ẹyị. Yâ yẹ ka avaba ịsa ọnịị mẹ, ẹwa mẹ̀ ẹ yị nị.

Ijeremaya 43:6

Ijeremaya ka, ệ kụ́ anọrụ nịnị, anyẹnẹẹ nịnị, ọnịrị ezi anẹẹ ohinọyị. Avaba aza ọnị Inebuzaradani, ọdọvịdị isoja enee sere ohinọyị hụrị ụvọ hi ẹtẹ beri Igidarịya vị ẹnị ẹ́ kụ. Ọ kà, ọnị nyẹmba vị ẹnị ẹ sị beri Ibaruki ozi Ineraya bẹẹ.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

1 Ịsamụwẹrị 2:9

Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.