Ịrẹyị Ọzwọzịsa 8:8 - IWE ỌNỊNỊ

⁸ Ẹ yị nyị ọza ana zụ za ụhwẹ anị jẹẹ isu ọọ vẹ, dị ẹ̀ yị rẹ nyị ọza ana zụ vara ẹkụhị isu anị nị. Ịrẹkụ ọnị ọza ọnyọọnyị ẹ yị zụ ha hụụnị anị ọ vị ọnọọ nị. Ebira odivi ọnị ọza aa mẹ̀ ẹ yị zụ dọ ọ ha isu ọọ vẹ.

Ịrẹyị Ọzwọzịsa 8:8 ပူးပေါင်းရင်းမြစ်များ

2 Ịsamụwẹrị 14:14

Yèe wusu vị ị sị mẹẹ anka enyi ana à và hi ẹtẹ avọọ nị. Ọza ọ yị kụkụ kụ́ ọ varẹma. Ohomorihi ọ mà sị ọza kwooze, ama ọọ̄ mẹ ariro ka aza ana a dụ kwooze, asị ọnị dụ ọ ọza ọnọọ hụrẹ ẹngụ.”

2 Ohinọyị 7:15

Aza ẹnẹnị ệ na huuu na ngụ Ijodani. Ẹ maa na oze, dị e re ịta ọnịrị ẹnya ọnị Anisiriya nịnị va ha ẹnịnị mee zwè nị. Dị ẹnịnị vavẹ, dị ẹ va kà ụtụ yị ohinọyị nị.

Ijoovu 14:5

Avaba ẹkụhị ẹhẹ ọza vị ọnị Ohomorihi mẹ eto anị tịtẹ. Ọ yẹ ụhwẹ anị ya. Ịhị ẹkụhị ọọ gụ ẹ yị nyị ka ọ vara.

Ijoovu 34:14

Ohomorihi ọ̀ọ dọ ụhwẹ anị varẹma, avaba ayị vị ene su, dị ẹ varẹma nọ ịnị eteesu.

Ahẹ Ụgama 89:48

Ẹ̀nị ẹ ka ọnị mẹ̀ vẹ ẹhẹ anị o yi vee sú? Mị ka ẹnị ẹ ka ọnị ọ yị vaa nọ ini ikuta?

Ahẹ Ụgama 9:17

Avaba aza edivi ene hi ayị Ohomorihi vi ene vee súu vaa ha.

Ụhịrẹyị 12:3

Ebira odivi ọ mā zẹẹ ka ọza ọ nyị ahụ hi ẹtẹ ama ọnịzẹyịza vị anaā jẹẹ geri-geri.

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ịrẹyị Ọzwọzịsa 3:21

Ẹnẹ ka ọnị ọọ yẹ, aa vị ụhwẹ ọza vaa và hịrẹ nọ ẹbẹẹba, dị ụhwẹ ịsụpa ọnị aa vàa chi nọ ịnị eteesu nị?

Ịrẹyị Ọzwọzịsa 8:13

Ama ẹ yị vee zozaa yị aza edivi nịnị agụvị ka ẹnịnị ẹ yị sị ụbanyị yị Ohomorihi. Ẹhẹ ẹnịnị vị ana sị mẹ anka ụmọmọ avọọ. Ẹnịnị ẹ yị vaa ra gọdọ.

Ịrẹyị Ọzwọzịsa 9:12

Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.

Ayịsaya 28:15

A vi wee wo oto nịnị ka ewuri iswọọza ọ sị eku hị́ yị ẹngụ nịnịị? Ụ ka ịrẹyị ọnịrị ikuta ọ sị jẹẹ nịnị. Wee ro o ka ịrẹyị odivi ọ̀ọ vẹ, o yi kuku vee tù wu nịnị agụvị ka wa raà si ireche jị ọvọ gu ẹngụ hi nịnị. Ireche ụ sị mẹ ịzị ụ na tẹ̀ tụ́ nị.

Ayịsaya 28:18

Eku ẹnị ẹwụrị iswọọza hị́ yị ẹngụ vị ana vaa vi osusu. Ịrẹyị ẹwụrị ikuta oni u ro ka ọ sị jẹẹ vị ana vaa tụ́ ahịị ha. Ịjị ịrẹyị odivi ọ̀ọ vẹ, vi o vee hú wu ẹtẹ nị.

Ayịsaya 47:10

Waa chamayị, di u ro ka ẹ yị nyị ịsị ẹ vaa vẹ nị. Wê ro o ka ẹ yị nyị ọza ene zụ re wu. Ịrẹyọyẹ awụ ọnịrị ịsa ọnị ụ yẹ, ẹ raà sị wụ nyeeyi. Wâ kà a ịnị ayị awụ ka, “Ẹmịị yọ, ẹ yị nyị ọza ẹnẹsa ịrẹma amị”.

1 Anịkọrịntị 15:43

Oku ene e ne ne, ọ yị nyị ụbanyị, dị ẹ̀ yị rẹ nyị ụkata nị. Ama ịhị ọ̀ọ sị ha, ọ vaa nyị ụbanyị, dị ọ rẹ nyị ụkata.

2 Anịkọrịntị 13:4

Ịzẹyịza ọ́ dọ ka ọnị vị ọkụmị dị à kanyị ọnị za ọchị apavahị; ama ini oze ụkata Ohomorihi ọ kụkụ yára nị. Ẹyị ọnị ọnịrịị sị vị ọnya rẹ vị ọkụmị ịzẹyịza, ama ịnị uze ọnị ẹyịrị ẹwụ nịnị aà mẹ, u vee re ka ẹyịrị Ikirisiti ộ yàra ini oze ụkata Ohomorihi.

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.