Ịrẹyị Ọzwọzịsa 8:7 - IWE ỌNỊNỊ

⁷ Ẹ yị nyị ọza ayị ana ka ọnị ọọ yẹ ịsị aa vẹ ụhwọọ, dị ẹ yị rẹ nyị ọza ana zụ ka ẹ yị nị.

Ịrẹyị Ọzwọzịsa 8:7 ပူးပေါင်းရင်းမြစ်များ

Ẹsịta 5:12

Dị ọ rẹ ka ẹ yị vị ọnọọ kẹnẹ, ọnị ịnyara kẹnẹ Ẹsịta ose ohinọyị hị́ ka ọ̀ saasa ọva anị va rị ịsa ịda anị nị. Ọ rẹ ka ộ hị́ ọnị ka ọnị ọ̀ saasa ohinọyị va rị ịsa ụhwọọ.

Ụhịrẹyị 24:22

Asigiri ọ zụ tu wa obonobono. Ẹnẹ yẹ ẹngụ asigiri ọnị Ohomorihi a vị ohinọyị vaa kụ́ tu wa.

Ụhịrẹyị 27:1

Asị ọza wo oto ịrẹyị ụhwọọ agụvị ka ọza ọ yị yẹ eyi ana vaa nị.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ịrẹyị Ọzwọzịsa 10:14

Ọnụra vị anaā kụ ịrẹka tuturutu kẹnẹ. Ẹ yị nyị ọza ana yẹ ịsị aa vẹ ẹnẹ zụ ka yọ ịsị ẹ vaa mẹ ịrẹma anị kẹ?

Ịrẹyị Ọzwọzịsa 3:22

Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.

Ịrẹyị Ọzwọzịsa 6:12

Ẹnẹ ka ọnị ọọ yẹ ịsị e rere ọza hu ịnị ụmẹ chee ọnị ọ nyị ọyị mẹ ịnị ẹhẹ osusu ọnọnị? Ẹhẹ vị anaa para hu anka ụmọmọ́ avọọ. Ẹnẹ nyẹngụ ka a ịsị ẹ vaa mẹ ịrẹma ọza, ọọ sị hụụnị ẹhẹ kẹ?

Ịrẹyị Ọzwọzịsa 7:14

Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ?

Ịrẹyị Ọzwọzịsa 9:1

Ọzwọzịsa ka ọnị ô ro avaba ịrẹyị ọnọnị, dị ọnị zama wa re nị. Ọnị ô re ka ọza ọyịza ọnịrị ọyẹrẹyị beri avaba ụkọrọ ẹnịnị vị ana ya ịnị ụvọ Ohomorihi. Ẹ yị nyị ọza ana yẹ ịsa ana vẹ ụhwọọ. À vị e vee sì ịrẹyị anị nị o, a vị ka vị a vaa nyị ịhyẹrẹ anị nị. Avaba ịsa vị osusu eyi ẹyị ọza.

Ịrẹyị Ọzwọzịsa 9:12

Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.

Imatiwu 24:44

Agụvị avọọ ẹwụ nịnị ọ̀ rẹ vavọọ zị́, agụvị ka Ozi ọza onigirima vị ana vaa vẹ ịnị ụmẹ oni wè yi ro nịnị.

Imatiwu 24:50

dị ọga ozi ahụ ọnọọ vana vẹ kẹnẹ, ẹkụhị ọnya oni ò yi zí ọ eyi, ọnịrị ịnị ụmẹ ọnị ọ̀ yị yẹ.