Ịrẹyị Ọzwọzịsa 8:16 - IWE ỌNỊNỊ

¹⁶ Ọzwọzịsa ka, ịjị ọnị ee si ka ọnị ọ̀ yẹ ịrẹyị, dị ọnị tangwa ee re avaba ịsị aa na ịnị ẹhẹ nị. Ọnị oo re ka ọza ọ zụ jị areyi ọọdụ ọnịrị ịrahụ,

Ịrẹyị Ọzwọzịsa 8:16 ပူးပေါင်းရင်းမြစ်များ

Oyinyima 31:40

Ọ kà Ọọdụ vị ọnị ọyị aa rị ọnị, di ahị aa za ọnị ịrahụ, dị ọnị ọ yị zụ sụ ara.

Ahẹ Ụgama 127:2

Ọza ọ nyẹngụ hara ẹnẹnẹ viri-viri dị ọ mẹ̀ ụkọrọ pooro, o yi jintu sụ, ka ọnị ọ̀ rị rị ịsa kẹnẹ. Ụya kẹnẹ aa sịị rị ẹngụ anị nị. Aza ẹnị Ẹnẹyịmavara sì ịrẹyị anị vị ọnị ọọ̄ sị ịsọyịrịị yị ẹ̀ẹ daka aa sụ ara.

Ịrẹyị Ọzwọzịsa 1:13

Ọnị ộ sị ụmẹ tịtẹ ọyịkọsẹ ịrẹyọyẹ, dị ọnị sị ịrẹyọyẹ zama avaba ịsị azaa mẹ ịnị ẹhẹ re nị. Dị ọnị ne tu ka ụya kẹnẹ Ohomorihi kụ aza hi ịnị anị ịnị ẹhẹ nị.

Ịrẹyị Ọzwọzịsa 1:14

Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị.

Ịrẹyị Ọzwọzịsa 1:17

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.

Ịrẹyị Ọzwọzịsa 2:23

Ọ ka ụkọrọ ọnị ọza sị avaba ẹhẹ anị mẹ vị ẹngụkata ọnịrị ayodu yọ. Ịrahụ bẹẹ ẹ yị zụ sụ̀ ara, ọsọnị rẹ vị osusu.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 5:12

Aza anaa sị ẹhị ẹngụ ẹnịnị mẹ̀ ụkọrọ vị anaa sụ ara ohine ẹẹ rị ịsa baaba ẹẹ daka rị chee ama ogu ọza ọbanyị vị anaa jị ọ areyi dị ẹ yị zụ sụ ara.

Ịrẹyị Ọzwọzịsa 7:25

Ọzwọzịsa ka ọnị ộ sị avaba ẹhẹ anị sị iruvo ka ọnị ọ̀ yẹ iruvo ịsa ọrụrụ-ọrụrụ nị. Ọnị ọ sị yẹ ka ọza anaa chamayị dị aa mẹ̀ ebira kẹnẹ-kẹnẹ vị ọnụra.

Ịrẹyị Ọzwọzịsa 8:7

Ẹ yị nyị ọza ayị ana ka ọnị ọọ yẹ ịsị aa vẹ ụhwọọ, dị ẹ yị rẹ nyị ọza ana zụ ka ẹ yị nị.

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.