Ịrẹyị Ọzwọzịsa 8:10 - IWE ỌNỊNỊ

¹⁰ Ọ kà dị ọnị re ree bẹẹ ka ọza odivi oo su dị e ne e nị. Ọza odivi ọnọnị vị ana nọ ịnị irehi Ohomorihi ụmẹ tụra ụmẹ. Ịjị e sị ọ ne dị ẹ yaa vàa vẹ dị aza e gono o ịnị ẹkụra ọnị ọ ya mẹ̀ ebira odivi anị nị. Dị ọnị ka ọsọnị rẹ vị osusu bẹẹ.

Ịrẹyị Ọzwọzịsa 8:10 ပူးပေါင်းရင်းမြစ်များ

Ịrẹyị Ọzwọzịsa 9:5

Ịzẹyịza ọza ana yara ọọ yẹ ka ọnị vee su, ama ẹ yị nyị ịsị oku ene wu usu kụkụ yẹ. Ẹ yị nyị ọgụ sẹ kụkụ zụ rị; aza ẹ ma vana kụkụ tamayị ẹnịnị.

Ịrẹyị Ọzwọzịsa 2:16

Ka isu ana sị ọyẹrẹyị ọnị ọọ̄ sị ọnụra nị òo nee kù chee dị ayị ẹnịnị hi.

Ụhịrẹyị 10:7

Ịrẹkụkụ ọza ọyịza ọ mē vu ama ọza odivi ẹ yị nyị ọyịza ana aa sị tamayị anị.

Anihiburu 10:38

“Aza anị ana àa vị ọnịzẹyịza vaa yàra, agụvị ka ẹ́ẹ sị ayị tụra ọnị. Ama àa nyị ọza ana kà nọ ịrẹma, ayị anị o yi vee hinee tù ọọ.”

Odeyi 6:13

Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị.

Iruuku 16:22

Ẹkụhị ọnya, dị ọpịsarị ọnọọ wusu nị. Dị anggẹẹrị nịnị sị ọọ na yaayịtẹ pe Abụrahamị nị. Dị ọnyẹkẹhị ọnọọ oni re sú, di e ne e nị.

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Ịrẹyị Ọzwọzịsa 1:11

Ọza ẹ ma zụ tamayị avaba ịsị ana mẹ ịyẹẹyẹ, avọọ aza anaa tụra ayịị vẹ ẹnị ẹ̀ yị mẹ rẹ va zụụ tamayị avaba ịsị ọnị yaa mẹ ụhwọọ nị.

Ahẹ Ụgama 31:12

Ayị amị ô hi avaba aza Mị kụkụ sị mẹẹ Anaka ọza ene wusu avọọ nị Mị ka mị kụkụ yà anka ịsa ana a ka è ne nē ta ini eyi ẹnịnị nị.

Ijoovu 21:18

Ohomorihi ẹ sị ahị kụ wa anka azịịzẹ, a vị anka opomi mẹẹ kụ edudu avọọ.

Ịrẹyị Ọzwọzịsa 9:15

Ama â nyị onosiye ọnya aanị ana ya ịnị ẹkụra ọnọọ, ọyẹrẹyị ọ vị nị. Dị ọ sị ịrẹyọyẹ dọ ẹkụra ọnọọ ha nị. Ama ẹ yị nyị ọza ana tamayị anị.