Ịrẹyị Ọzwọzịsa 8:1 - IWE ỌNỊNỊ

¹ Ẹnẹ ya anka ọyẹrẹyị kẹ? Ẹnẹ yara mẹ ẹhahi ịrẹyị da? Ịrẹyọyẹ vị anaā sịị eyi ọzaa nẹtẹ. Ẹ́ ma zẹẹ ka ọza ọọ vara eyi hì.

Ịrẹyị Ọzwọzịsa 8:1 ပူးပေါင်းရင်းမြစ်များ

Oyinyima 40:8

Dị ẹ ka ẹnị ệ ra ụra, ẹnị ẹ yi re ọza kà iruvo anị yị ẹnị. Di Ijosẹẹhụ kà Ohomorihi kẹnẹ oō yẹ iruvo ụra nị. Ẹ kà ụra ẹnị ẹnịnị ra yị ọnị.

Ijoovu 33:23

Ama àa nyị ọnya ịnị ẹnị anggẹẹrị akahị ana va dọ ụyụvọ anị, dị ọ̀ kà a ka ọ yị rị ịvị,

Ọyịkụra 34:35

dị ẹnịnị re ka eyirẹsụ anị aa za. Di Imosiisi rẹ và ubobo anị kú eyi pooro dị ọ̀ va varẹma ne pe Ẹnẹyịmavara kà ịrẹyị.

Ụhịrẹyị 1:6

ọ̀ọ yẹ ụhịrẹyị, dị ọ yara swẹ ụhị, dị ọ rẹ yẹ aa sị ịrẹyị ana hị́ ọsa nị, ọnịrị dị ọ yẹ a mẹẹ che ebira nị.

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.

Ụhịrẹyị 17:24

Ọyẹrẹyị vị anaā dụ ịrẹyọyẹ, ama ọza ọ ma yẹ ịsị ọnụra a dụ.

Ụhịrẹyị 21:29

Ọza odivi vana mẹ̀ eyidaku ama ọnịzẹyịza ọ yị jị ẹngụ anị ịrẹka.

Ụhịrẹyị 24:5

Ọyẹrẹyọyẹ ọ nyị ụkata huna ọnụkata nị. Ịrẹyọyẹ o huna ụkata ọchẹngụ nị.

Ịdanịyẹrị 2:22

Ọnị ọọ̄ sị ịsa ana tẹ̀ aha ana nyịnẹẹ zụ nị; ộ yẹ avaba ịsa ana tẹ aha ene hozi, ọnị ụvọta vị ana ya ịnị ẹtohweyi.

Ịdanịyẹrị 2:47

Dị ohinọyị kà a yị Ịdanịyẹrị ka, ịzẹyịza, Ohomorihi Ịdanịyẹrị o huna avaba ori nịnị nị, dị ọ rẹ nyị avaba ohinọyị nịnị nị. Ọ kà, ọnị ọọ̄ sị ịsa ana tẹẹ zụ aza nị. Ohomorihi ọnọọ ọ mẹ ka ọ̀ zụ ka ẹ yị ọnị ụra ọnị ọnị rá nị.

Imatiwu 17:2

Dị a vara Ijeesu ẹngụ éyi ẹnịnị nị. Dị eyi Ijeesu aa za nyanga-nyanga anka ọyị avọọ nị. Dị awuru anị aa vwẹtẹ sẹnẹ-sẹnẹ kẹnẹ nị.

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 4:29

Ananyị yị, wee re, e mèe chire yi angwa. Aarịhịnị, sị ọtụtụrụma yị ezi ahụ awụ ẹtẹẹtẹrẹ ka ẹ̀ zụụ kà ịrẹyị awụ!

Odeyi 6:15

Dị avaba aza ana yaayịtẹ ini ikootu ee re Isitivini goro-goro nị. Di e re ka eyi anị aa zẹtẹ anka eyi anggẹẹrị avọọ nị.

Aniroomi 13:5

Agụvị avọọ, â nyị ka wa ká ịrẹsụ hi yị aza ana nyị ọda nịnị, ayị vị agụvị ka Ohomorihi va kụ́ ayị kẹnẹ, ama agụvị ivehu awụ nịnị.

Anẹhwẹsọsị 6:19

Wa rẹẹ mẹ̀ aduwaa yị ẹmị nịnị bẹẹ ka, Ohomorihi ọ̀ sị ịrẹyị tụ́ mị irenu, dị ma zụụ sị ọtụtụrụma kà ịrẹyị, dị ma zụ sị zụ̀ aza ịrẹyị enube ọyịza ene eyi aza ọ̀yị há tù.

Iwe Ọhụhị Imosiisi ana aa hị́ Ọyịvatụrọda 28:50

Aza edivi hangụ-hangụ anẹkụra ẹnẹẹ vị nị. Ẹnịnị ẹ yị vaa sị ụbanyịị yị azọkụ; ẹnịnị ẹ yị vaa vayịị yị ezweyi.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

2Ipita 1:20

Ịsị mee sì ka ma kà wụ nịnị ẹtẹẹtẹrẹ yị: Tamayị ka ẹ́ yị nyị ịsẹ ini Iwe Ohomorihi ọnị ọza zụ sị ịrẹyọyẹ ẹngụ anị kà iruvo anị;