Ịrẹyị Ọzwọzịsa 7:9 - IWE ỌNỊNỊ

⁹ Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.

Ịrẹyị Ọzwọzịsa 7:9 ပူးပေါင်းရင်းမြစ်များ

Oyinyima 4:8

Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

2 Ịsamụwẹrị 13:22

Hụrẹ ịhị ọnọọ Abịsarọmị ọ yị vana kà ịrẹyị kanyị Amịnọnị, ọ̀ọ vị ọyịza ọ̀ọ vị odivi, agụvị ka Abịsarọmị ộ nyị ịhyẹrẹ Amịnọnị agụvị ebira ụhị ọnị ọ mẹ nyị Ịtama ọhụva anị.

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

2 Ịsamụwẹrị 13:32

Di Ijonadabị ozi Isimịya ana vị ọyịnyara Idevidi va ka, “Taarụ! Asị u ro ka avaba ezi ewu a wụ̀ nị oo! Amịnọnị kẹnẹ o sú nị. Amịnọnị mẹ̀ hụrẹ na sị ụkata za Ịtama ọhụva Abịsarọmị dị o pè e sụ, hụrẹ ụmẹ ọnọọ Abịsarọmị hụrẹ nyị ọ tụ́ ịnị ayị ka ọnị vaa wụ̀ Amịnọnị nị.”

2 Ịsamụwẹrị 19:43

Di Anisirẹrị tụ́ Anijuda ohi dị ẹ ka, “Ya zụ kà a tù oze ẹẹwụ ẹnị ẹyịrị Idevidi ohinọyị zị gụrị ẹngụ huna wụ nịnị. Sị ẹ vẹ dị wụ maanị sị eyi wụ yị nịnị? Wáá yẹ ka ẹyị a va na vịdị kà a ka à na sị ohinọyị vavẹ eehi nị?” Dị ahịka Anijuda nịnị ẹ yaa kà geri-geri huna Anisirẹrị nịnị nị.

Ụhịrẹyị 14:17

Ọza anaā kụ ayị baaba vị ana a mẹ̀ ụra ama ọnịrẹyọyẹ vị ana vayị nẹtẹ.

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Ụhịrẹyị 16:32

Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị.

Ụhịrẹyị 25:8

Asị ọza ha eyi sị ịrẹyị nọ ikootu, onivenu ọ̀ọ na kụ ịrẹka za wụ. Ụ́ụ́ ma mẹ̀ ụhị ọnọọ?

Ịrẹyị Ọzwọzịsa 7:10

Asị ụ re họ̀ use ka: Sị ẹ vẹ dị ahịka ụmẹ ịyẹẹyẹ o zoza hu ụmẹ ọnọnị nị? Ọ ka ẹ yị nyị ịrẹyọyẹ ka ọza ọ̀ vavọọ họ̀ use ịrẹyị.

Ijona 4:3

Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Ijona 4:9

Ụmẹ ọnọọ dị Ohomorihi họ̀ ọ use ka, áá vọrọ ka ọọ kụ́ ayị agụvị avị ọnọọ? Dị Ijona tụ ọ ohi ka hịịn! A vọrọ ka ọnị ọ kụ́ ayị dị ọnị ọ hyakụ va ụva isu.

Ịmaakị 6:19

Agụvị avọọ dị Iherodiya aa kụ́ ayị Ịjọọnụ ẹtẹẹtẹrẹ, di ee sì ka ọnị ọ̀ wụ ọọ nị. Ama ọ yị nyẹngụ wụ ọọ,

Ịmaakị 6:24

Dị ozi ọnọọ jịnẹ ne tù ọnyị anị, dị ọ họ̀ ọ use ka, “Sị a vọrọ ka me họ̀ use anị?” Dị ọnyị anị ka, “Kàa ka ọ̀ sị ịrẹsụ Ịjọọnụ ọhwọzenyi yị wụ!”

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.