Ịrẹyị Ọzwọzịsa 7:8 - IWE ỌNỊNỊ

⁸ Ẹzẹtẹ ịrẹyị ọ nyị ụbanyị huni oyi nyima anị nị. Avọọ usuuru ọyị nyị me zoza huni ka ọza ọọ sị ẹngụ tụ ẹba nị.

Ịrẹyị Ọzwọzịsa 7:8 ပူးပေါင်းရင်းမြစ်များ

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Ụhịrẹyị 15:18

Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Ụhịrẹyị 16:32

Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị.

Ụhịrẹyị 28:25

Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị.

Ịrẹyị Ọzwọzịsa 7:1

Ọza ọ rị ịrẹha ọyịza o zoza huna agụ eturare ene zoza nị. Ẹkụhị ọnị ọza sị su o zoza huni ẹkụhị ana a sị ma a nị.

Iruuku 16:25

Dị Abụrahamị ka: ‘Ozi, tamayị ka ụ mẹ̀ yà ẹhẹ, wâ dọ ịsa ọyịza-ọyịza, di Ịrasarụsị ọnị rị ụya ẹtẹẹtẹrẹ nị. Ama booro aanị, ẹngụ anị ọ sị rọ tụ́ ịzẹnị, ama ẹwụ aa rị ụya ịzọọ.

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anẹhwẹsọsị 4:2

Nyị ịrẹsụ ọkahi, nyị ayohunẹnẹ, dị ụ wa rẹ vị onisuuru nịnị ẹtẹẹtẹrẹ. Wee sì ịrẹyị ẹngụ nịnị ini oze ọyịsị ẹngụ jị ọọ yị ẹngụ nịnị.

Anihiburu 10:36

Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

Ijemiisi 5:8

Ẹwụ nịnị ọ̀ rẹ vavọọ nyị isuuru, dị ụ wa nyị ayị ọnya, agụvị ka Ananyị yị aa vaa vaa vẹ.

1Ipita 1:13

Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.