Ịrẹyị Ọzwọzịsa 7:7 - IWE ỌNỊNỊ

⁷ Ịzẹyịza, ọza ọ̀ọ ka ọnị ọọ yẹ ịrẹyị dị aa mẹ ẹvaya yị ọza nị, ọnụra ọ vị nị. Avọọ ochirerenu mee du ọzaa ha nị.

Ịrẹyị Ọzwọzịsa 7:7 ပူးပေါင်းရင်းမြစ်များ

Ọyịkụra 23:8

Asị ụ dọ ochirerenu. Ochirerenu vi eneē gu ọza eyi. Ọza anaā vịdịị ka ịzẹyịza ọ̀ọ na sị ochirerenu dọ, ọ yị kụkụ zụ kà ịzẹyịza.

Ụhịrẹyị 17:23

Ọmọkarẹyị odivi vị eneē wèree dọ ochirerenu, dị ọ yị kụkụ mẹ ịzẹyịza.

Ụhịrẹyị 17:8

Ochirerenu vị ana sị mẹ̀ ẹ anka ẹsụ avọọ, waa sị yị ọza, ịsị ụ waa ka waa mẹ kẹnẹ ụ waa mẹ̀ ẹ nị.

Ịrẹyị Ọzwọzịsa 4:1

Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ịrẹyị Ọzwọzịsa 5:8

Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 33:15

Ẹngụ aza ana vaa jẹẹ ẹ vị aza ana ahịka ẹẹ̄ mẹ̀ ebira ana vọrọ, dị ẹ rẹẹ̄ kà ịrẹyị ana vọrọ nị. Ẹngụ aza ẹnẹẹ ẹ ma bẹ ụvọ tụ́ ịnị ịsa ana a sị ụkata-ụkata dọ ọza. Ẹnịnị ẹ mā rẹ dọ ochirerenu. Aza àa gẹ eyi ka à na wụ̀ ọza, ẹ mā rẹ bẹ ụvọ tụ́ ọ. Ẹnịnị ẹ mā bẹ tụ́ ịnị ịsa odivi ọnyọọnyị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

Iwe Ọhụhị Imosiisi ana aa hị́ Ọyịvatụrọda 28:65

Wẹ yị vaa nyị ẹngwọọrọ nịnị aha ọnyọọnyị ịnị akakana anẹkụra ẹnẹẹ. We yi vee re aha yaa tụ́ ụhwọ́ nịnị. Ẹnẹyịmavara vị ana vaa mẹ ayịị hụrẹ wụ ịnẹ nịnị. Wẹ yị kụkụ vaa nyị ọyịtụreyi nịnị, dị ẹhẹ awụ nịnị kuku du wu eyi.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 21:14

Di Akisi va hị́ ezi ahụ anị dị ọ ka, “wéē re ọnọrụ ọnọnị, ọnụra ọ vị nọ! Sị ẹ vẹ dị ụ sị ọ vẹ ịda amị nịnị?

1 Ịsamụwẹrị 8:3

Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.