Ịrẹyị Ọzwọzịsa 7:26 - IWE ỌNỊNỊ

²⁶ Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi.

Ịrẹyị Ọzwọzịsa 7:26 ပူးပေါင်းရင်းမြစ်များ

Oyinyima 19:35

Ịzẹyịza, ịrahụ ịhị ọnọọ, dị ẹ rẹ kà ada ẹnịnị eche nị. Dị ana vi ozweyi kwẹẹtẹ dị ọnịrị ada anị na sụ nị. Ada anị ọ yị yẹ ụmẹ ọnị ọ sị vẹ, ọ yị rẹ yẹ ụmẹ ọnị ọ sị kwẹẹtẹ.

Oyinyima 39:9

Ọ rẹ ka ẹ yị kụkụ nyị ọza ana nyị ọda hu ọnị ini eehi ọnọnị. Ọ kà ẹ yị rẹ nyị ịsị ọga anị ọ̀ yị sị yị ọnị, à yị hụhụ vị ọnị ịnya kẹnẹ agụvị ka ọnị ọ vị ose anị. Ọ kà o mè ro ka ọnị ọ zụ mẹ̀ ẹngụ ebira odivi ọnọnị, ebira odivi ọbanyị ọ vị ágada Ohomorihi nị.

Ọyịkụra 10:7

Dị anụkọrọ Ihwarawo va hị́ Ihwarawo dị ẹ ka Aanịka aanị ọnọrụ ọnọnị mẹ̀ vaa sị ụyaa rị ẹnị pooro nị? Ẹ ka ọ̀ navọ aza ẹnẹnị ẹ̀ẹ na dị ẹ̀ na hẹkẹ Ẹnẹyịmavara ana vị Ohomorihi ẹnịnị. Dị ẹ rẹ ka aanịka ọ yị yẹ ka Ijipiti ộ ta?

Ụhịrẹyị 2:16

Ịrẹyọyẹ ọ zụ mẹ ka ọza ọ há hụụnị evene ọsẹrẹka nị.

Ụhịrẹyị 22:14

Ọsẹrẹka vị ana sị mẹ anka ịrẹpa ana a và zị uye avọọ. Ọza ọnị Ẹnẹyịmavara sị va ịrẹma anị ịrẹpa ọsẹrẹka za nị.

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ụhịrẹyị 6:24

Ịrẹyị ẹnẹẹ vaa dọ wụ ha hụụnị ụvọ anẹẹ odivi anaā sịị ịbẹhị vene ọnọrụ zị.

Ụhịrẹyị 9:18

Ama anọrụ ana ngụ ọ ụvọ ẹ yị yẹ́ ka aza ana vịdị na ịzọọ vị ene su. Aza ana vịdị ngụ irehi anị aa sụ̀ aara ịdị aneku.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ịrẹyị Ọzwọzịsa 7:27

Ọzwọzịsa ka ọnị ọ raa sị avaba ịrẹyọyẹ anị sì iruvo ka ọnị ọ̀ yẹ ẹhẹ ọnọnị mẹmẹ yà,