Ịrẹyị Ọzwọzịsa 7:20 - IWE ỌNỊNỊ

²⁰ Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya.

Ịrẹyị Ọzwọzịsa 7:20 ပူးပေါင်းရင်းမြစ်များ

1 Ohinọyị 8:46

“Aza awụ ẹ zụ na mẹ̀ ebira odivi hi wụ. Wâ yẹ ka ẹ yị nyị ọza ẹnẹ ẹ̀ yị mā mẹ̀ ebira odivi. Ẹ nyẹngụ vavọọ mẹ̀ ebira odivi dị ụ kụ́ ayị hi wa, dị ụ sị wa chire ọnịvị ẹnịnị ụvọ, dị ọnịvị ẹnịnị ẹnẹẹ kụ́ wa ọrịhị nọ ẹkụra ẹnịnị. Ịzị a vavọọ kụ́ wa nọ o zụ noze, ọ rẹ zụ gụrị ẹtẹ.

2 Ịtọpa 6:36

Aza awụ ẹ̀ẹ rị ịvị awụ, agụvị ka ẹ yị nyị ọza ẹnẹ ẹ yị ma mẹ̀ ịvị. Wàa kụ́ ayị hi wa, dị ụ hụrẹ wa ụvọ yị ọnịvị ẹnịnị ka ẹ za wa ọrịhị nọ ẹkụra ọsa, ọ̀ọ daka vị ẹkụra ene noze.

Ijoovu 33:12

Erihu ka Ijoovu o si eyi nye, agụvị ka Ohomorihi ẹ yị vị ẹyị ọzarẹyịrẹsụ

Ahẹ Ụgama 130:3

Ẹnẹyịmavara, wàa ka waa chẹrẹ avaba ebira odivi ọnị yaa mẹẹ tịtẹ, ẹnị ẹ ka ọnị ọ zụ há?

Ahẹ Ụgama 14:1

Ọnụra vi ene eē ro o ịnị ayị ẹnịnị ka ẹ yị nyị Ohomorihi. Dị ẹnịnị aa mẹ̀ ebira edivi-edivi irenyi-irenyi; nyị ọza ikonya ana aa mẹ̀ ebira ana vọrọ.

Ahẹ Ụgama 14:3

Ama ô re ka avaba aza vi ene nyee eyi Avaba ẹnịnị vị ana aa mẹ̀ ebira odivi, nyị ọza ịnya ana aa mẹ̀ ebira ana vọrọ hyakụ maanị nyị ikonya.

Ahẹ Ụgama 143:2

Aarịhịnị asị ụ kà a ka waa mẹ̀ ọkarẹyị yị ẹmị ozi ahụ awụ, agụvị ka ẹ yị nyị ọza ana zụ jẹẹ ọvịdị awụ kà a ka ọnị ọ yị rị ịvị.

Ụhịrẹyị 20:9

Áá nyị ọza ana zụ sị ụvọ nya ịrachị ka ayị anị ọ nị saka-saka? Ẹnẹ zụ kà a ka ọnị ẹ yị nyị ebira odivi ọnyọọnyị?

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ayịsaya 64:6

Avaba ayị ọ sị ịvị mẹ; ebira ozoza ene hu ọnị mẹ vị ọnịrị ịdọtị anka ụsẹ avọọ. Agụvị ebira odivi ayị, vị́ ị kụkụ sị mẹẹ anka avị ana wụ, dị ahị hì wa kwooze avọọ nị.

Ireevi 13:39

Ohirẹsụ irehi Ohomorihi vaa zama a re; àa vị ịzị aa dàa vwẹtẹ ịnị ẹngụ aanị aa vwẹtẹ cheeche nị, vị ẹngụ anị che apa kẹnẹ nị, ọza ọnọọ ọ́ọ nị.

Aniroomi 3:23

agụvị ka avaba aza ẹ sị ịvị mẹ, ẹ yị kụkụ nyị tụ́ ịnị igirima Ohomorihi.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

1 Ịsamụwẹrị 20:34

Dị ahịka ọyịkụ-ọyịkụ Ijonatani sị kwẹẹtẹ hụrẹ ịzị a yà aa rị ịsa ịhị ọnọọ nị. Eyinẹhẹ eni eche hụrẹ aanị, ọ yị rị ịsa agụvị ka ayị aa kụ́ ọ ka ada anị aa zị ụsẹ ụtẹ agụvị ịrẹyị Idevidi.