Ịrẹyị Ọzwọzịsa 7:2 - IWE ỌNỊNỊ

² Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su.

Ịrẹyị Ọzwọzịsa 7:2 ပူးပေါင်းရင်းမြစ်များ

Ahẹ Ụgama 90:12

Aarịhịnị navọ ya yaraa za ẹkụhị ẹhẹ ayị ịrịka, agụvị dị ya zụ yẹ ịrẹyị.

Ịrẹyị Ọzwọzịsa 2:14

Ọyẹrẹyịị re ịzị aa nọ ama onututu ẹ yị nyẹngụ re ịzị aa nọ. Ọzwọzịsa ka ọnị ọọ yẹ ka ịsị e tu ọyẹrẹyị o re vee tu onututu nị.

Ịrẹyị Ọzwọzịsa 2:16

Ka isu ana sị ọyẹrẹyị ọnị ọọ̄ sị ọnụra nị òo nee kù chee dị ayị ẹnịnị hi.

Ịrẹyị Ọzwọzịsa 3:19

Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu.

Ịrẹyị Ọzwọzịsa 3:20

Ọza ọnịrị ịsụpa vị ana vaa và nọ ịnị eteesu ọnyọọnya ẹnẹ hụrẹ vẹ.

Ịrẹyị Ọzwọzịsa 6:6

Ọza ọnọọ ọ zụ ku orubo ẹtẹẹrẹ ama dị ẹ yị rẹ va sị ogu ọnị ọ nyị mẹ ayohine ịnị ẹhẹ. Aanị ka ẹ yị vị aha ọnyọọnya ọnịrị ozi ene su dị a vaa ma a aa nọ?

Ịrẹyị Ọzwọzịsa 9:2

Ịsị ọnyọọnya ọ vaa za ẹhẹ avaba ọza ẹtẹ nị. Ẹ yị nyị ọba irenyi yị ọnịrẹyịzẹyịza ọnịrị ọza odivi, ọza ọyịza ọnịrị ọza ọhịmị, ọza ọnịnị ọnịrị ọnịdọtị, ọza anaa mẹ ahẹkẹ ọnịrị ọza ẹnẹ ẹ yị mẹ ahẹkẹ. Ọ mẹ ya yị ọza ọyịza, avọọ ọ mẹ ya ọza odivi nị. Ọ mẹ ya yị aza ana hị́ eku, avọọ ọ mẹ ya yị aza ẹnẹ ẹ yị nyayịnẹ hị́ eku nị.

Ịrẹyị Ọzwọzịsa 9:3

Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su.

Ịrẹyị Ọzwọzịsa 9:5

Ịzẹyịza ọza ana yara ọọ yẹ ka ọnị vee su, ama ẹ yị nyị ịsị oku ene wu usu kụkụ yẹ. Ẹ yị nyị ọgụ sẹ kụkụ zụ rị; aza ẹ ma vana kụkụ tamayị ẹnịnị.

Ayịsaya 47:7

Ví ú ro ka vị ụ vaa vị ohinọyị anyẹnẹẹ pooro nị, wẹ yị sị ịrẹyị ẹnẹnị tụ́ ịnị ayị; we yi ro o ka sị ẹ vaa vị ọzẹtẹ anị kẹ”.

Ijeremaya 16:8

Ẹnẹyịmavara kà asị Ijeremaya ngụ irehi ọnyọọnyị ịzị aza hi aa rị ịsa. Asị ọ yaatụ pe wa rị ịsa dị asị o re hú ịsọnyị-ịsọnyị ịzọọ.

Ịhagayị 1:5

Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị.

Ịmarakayị 2:2

Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.

Ịrịka 23:10

Ẹnịnị ẹ rụrụ anka ezi ịnị eteesu. Ẹnẹ zụ za wa ịrịka? Navọ ọnị o su usu ẹngwọọrọ ọnịrẹyịzẹyịza, dị ẹtaha anị ọ ya anka Anisirẹrị.

Imatiwu 5:4

Aza ana aa jị òrèrè vaa da jẹ, agụvị ka Ohomorihi vee hunẹnẹ wa ayị.

Iwe Ọhụhị Imosiisi ana aa hị́ Ọyịvatụrọda 32:29

Eyi ẹnịnị òo hweyi, ẹ yaanị yẹ ịsa aa gụ wa hyẹdụ. Ẹ yaanị ịsị ẹ vaa vị ọvavẹ ịrẹma.

Iwe Ọhụhị Imosiisi ana aa hị́ Ọyịvatụrọda 32:46

dị ọ kà yị wa ka ẹ tamayị avaba ịrẹyị ọnị ọnị ka yị wa ajịnị. Ẹẹ vatụra a yị ezi ẹnịnị agụvị dị ẹ saasa avaba ọda Ohomorihi ẹnẹnị hwịnị-hwịnị.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.