Ịrẹyị Ọzwọzịsa 7:17 - IWE ỌNỊNỊ

¹⁷ Ama asị ụ rẹ na chamayị avị ka wa rẹ na mẹ ụra ẹnẹmẹhị. Asị ụ wụ ẹngụ awụ dị ụmẹ awụ o ve tu.

Ịrẹyị Ọzwọzịsa 7:17 ပူးပေါင်းရင်းမြစ်များ

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

Ijoovu 22:16

Ohomorihi ọ̀ yị ka wa ọnọ dị hụ wa kwooze.

Ahẹ Ụgama 55:23

Ohomorihi, aza edivi vị ọnị ụ vaa gụụ hyẹdụ Ọwọza ọnịrị onireche e yi yèe tù achẹva ẹhẹ ẹnịnị di è sú Ama ẹmị vị ana vaa sị ayịị tụra wụ.

Ụhịrẹyị 10:27

Ọza ene hí angwa Ẹnẹyịmavara vị ene ku orubo ama ẹhẹ aza ọhịmị vị ana vaa da ẹjịjị.

Ezikẹẹrị 16:20

Dị ụ rẹ sị ezi ọnị ụ ma yị ọnị naa mẹ ịsọvọọ yị ori ẹnẹnị nị. Aanịka ọsọnị é yi si divi ẹnẹmẹhị ana sị zụ̀ ka wẹ yị sị ayị tụra ọnị.

Ezikẹẹrị 8:17

Dị Ẹnẹyịmavara kà a yị ọnị ka, ozi-ọza, ọnị wee ree re ọsọnị? Ọ kà, ịrẹyị oweyi ọ́ọ vị ka Anijuda nịnị ẹ̀ maanị mẹ avaba ịsị aa nyị ọnị ịhyẹrẹ aanị ẹkụra ọnọnị, dị ẹnịnị rẹ mẹ ka ebira odivi ọ̀ gara hi avaba ẹkụra nị. Ọnọọ ẹ́ yị hụ wa, dị ẹ rẹ kụkụ sị ọ aa vaa mẹ ịnị Irehi ọnị Ohomorihi, ka ẹnị ẹ̀ sị mẹ ayị kụ ọnị hu avọọ nị. Ọ kà ọnị ò re ẹnịnị mẹmẹ kụ̀ ọnị ụhụ zị oze anaa zị ọza ẹngụụ hu kere-kere.

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Odeyi 16:28

Dị Ịpọọrụ nowu kà a yọ ka, “Asị ụ tụ̀ ẹngụ awụ ụnava, ka avaba ayị hi ịzẹnị!”

Odeyi 5:10

Obooboro, dị ọnị rẹ mẹ viri éteesu ọ́vịdị anị, di o sú nị. Dị ozwọọmụha ẹnẹẹ vẹ, di e re ka ô wusu nị. Dị ẹ rẹ sị ọọ jịnẹ, di e ne ne e pe ọva anị nị.

Odeyi 5:5

Ánaniya mẹ̀ maanị wụ́ kẹnẹ, viri dị ọ hyẹdụ nya ẹtẹ di o sú nị. Avaba aza ana wụ́ ọ, angwa ô hí wa ẹtẹẹtẹrẹ.

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

1 Ịsamụwẹrị 25:38

Ịhị ẹ tụ́ ọ ẹkụhị ẹẹwụ, dị Ẹnẹyịmavara Ịnabarị ịsa, di o su nị.