Ịrẹyị Ọzwọzịsa 7:16 - IWE ỌNỊNỊ

¹⁶ Asị ụ na mẹ ịzẹyịza ọnịrị ịrẹyọyẹ ẹnẹmẹhị, ka ẹyị vavọọ ụ va wụ ẹngụ awụ.

Ịrẹyị Ọzwọzịsa 7:16 ပူးပေါင်းရင်းမြစ်များ

Oyinyima 3:6

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.

Ijoovu 11:12

Ịsụpa ọza zụ pá huu ọnụra nị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ụhịrẹyị 25:16

Wẹ̀ẹ re ẹhụ, rèé ẹ̀hụ awụ anị, ẹ̀ẹ vị avọọ ụ aa hẹrẹ ẹ nị.

Ịrẹyị Ọzwọzịsa 12:12

Ozi emi, ịsị ee si huna ịrẹyị ẹnẹnị ụ sị ụvọ za ẹngụ awụ ịnị anị o. Aza ẹ yị vaa hụụnị iwe ọ̀ yị chẹrẹ, wẹ yị yara e sị ka wa yẹ avaba ịsa vị ee chi wụ ẹngụ nị.

Imatiwu 23:29

Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Waa dà ikuta ọnịsẹ nịnị, dị ụ dà achẹrẹ hi ini ikuta ọnịzẹyịza nịnị,

Imatiwu 23:38

A vaa navọ irehi awụụ yị wụ nịnị, dị ọ tụ́ osusu.

Imatiwu 23:5

Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

Imatiwu 9:14

Ịjọnọọ di ezirẹma Ịjọọnụ ká Ijeesu vẹ nị, dị ẹ ka, “Sị ẹ vẹ dị ẹyịrị Anihwarisi nịnị sị awẹ ụpọsa-ụpọsa, dị ezirẹma ẹwụ ẹnị ẹ̀ yị mā vavọọ mẹ?”

Iruuku 18:12

Mịị̄ za awẹ ụpẹ ẹẹva ịnị ọsẹ, mị rẹẹ̄ tụ́ agẹẹwụ avaba ịsị màa nyị.’

Aniroomi 10:2

Mâ dọ ivenu tụ́ ọọ ka ẹnịnị ee sì ka ẹnị ẹ̀ẹ hẹkẹ Ohomorihi ẹtẹẹtẹrẹ. Ama oze ẹnẹ ẹnịnị zị, ọ yị vị oze ịrẹyọyẹ.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

Aniroomi 12:3

Ohomorihi ộ vayị amị ẹtẹẹtẹrẹ, agụvị avọọ maa kà a yị avaba awụ nịnị ka: Asị a nyị ọza ene ne re ẹngụ anị huna ọpa ọnọọ vị ịnị awụ nịnị! Ama ọzọza ọ̀ sị ụvọ za ẹngụ anị ịnị ẹngụ ịrẹyị oni u wèe ro nịnị! Anka Óhomorihi ọ̀ọ mẹ̀ sị ụkata yị ọzọza ka ọ̀ dọ wụ́, ọzọza ọ̀ vavọọ yẹ ẹngụ anị!

1 Anịkọrịntị 3:18

Asị a nyị ọza ene vene ẹngụ anị! Ọza ene èe ro ka ọnị ọ́ọ yẹ ịrẹyị ịnị ẹhẹ ọnọnị, ọ̀ vara ọnụra, agụvị dị ọ̀ zụ yẹ ịrẹyị booro!

1 Anịkọrịntị 3:20

A rẹ chẹrẹẹ tịtẹ ka, “Ohomorihi ọ́ọ yẹ ka ariro ọyẹrẹyị nịnị vị osusu kẹnẹ-kẹnẹ.”

Anihwiripi 3:6

Máa kụ́ ẹngụ hi ịrẹyị Anịju nịnị ẹtẹẹtẹrẹ, dị mị hyakụ aa sị ụyaa rị Anịragụ Ohomorihi nị. Àa ka na kà ịrẹyị ọza ọnị ọda kà a ka ọ́ọ vị ọnịrẹyịzẹyịza, mẹ yị nyị ohuvọ da.

Anikorasi 2:18

Agụvị avọọ, asị ụ zẹẹ ka aza ẹnyị aanị ẹ̀ẹ mẹ ọdaa wụ nịnị. Aza ẹnẹẹ ka aza ẹ̀ẹ sị ụyaa rị ẹngụ ẹnịnị, dị ẹ̀ rẹẹ hẹkẹ anggẹẹrị nịnị. Aza ẹnẹẹ ka vị eni ee re ẹtẹ nị. Dị ẹyaa sị ẹngụụ tụ́ ẹba kẹnẹ-kẹnẹ. Ịsa ẹhẹ ọnọnị kẹnẹ éyee ro ịrẹyị anị nị.

Anikorasi 2:23

Ini eyi ọza, ọda ẹnẹẹ ẹ́ẹ nyị ịrẹyọyẹ, agụvị ka aa sị ụkataa za ọza ka ẹ̀ẹ mẹ ahẹkẹ, dị ẹ̀ kà ẹngụ ẹnịnị chí, dị ẹ̀ rẹ sị ụya rị ẹngụ ẹnịnị. Ama ịnị ịzẹyịza obooro, ẹyị zụ gụ ọza ụvọ ka ẹ̀ sị ụvọ za ẹngụ ẹnịnị.

1 Itimoti 4:3

Dị ẹ ka ẹ yị vọrọ ka aza ẹ̀ẹ nyị ọnẹẹ, dị ẹ rẹ ka asa aza rẹ̀ rị ịsa ẹnyị. Ama Ohomorihi vị ana mẹ̀ ịsa ẹnẹẹ ka aza ana vị ọdọwụ dị ẹ rẹ yẹ ịzẹyịza, ẹ̀ sị ọọ, dị ẹ̀ kụ́ ọnị avọ tụ́ ọọ, dị ẹ̀ẹ rị ọọ.

Ẹtore 18:19

Dị ẹ ká ezi và hi ịrẹsụ, di eyee nowu, dị ẹyaa jị òrèrè dị ẹ ka: Kwaa-kwaa! Ho! Ẹkụra ọbanyị ọnọọ ana mẹ ka avaba aza ana nyị ẹpa tụ́ ini òkū ẹ̀ nyị ẹkẹhị agụvị ụbanyị anị, ịnị ụmẹ chẹẹ kẹnẹ ọ maanị vara osusu aanị nịị?