Ịrẹyị Ọzwọzịsa 7:14 - IWE ỌNỊNỊ

¹⁴ Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ?

Ịrẹyị Ọzwọzịsa 7:14 ပူးပေါင်းရင်းမြစ်များ

1 Ohinọyị 8:47

Ẹnịnị e zụ ro ịnẹ ịnị ẹtẹ ana a za wa ọrịhị nọ, dị e hi ịzọọ dị ẹ vara ebira ẹnịnị, dị ẹ da ịpẹ wụ dị ẹ ka ẹnị ẹ si ebira odivi mẹ.

Ijoovu 2:10

Ama dị Ijoovu tụ ose anị ohi, dị ka asị ọ rẹ ka ịrẹyị anka ọnyẹnẹẹ ẹnẹ yị yẹ ịrẹyị avọọ. Ohomorihi ana sị ọyịza yị ọza ọ rẹ sị odivi vaka vẹ. Ịnị avaba ịsa ene tu Ijoovu, ọ́ yị rẹ va ka ọhịmị Ohomorihi vụrụ-vụrụ.

Ahẹ Ụgama 119:71

Ô zoza ka à vavọọ sị ụya rị mị. Ọ raà mẹ ka ma zụ yẹ ọda awụ.

Ahẹ Ụgama 40:3

Ohomorihi ộ mẹ̀ ka ma zụụ jị ahẹ dị ma sịị sị ụbanyịị yị ọnị Aza ọrụrụ-ọrụrụ vee re ịsị Ohomorihi mẹ, dị ẹ yaa sị ụbanyịị yọ, dị ẹ rẹ sị ayị tụra a.

Ịrẹyị Ọzwọzịsa 10:14

Ọnụra vị anaā kụ ịrẹka tuturutu kẹnẹ. Ẹ yị nyị ọza ana yẹ ịsị aa vẹ ẹnẹ zụ ka yọ ịsị ẹ vaa mẹ ịrẹma anị kẹ?

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ịrẹyị Ọzwọzịsa 12:8

Ọzwọzịsa ka, osusu ene huna osusu yị, avaba ẹhẹ vị osusu.

Ịrẹyị Ọzwọzịsa 3:22

Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.

Ịrẹyị Ọzwọzịsa 3:4

Aa nyị ụmẹ ene e sịị sụ ùnè, dị a nyị ụmẹ ene e sii nyinyi nị. Aa nyị ụmẹ ana a sịị và ẹngụ hi, dị a nyị ụmẹ ana a sịị nyị ẹzẹ nị.

Ịrẹyị Ọzwọzịsa 5:17

Avaba ụmẹ ẹhẹ ọza vị ọnịrị ẹngụkata, ayodu, ẹngwọzị ọnịrị ọyịkụ.

Ịrẹyị Ọzwọzịsa 8:7

Ẹ yị nyị ọza ayị ana ka ọnị ọọ yẹ ịsị aa vẹ ụhwọọ, dị ẹ yị rẹ nyị ọza ana zụ ka ẹ yị nị.

Ịrẹyị Ọzwọzịsa 9:7

Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 42:25

Agụvị avọọ, ộ sị ọyịkụ anị zụ yị, dị ọ mẹ̀ ka à kụ́ ịrẹkụ tu yi, dị ya rị ụya nị. Dị ọyịkụ anị rị avaba ẹtẹ Isirẹrị anka ịra mẹẹ rị avọọ. Ama yẹ yị yẹ ịsaa mẹ̀, yẹ yị va kọ ọsẹ ịsa ọnyọọnyị hụụnị anị.

Ijeremaya 23:20

Ẹ́ yị vaa zaa jẹ ẹ̀ yị vị ọ raa mẹ avaba ịsa ọnị ò sì ka ọnị aa mẹ. Ịjị ụmẹ oo tu avaba ịrẹyị ọnọnị vee yé aza gedebee.

Arụwẹ 3:38

Ohomorihi ene hu kere-kere ọọ̄ mẹ̀ ọda dị ịrẹyị ọyịza ọnịrị odivi ẹ̀ vaa mẹ̀ nị.

Imika 6:9

Ẹnẹyịmavara ee nowuu hị́ anẹkụra Ọza ana àa yẹ ịrẹyị ọ sị ụbanyị yị Ẹnẹyịmavara Ụya awụ nịnị aa vẹ. Ẹnẹyịmavara aa tụ́ ọ hi wu nini.

Imatiwu 9:13

Ama na nịnị, di u we ne sì uruvo ịsa ọnị ịrẹyị ọnọnị kà nịnị ka: ‘Me yi sì ịsọvọ, àyị vị ayamva.’ Agụvị ka mẹ yị vẹ ka ma hị́ ọnịrẹyịzẹyịza, àyị vị ka ọnịvị nịnị è ro ịnẹ varẹma nị.”

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Iwe Ọhụhị Imosiisi ana aa hị́ Ọyịvatụrọda 26:11

Kụ́ Ẹnẹyịmavara Ohomorihi awụ avọ agụvị ọyịza-ọyịza ọnị ọ mẹ̀ yị ẹwụrị ovwoovu awụ nịnị. Anireevi ẹnịrị azọga ana ra beri wụ nịnị è beri wụ nịnị jị ịrajẹ.

Iwe Ọhụhị Imosiisi ana aa hị́ Ọyịvatụrọda 28:47

Ẹnẹyịmavara ộ zị avaba oze mẹ ka ò ze yị wụ nịnị, ama wẹ yị zẹẹ ka wa sị ayohine ọnịrị ịrajẹ hẹkẹ ẹ nịnị.

Iwe Ọhụhị Imosiisi ana aa hị́ Ọyịvatụrọda 8:3

Ộ mẹ ka ụngwẹ ọ̀ kụ̀ wụ nịnị, dị ọ̀ rẹ sị ịsọyịrị ana a hị́ Imana yị wụ nịnị. Ohiku ẹnịnị ẹ yị vịdị rị ẹngụ ịsa ọnọọ daa Ẹnẹyịmavara vene si ka ẹ yẹ ka ịsọyịrị kẹnẹ ọ zụ sị ọza vị ọza ayị vị avaba ịrẹyị ọnị ọnị ka.

Iwe Ọhụhị Imosiisi ana aa hị́ Ọyịvatụrọda 8:5

Tamayị ka Ẹnẹyịmavara ana vị Ohomorihi awụ nịnị vị anaā tụ ọza ohuvọ anka aza ana ma ọza avọọ.

Ijemiisi 5:13

Àa nyị ọza anaa rị ụya ịnị ẹngụ awụ nịnị, ọza ọnọọ ọ̀ mẹ̀ aduwa hi Ohomorihi. Àa nyị ọza ọnị ịnẹ anị ee hine, ọza ọnọọ ọ̀ọ jị ahẹ ga Ohomorihi.