Ịrẹyị Ọzwọzịsa 7:1 - IWE ỌNỊNỊ

¹ Ọza ọ rị ịrẹha ọyịza o zoza huna agụ eturare ene zoza nị. Ẹkụhị ọnị ọza sị su o zoza huni ẹkụhị ana a sị ma a nị.

Ịrẹyị Ọzwọzịsa 7:1 ပူးပေါင်းရင်းမြစ်များ

Ijoovu 3:17

Usu ọ vị ẹhị ebira odivi aza edivi nị. Usu ọ rẹ ụhwọtụ yị aza ọnị ọ sị ngwẹngụ nị.

Ahẹ Ụgama 133:2

Vị ụ sị mẹẹ anka angwẹ ozoza ana a sịị̄ nyị ohirẹsụ irehi Ohomorihi nị. A mẹ̀ vavọọ kà a kú Eerọnị ịrẹsụ, dị ọ vavọọ si huu na ngụ ịnị ịrẹwa anị, dị ọ vavọọ nị na, dị ọ na ngụ ịnị ọrọkọ awuru anị nị.

Ụhịrẹyị 15:30

Eyirẹsụ ọza anaa jẹ ịrajẹ vị anaā sịị ayị ọzaa hine, dị enube ọyịza ọnị ọza wụụ mẹ ka ẹngụ ọza òo hi ahị hu avọọ nị.

Ụhịrẹyị 22:1

Ọza ọ̀ọ nyị ịrẹha ozoza ọ mẹ hụụnị ogu nị. Ọza ọ̀ọ sị ụbanyị yị ọza o hụụnị ẹkẹhị nị.

Ụhịrẹyị 25:10

Ụhị ọ vaa vị yị ụ nị, a sị ụ yẹ ka irenu awụ ọọ̄ ma tịtẹ.

Ụhịrẹyị 27:9

Ajuwe ọnị ọta obooro sị yị ọza óo hine ọza ayị huni agụ ozoza ọnị eturare aa da nị.

Ịrẹyị Ọzwọzịsa 10:1

Waa yẹ ka, ịsị oo su va hi ịnị eturare, ọ zụ mẹ ka ọ̀ọ da agụ odivi avọọ ọza ọọ mẹ mẹ ụra kiiki aanị, dị ọ mẹ ka asị eyi wụ ọnịrị ịrẹyọyẹ anị beri ụbanyị anị nị.

Ịrẹyị Ọzwọzịsa 4:2

Dị ọnị vaa kà a ka oku ene wusu ọ vana dahi hu aza ana yára nị.

Ịrẹyị Ọzwọzịsa 7:8

Ẹzẹtẹ ịrẹyị ọ nyị ụbanyị huni oyi nyima anị nị. Avọọ usuuru ọyị nyị me zoza huni ka ọza ọọ sị ẹngụ tụ ẹba nị.

Ahẹ Isoromọnị 1:3

Agụ eturare awụ ô zoza ẹtẹẹtẹrẹ. Àa hị́ ịrẹha awụ kẹnẹ vị anaa mẹ ọzaa tamayị anị. Ọnị ọ mẹ ka avaba anyẹnẹẹ ẹ̀ maanịị turaa ku wu nị.

Ahẹ Isoromọnị 4:10

Ẹwụ ose mi, anaā sịị ayị amịị hine, ịnẹ amị ee hine ka we sì ịrẹyị amị. Oyisì ọnị ụ nyị yị mị oo huni ka à sị eche yị mị. Agụ eturare awụ o huna avaba agụ eturare ana vọ nị.

Ayịsaya 56:5

A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

Ijona 4:3

Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Iruuku 10:20

Ama asị ụ rẹ̀ jẹ nịnị ka ụhwẹ echu ệ ká ịrẹsụ hi wu nịnị! Ama wa vanaa jẹ nịnị ka a sị ịrẹha awụ nịnị chẹrẹ tụ́ ịdị Ohomorihi!”

Ịjọọnụ 13:2

Ijeesu ọnịrị ezirẹma anị vị ana aa rị ịsa oruva. Echu ọ raà sị tụ́ ịnị ayị Ijudasi Isikarịyọtị ozi Ịsayịmọnị ka ọ̀ sị Ijeesu chire ọnịvị anị ụvọ.

2 Anịkọrịntị 5:1

Yâ yẹ ka èe wú irehi ọnị ị yà ịnị anị ịnị ẹhẹ ọnọnị aanị, (ọnị ọ vị ka ọchẹngụ ayị ọnọnị) Ohomorihi ộ nyị irehi tụ́ ẹbẹẹba yị. Ọnị ụvọta ọ mẹ irehi ọnọọ nị. O yi vee du pooro zịna-zịna.

2 Anịkọrịntị 5:8

Mị ka yâ nyị ayọnẹtẹ, ị hyakụ ee sì ka ya sị ọchẹngụ ayị ọnọnị tịtẹ, dị ya nọ ịdị Ananyị yị ana vị eehi ayị.

Anihiburu 11:2

Anụmẹ ịyẹẹyẹ ẹ́ẹ vavọọ sị ayị tụra Ohomorihi, dị Ohomorihi kà ọda yị wa nị.

Anihiburu 11:39

Avaba aza ẹnẹẹ ệ vavọọ sị ayị tụra Ohomorihi, dị Ohomorihi kà ọda yị wa nị; ama ẹnịnị e yi sị eyi re ịsa oni Ohomorihi zẹẹ wa ịzẹzẹ anị.

Ẹtore 14:13

Dị mị wụ́ ọngwẹ hụrẹ ẹbẹẹba vẹ, dị ọ kà a mị ka, “Chẹrẹẹ ka aza ene èe sú agụvị Ananyị yị hụrẹ ọyaanị na, vaa daa jẹ! Dị Ụhwẹ Ọnịnị tụ́ ohi ka avọọ yịị yọ nị; ẹnịnị vaa tụ́ ụhwọ́ ịnị ụkọrọ ẹnịnị. Ẹyaa dọ ọgụ ụkọrọ ẹnịnị.”

Iruutu 3:14

Ịzẹyịza, dị Iruutu varẹma na hụtẹtẹ tụ́ ahụtara anị nị. Ịnị ụmẹ eyọnị viri-viri, dị ẹtẹ ve hweyi, dị ọ kwẹẹtẹ hụ ịzọọ nị. Ịjọnọọ ọza ộ yị zụ yẹ ọza. Ộ vavọọ jintu kwẹẹtẹ agụvị ka Ibowazị e yi sì ka à nyị ọza ene re ka ộ vẹ ịzị eē tụ́ ibaari anị.