Ịrẹyị Ọzwọzịsa 6:9 - IWE ỌNỊNỊ

⁹ Ịsa ọnị ọza nyị rị ụvọ ọ dahi huni ịsa ana aa va ụvọ anị nị. Ẹngụ ẹhẹ ọnọnị vị osusu, vị ọ sị mẹ̀ ẹ anka ọza oo rere e si ka ọnị ọ̀ dụ ahị za avọọ nị.

Ịrẹyị Ọzwọzịsa 6:9 ပူးပေါင်းရင်းမြစ်များ

Ijoovu 31:7

Àa vị ka ọnị ọ́ọ ha hụrị oze, dị ahịka ịsa ana ya ịnị eyi kẹnẹ ọnị aa dụ nị, èe re akụvị ịnị ụvọ anị,

Ịrẹyị Ọzwọzịsa 1:14

Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị.

Ịrẹyị Ọzwọzịsa 1:17

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.

Ịrẹyị Ọzwọzịsa 1:2

O! ẹ yị nyị ịsị ẹhẹ ọnọnị vị ọ. Ọzwọzịsa ka, avaba ẹhẹ vị osusu bemi-bemi.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ịrẹyị Ọzwọzịsa 2:11

Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ịrẹyị Ọzwọzịsa 5:18

Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị.

Ịrẹyị Ọzwọzịsa 6:2

Ohomorihi ọọ mẹ ka ọza ọ̀ nyị ẹkẹhị ọnịrị ogu beri ụbanyị. Avaba ịsị ọza ọnọnị eè si kẹnẹ vi ọnị ọ nyị. Ama dị ẹ yị rẹ va zẹ ka ọ̀ rị ọ, dị ahịka aza ẹnẹsa kẹnẹ ẹ vaa rị ọ nị. Osusu kẹnẹ ẹngụ ẹhẹ ọnọnị vị, dị ọ rẹ vị ụya ọdẹngụ nị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.