Ịrẹyị Ọzwọzịsa 6:3 - IWE ỌNỊNỊ

³ Ọza ọ zụ ma ozi ẹchẹẹhị dị ọ ku orubo ẹtẹẹtẹrẹ, ama ẹ yị rẹ va nyẹngụ sị ogu ọnị ọ nyị mẹ ayohine ịnị ẹhẹ, ozi ene su tụ ịnị ịnẹ ọnyị anị dị a vaa ma a ọ dahi hu ọza ọnọọ nị.

Ịrẹyị Ọzwọzịsa 6:3 ပူးပေါင်းရင်းမြစ်များ

Oyinyima 33:5

Ịjị Iisọ kụ̀rà eyi di o re anẹẹ ọnịrị ezi, dị ọ ka, “Ene hi ẹtẹ pè e aanị?” Di Ijekọvụ ka, “Ezi oni Ohomorihi nyị ozi ahụ awụ iyi sị yọ.”

Oyinyima 47:9

Di Ijekọvụ ka, “Ịrayị ẹchịhịnọnyị tụra ẹẹwụ kẹnẹ ọnị mẹ ịnị ẹhẹ da nọ. Ọ kà ọnị ộ yị vịra, ẹhẹ anị vị akanya-akanya. Ọnị ệ yị hyakụ nyị ịzị ọnị tù ịnị ẹkụhị oni ohiku anị nịnị mẹ ịnị ẹhẹ.”

2 Ohinọyị 10:1

Ụmẹ ọnọọ, evere ezi Ahabị ẹtarẹwụ hi Ịsamarịya. Ijehu ộ chẹrẹ iwe tu hi wa, ẹnịrị ọdọvịdị Ịsamarịya ọnịrị Ijezirẹẹrị nini beri ẹnị enee sere ezi Ahabị. Ọ kà,

2 Ohinọyị 9:35

Ama ịjị ẹ ka ẹnị ee nee ne oku anị, dị ahịka ẹchụkụ ịrẹsụ anị ọnịrị ahụ beri ụvọta anị kẹnẹ e kuku ne tu nị.

1 Ịtọpa 28:5

Idevidi ka Ohomorihi ộ sị ezi ọnọrụ ọrụrụ-ọrụrụ mẹ̀ ọnị ẹyịza, ini ezi ẹnẹẹ ọ́ nyị Isoromọnị ka ọ̀ vị ohinọyị Isirẹrị ana vị ẹkụra Ẹnẹyịmavara.

2 Ịtọpa 11:21

Avaba anẹẹ ọnị Irehobamii nyị vị ẹwụrịhịnta, dị onyeehi anị vị ẹbẹẹta nị. Ezi anị anọrụ vị ohurịhịnta, dị ezi anẹẹ anị vị ẹbẹẹta. Ịnị avaba ese anị ọnịrị onyeehi anị ẹnịnị, Imaaka ọ sị ịrẹyị huu nị.

Ẹsịta 5:11

Ẹ mẹ̀ vẹ, ộ kà a yị wa ọnị mẹmẹ nyị ogu irenyi-irenyi, ọpa ezi ọnị ọnị ma, ohinọyị mẹmẹ sị ụbanyị yị ọnị dị ọ́ kà ọnị hịrẹ huna ezi ahụ ohinọyị ana vọ.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Ijoovu 3:11

Aa yẹ ọnị ọ yaanị su tu ọnyị anị ịnẹ, a vị á mẹ ma ọnị kẹnẹ.

Ijoovu 3:16

Ijoovu ka sị ẹ vẹ dị ọza e yi ne ọnị anka ozi ene su tụ ọnyị anị, ene è yi re ẹhẹ vụrụ-vụrụ avọọ?

Ahẹ Ụgama 58:8

Navọ ahịka vị ẹhẹ ẹnịnị yà anka ịrẹẹ ana a wọ̀rọ̀ avọọ nị mẹ wa anka ozi ene sú hụụnị ịnẹ ọnyị anị vẹ di ò yi rè vee re ẹhẹ.

Ụhịrẹyị 17:6

Ọzọkụ nịnị vị anaa sị aazị mẹ ụbanyị, avọọ ezi nịnị mẹ rẹẹ sị aza ana ma wa mẹ ụbanyị nị.

Ịrẹyị Ọzwọzịsa 4:3

Ọza ọnị ọza ẹ̀ẹ yị hyakụ ma dị ò ve re odivi anaa na ịnị ẹhẹ ọ dahi hu kere-kere nị.

Ịrẹyị Ọzwọzịsa 6:4

Osusu kẹnẹ ọ vị ka aa ma ẹngụ ozi ọnọọ nị. Dị ọ rẹ varẹma ịnị ayodu, dị e hi ayị anị nị.

Ijeremaya 22:19

Ọ kà, vị a vaa mẹ oku anị a mẹẹ mẹ oku ịkẹrịkẹtẹ avọọ nị. Vi e vee tụra oku anị ẹtẹ dị e ne e na tụ ịrẹma Ijerusarẹmị nị.

Ijeremaya 36:30

Avọọ, Ẹnẹyịmavara kà ọnị aa kà a yị ẹwụ ohinọyị Ijehoyakimi booro anị ka, ẹ́ yị ma vana nyị evere awụ anaa vanaa yaatụ ịrẹsụ aga ohinọyị Idevidii mẹ ohinọyị. Oku awụ vị ene e vee nee ta tụ ịzị ọyị vaa haa ku ọ ọọdụ, dị eguhi ee chire ku ọ ịrahụ.

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”