Ịrẹyị Ọzwọzịsa 6:2 - IWE ỌNỊNỊ

² Ohomorihi ọọ mẹ ka ọza ọ̀ nyị ẹkẹhị ọnịrị ogu beri ụbanyị. Avaba ịsị ọza ọnọnị eè si kẹnẹ vi ọnị ọ nyị. Ama dị ẹ yị rẹ va zẹ ka ọ̀ rị ọ, dị ahịka aza ẹnẹsa kẹnẹ ẹ vaa rị ọ nị. Osusu kẹnẹ ẹngụ ẹhẹ ọnọnị vị, dị ọ rẹ vị ụya ọdẹngụ nị.

Ịrẹyị Ọzwọzịsa 6:2 ပူးပေါင်းရင်းမြစ်များ

1 Ohinọyị 3:13

Ịsị wẹ̀ yị hyakụ họ̀ use anị bẹẹ vị ọnị maa sịị tụ́ ọ wụ. Wụ vaa nyị ẹkẹhị, dị ụ nyị ụbanyị ana ahịka ẹ yị nyị ohinọyị ana vaa vị ẹngụ awụ pooro dị wa hụrị ẹhẹ.

1 Ịtọpa 29:25

Ẹnẹyịmavara ộ mẹ̀ ka avaba Anisirẹrị ẹ̀ sị ụbanyị Isoromọnị ẹtẹẹtẹrẹ. Dị ọ mẹ ka ọ̀ nyị ụbanyị huna ohinọyị ọnyọọnyị ana rị Ísirẹrị da nị.

1 Ịtọpa 29:28

Ộ vịra ẹtẹẹtẹrẹ dị o ve su. Ộ nyị ogu ẹtẹẹtẹrẹ, dị a sị ụbanyị yọ nị. Ozi anị Isoromọnị ọ vana rị ohinọyị tụ́ udi anị nị.

2 Ịtọpa 1:11

Dị Ohomorihi tụ́ ọ ohi kàa, agụvị ka ọ yị họ̀ use ogu ọnịrị ụbanyị ne beri ụhwẹ ọgọdọ yị ẹngụ anị, a vị ka o họ̀ use ka ọnịvị anị nịnị e su. Ama agụvị ka ộ họ̀ use ịrẹyọyẹ ọnịrị eyohweyi ọnị ọ vaa sị mẹ ịjọva tụra aza anị ọnị ọnị nyị ọ ka ọ vị ohinọyị ẹnịnị.

Ahẹ Ụgama 17:14

Ẹnẹyịmavara, navọ aza è re mẹ pooro ịnị ẹhẹ Navọ wa mẹ ogu yị wa dị ọ̀ hụ̄ wa. Navọ ezi ẹnịnị è re rị, dị ẹ̀ vọ tẹ ezi ịrẹma

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.

Ahẹ Ụgama 73:7

Ẹnịnị aa mẹ̀ ebira odivi, ayị ọ yị hụrẹ wa ịnẹ, ịsa edivi eni eē ro ịnị ayị, ọ yị nyị ọpa.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 5:13

Ọzwọzịsa ka aa nyị ịrẹyị odivi ọnyara enee du ọza ayị ọnị ọnị re ịnị ẹhẹ ọnọnị: Ogu ọnị ọza kụ na tẹ̀ dị ọ varẹma vaa zama a.

Ịrẹyị Ọzwọzịsa 5:16

Ịrẹyị odivi enee du ọza ayị ọsọnị ọnị rẹ vị nị. Ka ọza mẹ va ngụ ẹhẹ, avọọ ọ mẹ raa hụụnị anị nị. Ọgụ sị ọ va rị ịnị avaba ụkọrọ ọnị aa mẹ dị e yị nyị eyi tụ́ ụhwọ́ ka ọnị ọ̀ za ahị?

Ịrẹyị Ọzwọzịsa 5:18

Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị.

Ịrẹyị Ọzwọzịsa 5:19

Ọza ọnị Ohomorihi ọọ sị ẹkẹhị ọnịrị ogu mẹ ẹyịza dị o si oze yọ ka ọ sịị mẹ ayohine nị ọọ jẹ. Ọ̀ sịị mẹ ayohine ka ọgụ ụkọrọ anị ọ vị ọnọọ nị. Ohomorihi ọ sị mẹ̀ ẹ ẹyịza nị.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Arụwẹ 5:2

Azọga ẹ sị yị dọ ogu ọnị ohiku ayị hụrẹ ụvọ tịtẹ yị yị. Anẹkụra ọsa nịnị ẹ kụkụ ra ịnị eehi ayị nị.

Ịdanịyẹrị 5:18

Ọ kà, ohinọyị ọ̀ taarụ! Ohomorihi ene hu kere-kere ọ̀ vịdị sị ada anị Inebukadineza mẹ ohinọyị, dị ọ mẹ ka ọ̀ nyị ụbanyị ẹtẹẹtẹrẹ nị.

Ihoseya 7:9

Ẹnịnị ẹ yị yẹ ka anikinami ẹnẹẹ ẹ raà tụ ẹnị ọkụmị. Ịrẹsụ ẹnịnị ẹ̀ ta vị ẹwẹwa, ama ẹnịnị ẹ yị yẹ ka ẹnị ẹ yị kụkụ nyị ụkata.

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Iwe Ọhụhị Imosiisi ana aa hị́ Ọyịvatụrọda 28:43

Anẹkụra ọsa ana ra ịnị akakana awụ nịnị vị ana va nyị ụkataa hu avọọ hu avọọ, ama dị ẹwụ nịnị tangwa aa tụ ọkụmị.

Ọdọvịdị 18:10

Ẹ ka ịjị ẹnịnị èe tu ịzọọ e vee re e ka aza ene hi ịzọọ ẹ yị tẹsị ka a nyị ịsa ana zụ vẹ, ẹnịnị ẹ yị tenyi ẹngụ ịrazị vụrụ-vụrụ. E vee re ka ẹtẹ ộ gana eyi vansaa. Ẹtẹ ọnọọ oni Ohomorihi si chire wa ụvọ vị ẹtẹ ana ahịka avaba ịsa ọnị ọza ee si vene hi ịnị anị.