Ịrẹyị Ọzwọzịsa 5:8 - IWE ỌNỊNỊ

⁸ Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ịrẹyị Ọzwọzịsa 5:8 ပူးပေါင်းရင်းမြစ်များ

2 Ịtọpa 26:10

Ộ rẹ dà irehi ọyịtẹ̀ ọgọdọ tụ́ ịnị akakana ẹkụra, dị ọ chị iruku enyi ọrụrụ-ọrụrụ hi ẹtẹ agụvị ka ộ nyị ụnọ ana dẹngụ tụ́ iruvo ataba ene hi eyi ụvẹtẹ ọnịrị inozi. Ka ô sì ịrẹyị aarẹ, dị ọ tụ́ aza ọtụtụrụma ka ẹ dà ụbazị ịvayịnị rụrụ tụ́ ịnị ataba, dị ẹ kụ́ ịrẹkụ tụ́ ini ẹtẹ ene zoza, dị ọ dọ aza ka ẹ kụ ịrẹkụ yị ọnị nị.

Ijoovu 24:23

Ohomorihi ọ zụ sere wa ama ọ nyayịnẹ sị eyi pe wa ụmẹ tụra ụmẹ nị.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ahẹ Ụgama 55:9

Ẹnẹyịmavara, asị ụ navọ ka aza edivi ẹnẹẹ ẹ̀ kụkụ yẹ ịsị ẹ yaa kà navọ asị ịrẹyị ẹnịnị kụkụ jịrị ẹngụ Ebira ụkata-ụkata ọnịrị ịrazị kẹnẹ ẹ kụ́ hi ịnị ẹkụra nị.

Ahẹ Ụgama 82:1

Ori nịnị mẹ̀ ta wara gụ, di Ohomorihi jẹẹ ịnị akakana ẹnịnị dị ọ mẹ̀ ọkarẹyị yị wa nị.

Ahẹ Ụgama 83:18

Navọ ẹ̀ va yẹ ka ẹwụ ọnị ịrẹha anị rị Ẹnẹyịmavara, ẹwụ ịnya kẹnẹ ọ vị Ohomorihi ene hu keekere ana nyị avaba ẹhẹ nị.

Ahẹ Ụgama 95:3

Ẹnẹyịmavara ọ vị Ohomorihi ene hu keekere nị, Ọnị ọ vị ohinọyị ene huna avaba ori nị.

Ụhịrẹyị 22:16

Ọza ọbanyị anaa za onosiye mẹ̀ ụngwẹ ọnịrị ọza anaa kụ ịsa na yị ọza ọbanyị vị ọnị iruwa vaa za.

Ụhịrẹyị 24:12

Asị ụ kà a ka ẹ yị nyị awụ rị ịnị anị agụvị ka Ohomorihi ọ yẹ ayị́ ọzọza, di e re ọzọza nị. O vee sí ọzọza atọ ịsị ọnị ọ̀ mẹ̀.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ịrẹyị Ọzwọzịsa 3:16

Ọzwọzịsa ọnọnị ka ọnị o re ré ịsa ọnya ịnị ẹhẹ ọnọnị ka ịzị a vọrọ ka à yaa mẹ ịzẹyịza ọnịrị ịsa ana vọrọ hị́ aza, vị ana yà aa chamayị yị ẹngụ.

Ịrẹyị Ọzwọzịsa 4:1

Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ịrẹyị Ọzwọzịsa 5:9

Ohinọyị nyẹmba vị anaa za aza kụ ụrụkụ yị ẹngụ anị.

Ịrẹyị Ọzwọzịsa 7:7

Ịzẹyịza, ọza ọ̀ọ ka ọnị ọọ yẹ ịrẹyị dị aa mẹ ẹvaya yị ọza nị, ọnụra ọ vị nị. Avọọ ochirerenu mee du ọzaa ha nị.

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.

Ayịsaya 10:12

Ama Ananyị yị ọnị ka ọnị ọ̀ọ sị ịsị ọnị ka ọnị aa mẹ mẹ hụrẹ ụvọ ịnị ataba ọnịrị Ijerusarẹmị, ọnị vaa sị ụyaa rị Anasiriya, agụvị irenu ẹnị ẹ vavọọ aa nyị, dị ẹ rẹ yaa mẹ eyi avọọ.

Ayịsaya 3:15

Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ezikẹẹrị 18:18

Ama ada anị vee su isu ebira odivi ọnị ọnị-ụvọta mẹ agụvị ka vị ọọ̄ mẹ̀ azaa rị, dị aa mẹ ako yị ọhụva anị nị. Ịsị ẹnẹ ẹ̀ yị vọrọ ọọ̄ mẹ̀ ịnị akakana aza anị nị.

Emọsị 5:12

Ẹnẹyịmavara kà ọnị ọ yẹ ebira odivi ọdẹngụ ọnị ẹ yaa mẹ̀. Ẹ yaa mẹ̀ ọnịzẹyịza rị, dị ẹ yaa dọ ochirerenu, dị ẹ yaa mẹ̀ ọkarẹyị irikiti yị onosiye nịnị nị.

Emọsị 6:12

Umaata ọ yị ma tụ́ ahụ ịrẹsụ ịda, dị ọza ọ yị ma jị ịrụkụ tụ́ ịnị oku nị. Ama ẹnịnị ẹ raa vara ịzẹyịza ẹchịpa ọnyịrẹyị.

Imika 2:9

Ese aza Ohomorihi vị ọnị ụ dụ hụụnị eehi ozoza ẹnịnị. Ịsa oni Ohomorihi sị yị ezi ẹnịnị ana vị ụbanyị ẹnịnị, dị ụ dọ wa, dị ụ tụ wa avosus tinatibe nị.

Ịzakaraya 8:6

Ẹnẹyịmavara Ochẹtẹẹngụ kà: ụmẹ ọnọọ o vee hị́ aza ana vọ tụ ịzọọ eyi.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Iruuku 1:32

Ọzọbanyị ọ vaa vị nị, Ozi Ohomorihi ene hu keekere a vaa hị́ ọ nị. Ohomorihi Ananyị yị vaa mẹ̀ ẹ ohinọyị tụ́ udi Idevidi ohiku anị.

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Iruuku 1:76

Ẹwụ ozi emi, ọnịsẹ Ohomorihi ana yà ẹbẹẹba keekere a vaa hị́ wụ nị. Ẹwa vaa dọ ọvịdị Ananyị yị, di u we ne tenyi oze tịtẹ zí ọọ nị;

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Aniroomi 11:33

Ohomorihi ộ da nyị ụbanyị kẹnẹ! Ohomorihi ộ yẹ ịrẹyị ẹtẹẹtẹrẹ ọnị ọza ọ̀yị zụ kà. Ịsị Ohomorihi ọ̀ọ ka ọnị aa mẹ, ẹ yị nyị ọza ana zụ yẹ oze ana aa zịị mẹẹ. Ẹnẹ ka ọnị ộ yẹ oze Ohomorihi?

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

1Ipita 4:12

Ẹwụ nịnị ẹyịnyara amị, asị o hí wu nịnị eyi agụvị ụyọrị ẹbanyị-ẹbanyị ene ee tù wu nịnị, dị aa zama wụ nịnịị re. Asị ụ re e ịrẹyị ọzọga nịnị.

1 Ịjọọnụ 3:13

Ẹwụ nịnị anda ayị, anẹhẹ àaa nyị ịhyẹrẹ awụ nịnị, asị o hí wu nịnị irenu!