Ịrẹyị Ọzwọzịsa 5:6 - IWE ỌNỊNỊ

⁶ Asị ụ zẹẹ ka ịrẹyị irenu awụ ọ sị ụ na mẹ ịvị. Asị ụ na kà a yị ọnụtụ Ohomorihi ana ya ịnị irehi Ohomorihi ka ụ nyeeyi ka aka ụ vaa mẹ̀ ịsa ọnọnị nị. Sị ẹ vẹ dị wee sì ka Ohomorihi ọ̀ hụ agụvị ịrẹyị irenu kụ ayị dị ò du avaba ịsị ụ sị ụvọ awụ mẹ ha.

Ịrẹyị Ọzwọzịsa 5:6 ပူးပေါင်းရင်းမြစ်များ

Oyinyima 48:16

anggẹẹrị ọnọọ ana dọ ọnị ha hụụnị avaba ịsa odivi, ọ̀ navọ kwogwo ò zee yi ezi ẹnẹnị. Ọ̀ navọ kwogwo a vaa sị waa tamayị ịrẹha anị ọnịrị ohiku anị nịnị ana vị Abụrahamị ọnịrị Ayiziiki. Ọ kà ọ̀ navọ ẹ va ma ozi rụrụ, dị ahịka vị ẹ gwẹtẹ ịnị ẹhẹ kẹnẹ nị.”

Ụhịrẹyị 23:17

Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ.

Ịrẹyị Ọzwọzịsa 10:12

Ịrẹyị irenu ọza ana yẹ ịrẹyị vị anaā mẹ ka à sị ụbanyị yọ, ama ọnụra vị anaā sịị irenu anị kụ ẹngụkataa tu ẹngụ anị.

Ịrẹyị Ọzwọzịsa 3:14

Ọ kà ọnị ọ yẹ́ ka ịsị Ohomorihi ọ̀ọ mẹ vị ana vaa jẹẹ pooro. Ọza ọ yị zụ dà tụ ọ, dị ọza ẹ yị rẹ zụ dà hụụnị anị nị. Ohomorihi ọọ vavọọ mẹ agụvị dị aza ee hí angwa anị.

Ireevi 4:2

ọ̀ kà yị Anisirẹrị nịnị ka ọza ọ̀ọ nyeeyi sị ahụ jịnẹ ọda Ẹnẹyịmavara, dị ọ mẹ̀ ịvị vaa mẹ saasa ọda ẹnịnị.

Ireevi 4:22

Àa vị ọdọvịdị ẹkụra o nyeeyi jịnẹ ọda Ẹnẹyịmavara dị ọ sị ịvị mẹ̀ nị,

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịrịka 15:25

Dị ohirẹsụ irehi Ẹnẹyịmavara sị ịsa ịsọvọ ẹnẹnị da ịpẹ ịvị ịragụ Anisirẹrị nịnị, dị Ẹnẹyịmavara ọ vagu wa agụvị ka ẹnịnị ẹ yị yẹ. Dị ọ nị wa agụvị ịsa ịsọvọ ana a rị ịra ọnịrị ịsọvọ ịvị ẹnịnị.

1 Anịkọrịntị 11:10

Agụvị avọọ, agụvị anggẹẹrị nịnị ọ sị vọrọ ka ọnẹẹ ọ̀ọ sị ịsaa kú ịrẹsụ anị (dị ọ̀ sị zụ̀ ka â nyị ọza ana nyị ọda tụ́ ịrẹsụ anị) nị.

1 Itimoti 5:21

Ohomorihi ọnịrị Ijeesu Ikirisiti beri anggẹẹrị nịnị ọnị ọ nyị ee ree aanị; mee hú wu ụvọ ka wa sị ụvọ za ịrẹyị ẹnẹnị ẹtẹẹtẹrẹ! Asị ụ nyị ọza remeyi ịnị ịsa ọnyọọnyị ọnị ụ wàaa mẹ.

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.