Ịrẹyị Ọzwọzịsa 5:4 - IWE ỌNỊNỊ

⁴ Waa ka a ka aa nyị ịsị ụ vaa mẹ yị Ohomorihi ụ hụra mẹ̀ ẹ; agụvị ka ayị Ohomorihi e me hine tu ọnụra nịnị. Mẹ ịsị waa ka a ka ụ vaa mẹ.

Ịrẹyị Ọzwọzịsa 5:4 ပူးပေါင်းရင်းမြစ်များ

Oyinyima 28:20

Di Ijekọvụ zẹẹ Ohomorihi ịzẹzẹ dị ọ ka: Àa vị ka Ohomorihi ộ yà pè ọnị, di o sere ọnị ịnị ụsẹ ọnị ọnị aa zị aanị nị; ọ̀ọ sị ịsọyịrị yị ọnị, dị ọ sị ịta yị ọnị kú ẹngụ nị

Oyinyima 35:1

Di Ohomorihi hị́ Ijekọvụ dị ọ ka: ọ̀ kwẹẹtẹ dị ọ hịrẹ nọ Ịbẹtẹrị, dị ọ̀ na ra ịzọọ. Ọ kà òo tụ́ ịzọọ, dị ọ mẹ aha ịsọvọ ịzị ọ vaa yaà mẹ̀ ịsọvọ yị ọnị Ohomorihi ana sị ẹngụ zụ̀ ọ o mè zwe huu ịda Iisọ ẹnẹbẹnị anị.

Oyinyima 35:3

dị ẹnị ẹ̀ kwẹẹtẹ dị ẹnị ẹẹ nọ Ịbẹtẹrị. Ọ kà ẹnị èe tù ịzọọ ọnị ee hi ụta yị Ohomorihi ịzị ọnị vaa yàa mẹ̀ ịsọvọ yọ. Ọ kà Ohomorihi ọnọọ ộ ba ọnị owu ịnị ụmẹ ọnị ọ sị kata ọnị ẹngụ. Ọ kà ọ rẹ jẹẹ ọnị ịrẹma aha tụra aha ọnị ọnị àa nọ.”

Ahẹ Ụgama 116:14

Ịsị mị ka mị vaa sị va yị Ẹnẹyịmavara vị ọnị maa sị vaa yọ éyi avaba aza anị.

Ahẹ Ụgama 119:106

Ma sị eku hị́ ka ọda awụ ẹnẹẹ ana maanị vọrọ aanị mị vaa saasa nị.

Ahẹ Ụgama 22:25

Ohomorihi, aza ẹ̀ẹ ta gụ dị maa ga wụ ịnị akakana ẹnịnị agụvị ịsa ọnị ụ mẹ. Ịsị mị kà a ka maa sị vaa mẹ ịsọvọọ wụ vị ọnị maa sịị vị éyi avaba aza ana aa hẹkẹ wụ.

Ahẹ Ụgama 50:14

Ịsọvọ awụ ọ vị ka waa kụ́ Ohomorihi avọ ịsị wàa kà ka wa mẹẹ yị Ohomorihi ọgọdọgọdọ ọnị ụvọ ọza è yi mè tù di ụ rẹ vavọọ mẹ̀ ẹ yọ.

Ahẹ Ụgama 76:11

Wàa kà ka ụ vaa mẹ̀ ịsaa yị Ẹnẹyịmavara ana vi Ohomorihi awụ, re ka wâ mẹ̀ ẹ. Ohomorihi a avọrọ ka ee hí angwa anị nị â vọrọ ka anẹkụra ana kara yị ẹ̀ẹ kụ́ oguu vaa yọ.

Ụhịrẹyị 20:25

Ròo dị wa va zẹ ịzẹzẹ yị Ẹnẹyịmavara, ẹyị vavọọ ụ vana sụ ụmayịyẹ ịrẹma anị.

Ayịsaya 19:21

Ẹnẹyịmavara vaa mẹ ka Anijipiti ẹ̀ yẹ ọnị. Anijipiti vaa yẹ Ẹnẹyịmavara ịnị ịhị ọnọọ, dị ẹ rẹ yaa hẹkẹ ẹ. Ẹnịnị vaa kụ́ ịsa dị ẹ̀ sị va mẹ̀ ịsọvọ yị Ẹnẹyịmavara kà ẹnị vaa mẹ, avọọ ẹ mẹ̀ vaa mẹ̀ ẹ nị.

Ijona 2:9

Ama ọnị vaa jị ahẹ gono Ẹnẹyịmavara, dị ọnị mẹ̀ ịsọvọọ yọ, dị ọnị jị ahẹ kụ́ ọ avọọ. Dị ọnị mẹ̀ ịsa ọnị ọnị zẹẹ ịzẹzẹ anịị yọ. Dị ọ ka Ẹnẹyịmavara ọọ̄ dọ ọzaa ha nị

Ịmarakayị 1:10

Dị ọ kà, ayị anị eyi hine tu ịsọvọ ẹnịnị. Aa yẹ a hyakụ kụkụ gu oze hi irehi anị ọnọọ. Dị asị ẹnịnị kụkụ hu ịra tụ ịzọọ agụvị ka ayị anị e yi hine tụ ịnị ịsọvọ kẹnẹ-kẹnẹ ọnị ẹyaa mẹ avọọ.

Ịrịka 30:2

asị ẹ̀ sị ahụ jịnẹ ọda anaā sị́ zẹ ịzẹzẹ. Ẹ́ mẹ ido avaba ịsa ọnị Ẹnẹyịmavara va ọ̀ọ ka yị wa.

Imatiwu 5:33

“Wa rẹ wụ́ nịnị ka â kà a yị anụmọkụkụ nịnị ka: ‘Asị ụ hyeku ireche, ama mẹ ịsị ụ wàa hyeku anị yị Ananyị yị!’

Anihiburu 10:6

Ayị awụ ò hine ịnị avaba uye ịsọvọ ana rị ịra ịrẹsụ ụta. À vị ịsọvọ anaā sịị ịvị kwooze.

Ọdọvịdị 11:35

Ịjị Ịjẹhwịta vavọọ re e kẹnẹ, dị ayị sị du, dị ọ na ẹnya anị hi ẹngụ anị ẹngụ, dị ọ ka, kwee-kwee, ozi emi, ẹngụkata ụ kụ ve tu mị aanị nọ. Mâ sị ọ kà yị Ẹnẹyịmavara kà aa nyị ịsa ẹmị vaa mẹ yị ọ, mẹ yị zụ mẹ ka mẹ yị mẹ̀ ịsa ọnọọ.