Ịrẹyị Ọzwọzịsa 5:2 - IWE ỌNỊNỊ

² Sị ụvọ za irenu awụ, dị asị ụ hụra ka ịrẹyị ọvịdị Ohomorihi; Ohomorihi vị ana ya ẹbẹẹba dị ẹwụ ya ẹhẹ ọnọnị nị; agụvị avọọ asị ụ na kụ ịrẹka gigirigi ọvịdị anị.

Ịrẹyị Ọzwọzịsa 5:2 ပူးပေါင်းရင်းမြစ်များ

Oyinyima 18:27

Di Abụrahamị rẹ ka ọnị eteesu ọnịrị atịtọ, ọnị ọ́ọ́ nyị irenu oni ọnị ee sii pè Ẹnẹyịmavara kà ịrẹyị?

Oyinyima 18:30

Di Abụrahamị rẹ ka, “Aarịhịnị, nyarị, ọyịkụ, vị ọnị ka oni ò họ̀ use ka àa vị ẹnị ohurẹẹwụ kẹnẹ ẹ vị aza ọyịza e ne re ịzọọ yọ?” Dị Ẹnẹyịmavara rẹ ka, “Ọnị ọ yị vaa wụ̀ anẹkụra ọnọọ ọnị oo re aza ọyịza ohurẹẹwụ ịzọọ.”

Oyinyima 18:32

Di Abụrahamị kụkụ ka, “Aarịhịnị, ộ zụ ọgọnị, ọ sị vọrọ ka ọ kụ́ ayị hi ọnị, vị ọnị ka ọnị ọ̀ yaanị họ̀ use ụpẹ ọnya kẹnẹ tụ́ ọ nị. Àa na vị ka aza ẹnị ẹẹwụ pere ẹ vị aza ọyịza ene hi ịzọọ yọ?” Di Ẹnẹyịmavara kà: “Ọnị ọ yị vaa wụ̀ wa agụvị aza ẹnị ẹẹwụ ọnọọ.”

Oyinyima 28:20

Di Ijekọvụ zẹẹ Ohomorihi ịzẹzẹ dị ọ ka: Àa vị ka Ohomorihi ộ yà pè ọnị, di o sere ọnị ịnị ụsẹ ọnị ọnị aa zị aanị nị; ọ̀ọ sị ịsọyịrị yị ọnị, dị ọ sị ịta yị ọnị kú ẹngụ nị

Oyinyima 28:22

Ịrẹta oni oni hì jẹẹ aanị ọ vị ịzị a vaa dà irehi Ohomorihii tụ́ nị. Avaba ịsị ọ̀ọ sị yị, ọnị vaa sị agẹẹwụ anịị yọ.

Ahẹ Ụgama 115:3

Ohomorihi yà ẹbẹẹba, ịsa ene zee e eyi kẹnẹ ọọ̄ mẹ nị.

Ụhịrẹyị 10:19

Ireche ọ mā tara ọza ẹnẹ ẹ yị ma sị irenu anị kwoku, ama ọza ana yẹ ịrẹyị vị ana sị ụvọ za irenu anị.

Ụhịrẹyị 20:25

Ròo dị wa va zẹ ịzẹzẹ yị Ẹnẹyịmavara, ẹyị vavọọ ụ vana sụ ụmayịyẹ ịrẹma anị.

Ịrẹyị Ọzwọzịsa 10:12

Ịrẹyị irenu ọza ana yẹ ịrẹyị vị anaā mẹ ka à sị ụbanyị yọ, ama ọnụra vị anaā sịị irenu anị kụ ẹngụkataa tu ẹngụ anị.

Ịrẹyị Ọzwọzịsa 10:13

Ọnụra vị anaā sịị ụraa nyima ịrẹyị ọyị kà, ịrẹyị ọnị ọọ ka vị anaā kụ ịsa odivii hi ẹtẹ.

Ịrẹyị Ọzwọzịsa 5:3

Ịrẹyị ọrụrụ ọyị rò mẹẹ mẹ ọza ra ụra, avọọ ịrẹka ọrụrụ ọ yị kụ mẹẹ sị ọza kà ụra nị.

Ịrẹyị Ọzwọzịsa 5:7

Osusu kẹnẹ ụra ọ yị ra ọnịrị ịrẹka ọrụrụ ọ yị kụ vị nị. Agụvị avọọ o hí angwa Ohomorihi.

Ayịsaya 55:9

Agụvị ka Ẹbẹẹba mẹ̀ nẹba huna ẹtẹ, avọọ oze amị ọnịrị aro amị mẹ̀ nẹba huna awụ nịnị nị.

Ireevi 5:4

Ọza ọọ na hị́ eku kẹnẹ-kẹnẹ ka ọnị vaa mẹ ịrẹyị ọnyọọnyị, ọọ vị ọyịza ọọ vị odivi, ịjị ọọ maanị yẹ ịsị ọnị mẹ kẹnẹ, ọ sị ịvị rị.

Imatiwu 6:7

Ama wàaa mẹ̀ aduwa nịnị, asị ụ rẹ̀ kụ́ ịrẹka ọrụrụ kẹnẹ-kẹnẹ nịnị, anka anarịmadọwụ nịnị mẹ̀ẹ̄ mẹ. Eē roo ka agụvị ịrẹyị ọrụrụ ẹnịnị Óhomorihi a sịị wụ́ aduwa ẹnịnị nị.

Imatiwu 6:9

Agụvị avọọ, waa mẹ ẹngụ aduwa ọnọnị nịnị: Ada ayị ẹbẹẹba, ya sị ụbanyịị yị ịrẹha awụ;

Ịmaakị 6:23

Dị Ịhẹrọdị hyeku yọ, dị ọ ka: Ịsa tụra ịsa oni òo họ̀ use anị, ọ̀ọ daka vị achẹva ohinọyị anị, ọnị vaa sịị yọ nị.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

Ọdọvịdị 11:30

Dị Ịjẹhwịta va na gẹrị Anamọnị nịnị, ọ hị́ eku yị Ẹnẹyịmavara kà ọọ zẹẹ ka ọnị ọ nyị ẹbẹẹba Anamọnị.