Ịrẹyị Ọzwọzịsa 5:18 - IWE ỌNỊNỊ

¹⁸ Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị.

Ịrẹyị Ọzwọzịsa 5:18 ပူးပေါင်းရင်းမြစ်များ

Ahẹ Ụgama 42:8

Eyi ọ̀ọ sị nị, Ẹnẹyịmavara vaa sị zụ̀ ka vị ọnịị sì ịrẹyị amị pooro nị Ịrahụ di maa jị ahẹ gono o dị maa mẹ̀ aduwaa yị Ohomorihi ana mẹ ka ma yara.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ịrẹyị Ọzwọzịsa 2:10

Ọ kà ọnị ẹ yị zụ mẹ ka ịsị eyi anị oo re kẹnẹ ọnị ẹ yị nyị ọ. Ẹ yị nyị ụmẹ ọnị ọnị sị yii ka ọnị ẹ ị mẹ ẹngwọmẹ ọnyọọnyị. Avaba ụkọrọ ọnị ọnị raa mẹ vana nyayịnẹ hine ọnị. Ọsọnị ọ vị ọgụ ọnị ọnị rị ịnị avaba ụkọrọ ọnị ọnị sị ẹhị ẹngụ anị mẹ nị.

Ịrẹyị Ọzwọzịsa 2:24

Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị;

Ịrẹyị Ọzwọzịsa 2:3

Dị ọnị re ve ro o ka ọnị ò hí eche dị ọnị ọ sị hine ẹngụ anị ayị nị. Ọnị ka ọnị ọ̀ daba mẹ ụra chee daa re ama dị ayị anị aa yịị sị ịrẹyọyẹ zụ ọnị nị. Ọnị ee si ka ọnị ọ̀ yẹ ịsị ẹ vana wụra ọza mẹ ịnị ụmẹ chee ọnị ọ nyị ịnị ẹhẹ ọnọnị.

Ịrẹyị Ọzwọzịsa 3:22

Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.

Ịrẹyị Ọzwọzịsa 6:2

Ohomorihi ọọ mẹ ka ọza ọ̀ nyị ẹkẹhị ọnịrị ogu beri ụbanyị. Avaba ịsị ọza ọnọnị eè si kẹnẹ vi ọnị ọ nyị. Ama dị ẹ yị rẹ va zẹ ka ọ̀ rị ọ, dị ahịka aza ẹnẹsa kẹnẹ ẹ vaa rị ọ nị. Osusu kẹnẹ ẹngụ ẹhẹ ọnọnị vị, dị ọ rẹ vị ụya ọdẹngụ nị.

Ịrẹyị Ọzwọzịsa 8:15

Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị.

Ịrẹyị Ọzwọzịsa 9:7

Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.

Ijeremaya 52:34

Eyinị-eyinị pooro dị ọ su, vị anaa vanaa sị ẹkẹhịị yọ ka ịsị ee sì kẹnẹ, ọ̀ sịị mẹ̀ ẹ.

1 Anịkọrịntị 16:16

waa sị ụbanyịị yị ẹngụ aza ẹnẹẹ ọnịrị aza ẹnị ọnịrịị èe dudu aa mẹ̀ ụkọrọ.

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 12:7

Agada Ẹnẹyịmavara Ohomorihi awụ nịnị ịzọọ, ẹwụrị ovwoovu awụ vaa rị ịsa ọnị ụ sị ụvọta awụ nịnị mẹ, dị ụ waa jị ịrajẹ

Iwe Ọhụhị Imosiisi ana aa hị́ Ọyịvatụrọda 26:11

Kụ́ Ẹnẹyịmavara Ohomorihi awụ avọ agụvị ọyịza-ọyịza ọnị ọ mẹ̀ yị ẹwụrị ovwoovu awụ nịnị. Anireevi ẹnịrị azọga ana ra beri wụ nịnị è beri wụ nịnị jị ịrajẹ.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.