Ịrẹyị Ọzwọzịsa 5:13 - IWE ỌNỊNỊ

¹³ Ọzwọzịsa ka aa nyị ịrẹyị odivi ọnyara enee du ọza ayị ọnị ọnị re ịnị ẹhẹ ọnọnị: Ogu ọnị ọza kụ na tẹ̀ dị ọ varẹma vaa zama a.

Ịrẹyị Ọzwọzịsa 5:13 ပူးပေါင်းရင်းမြစ်များ

Oyinyima 14:16

Dị ọ dọ avaba ogu ọnị ọnịvị ẹnẹẹ kụ́ vavẹ nị. Ọ rẹ sị Ịrọọtị ozi ọyịnyara anị beri ogu anị ọnịrị anyẹnẹẹ beri aza ana vọ ana a vịdị za.

Oyinyima 19:14

Dị Ịrọọtị jịnẹ dị ọ maanị na kà a yị ọyẹ anị ana aa vaa nyị ezi anẹẹ anị. Dị ọ ka, “Kwẹẹtẹ we zwe hụụnị ẹkụra ọnọnị nịnị ka Ẹnẹyịmavara ee vee vu ẹkụra ọnọnị ẹtẹ.” Dị ọyẹ anị ẹnị ee ro o ka vị aa mẹ̀ isiya nị.

Oyinyima 19:26

Ose Ịrọọtị vị ana aa dụ Ịrọọtị ịrẹma. Ọnị ộ kana eyi ịrẹma, dị ọ vavọọ vara anọ jẹẹ ịzọọ nị.

Ijoovu 20:20

Avaba ịsa ẹẹ họ́họ̀ha anị nị.

Ụhịrẹyị 1:19

Ẹ maa sị ako jị ọyị yị aza, avọọ ẹnị mẹ rẹ vee re nị.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ụhịrẹyị 11:4

Usu ọ̀ọ ngụ tụ ọza, ẹkẹhị anị ọ yị zụ dọ ọ ha ama ịzẹyịza kẹnẹ ọ zụ dọ ọza ha nị.

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ụhịrẹyị 27:24

agụvị ka ogu ọ maā jẹẹ ọza ụvọ pooro, ọza ịnyara ọ mā rẹ rị ohinọyị pooro.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 5:14

À vị ka ịrẹyị odivi ọ mẹ ka avaba ogu ọnị ọza nyị ọ̀ jị ọ ụvọ dị asị a nyị ịsị ẹ vọ ana vọrọ ka hụrẹ ụvọ tịtẹ yị ozi anị.

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Iruuku 16:19

“Â nyị ọnyẹkẹhị ọnya aanị anaā hara ịta ẹbanyị-ẹbanyịị hi ẹngụ, dị aa rị ẹhẹ ẹtẹẹtẹrẹ eyinị-eyinị.

Iruuku 19:8

Dị Ịzakịyọsị kwẹẹtẹ jẹẹ, dị ọ kà a yị Ananyị yị ka, “Re, Ananyị yị! Mị vaa sị achẹva avaba ịsa ọnị mị nyịị mẹ ọpịsarị nịnị ẹyịza; aza ọnị mị vịdị mẹ rị, mi vee sí ọọ yọ oze ẹẹna.”